अर्थों का अनुवाद सूरा सूरा अल्-क़ियामह - الترجمة الكيروندية - पवित्र क़ुरआ विश्वकोश

SURATU L-QIYAAMAH

आयत: 1

لَآ أُقۡسِمُ بِيَوۡمِ ٱلۡقِيَٰمَةِ

Jewe Allah, Ndarahiye ku musi w’izuka ry’ibiremwa n’iharurirwa ryavyo!

आयत: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ndanarahiye no ku mutima winegura kenshi^[1]! Ko ibiremwa bizozuka.

[1] Umutima winegura kenshi ku kudakora ibitegetswe, canke ku gukora ibibujijwe bizira, ni umutima w’umwemeramana.

आयत: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Mbega, umuntu w’umugarariji yibaza ko Tutazosubira kwegeranya amagufa yiwe inyuma yo gupfa!

आयत: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Vyobuzwa n’iki! Twebwe Allah Tuzosubira kuyegeranya, ahubwo Turashoboye no kuringaniza intoke n’amakanda yazo nk’uko zari ziri imbere yo gupfa.

आयत: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Ahubwo rero, umuntu ahakana yivuye inyuma izuka ry’ibiremwa, ashaka ko yoguma mu vyaha;

आयत: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Maze akabaza atangara n'itebura n'akantu ati: “Mbega izuka ry’ibiremwa rizoshika ryari!”.

आयत: 7

فَإِذَا بَرِقَ ٱلۡبَصَرُ

Igihe umugarariji yakanutse amaso ku bwoba bw’intureka z’uwo musi;

आयत: 8

وَخَسَفَ ٱلۡقَمَرُ

Ukwezi kukazima, hakaba ubwirakabiri;

आयत: 9

وَجُمِعَ ٱلشَّمۡسُ وَٱلۡقَمَرُ

Izuba hamwe n’ukwezi bigashirwa hamwe, ntihasubire kuba ijoro n’umurango;

आयत: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Kuri uwo musi, umuntu azovuga ati: “Ubuhungiro bwo gukira ibihano buri hehe!”.

आयत: 11

كَلَّا لَا وَزَرَ

Muntu! Eka teshwa ute, urahumba! Si nk’uko uvyipfuza, nta buhungiro, eka nta n’ubukiriro;

आयत: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Kuri uwo musi, amaherezo y’ibiremwa vyose n’ubutururo bwavyo, ni ku Mana yawe Rurema Allah.

आयत: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Umuntu kuri uwo musi, azomenyeshwa ivyo yakoze vyose; ivyiza n’ibibi, n’ivyo yagizemwo uruhara bigakorwa yarapfuye.

आयत: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Ahubwo rero, burya umuntu wenyene ku gatwe kiwe, ni isura ku vyo yakoze n’ivyo atakoze;

आयत: 15

وَلَوۡ أَلۡقَىٰ مَعَاذِيرَهُۥ

N’aho yotanga ivyireguzo yisigura ku vyaha yakoze, nta co bizomwungura.

आयत: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Ntumwa y’Imana! Ntugasubiremwo Qor’ani mu gihe co kuyihishurirwa, imbere yuko umumalayika Jibrili aheraheza, wihutira kuyifata neza ku mutwe ku mpungenge z’uko woyibagira.

आयत: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Mu vy’ukuri ni Twebwe Allah, Tujejwe kuyitururuza mu mushaha wawe no kugushoboza kuyisoma ku mutwe.

आयत: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Iyo Intumwa yacu Jibrili iyigusomeye rero, ba ukurikirana igisomwa ata kuyiciramwo.

आयत: 19

ثُمَّ إِنَّ عَلَيۡنَا بَيَانَهُۥ

Hanyuma mu vy’ukuri, ni Twebwe Allah Tujejwe kuyigusigurira.

आयत: 20

كَلَّا بَلۡ تُحِبُّونَ ٱلۡعَاجِلَةَ

Babangikanyamana! Teshwa mute, murahumba! Si nk’uko mwibaza ko ata zuka ry’ibiremwa rihari, ahubwo murakunda ivy’isi bisayangana mukarenza urugero;

आयत: 21

وَتَذَرُونَ ٱلۡأٓخِرَةَ

Mukareka gukora ivyiza bizobafasha mu buzima bw’inyuma yo gupfa.

आयत: 22

وُجُوهٞ يَوۡمَئِذٖ نَّاضِرَةٌ

Abemeramana kuri uwo musi, bazoba basayangana mu maso, akanyamuneza ku kandi kabasya;

आयत: 23

إِلَىٰ رَبِّهَا نَاظِرَةٞ

Baraba bitegereza Imana yabo Rurema Allah ukuri kwamye.

आयत: 24

وَوُجُوهٞ يَوۡمَئِذِۭ بَاسِرَةٞ

Abanyavyaha na bo kuri uwo musi, bazoba bijiriwe mu maso, babihiwe;

आयत: 25

تَظُنُّ أَن يُفۡعَلَ بِهَا فَاقِرَةٞ

Bazi neza ko bashikiwe n’ibihano vy'agacamugongo.

आयत: 26

كَلَّآ إِذَا بَلَغَتِ ٱلتَّرَاقِيَ

Nateshwe ate, arahumba mu gukunda ivy’ isi! Igihe inkomoko y'ubuzima "Roho" yageze mu muhogo ari ku mpfiro;

आयत: 27

وَقِيلَ مَنۡۜ رَاقٖ

Maze uwuri hafi, akabwirwa n’abari ng’aho ati: “Mbega yemwe, ni nde yomukiza!”;

आयत: 28

وَظَنَّ أَنَّهُ ٱلۡفِرَاقُ

Uwuri ku mpfiro na we azoba yamaze kumenya neza na neza ko hageze gusezera isi;

आयत: 29

وَٱلۡتَفَّتِ ٱلسَّاقُ بِٱلسَّاقِ

Maze intureka zo gusezera isi zigahura n’intureka zo gutangura ubuzima bw’inyuma yo gupfa, imirundi igafatana atera akagere ka nyuma.

आयत: 30

إِلَىٰ رَبِّكَ يَوۡمَئِذٍ ٱلۡمَسَاقُ

Kuri uwo musi w'izuka ry'ibiremwa rero, ibiremwa bizoshorerwa ku Mana yawe Rurema Allah^[2].

[2] Ibija mu Bwami bw’ijuru, biterwe iteka ryo kubwinjira; ibija mu muriro udahera na vyo nyene, biteterezwe mu kuwinjira.

आयत: 31

فَلَا صَدَّقَ وَلَا صَلَّىٰ

Umugarariji, ntiyigeze yemera Intumwa na Qor’ani, eka ntiyigeze anasenga amasengesho-bwirizwa;

आयत: 32

وَلَٰكِن كَذَّبَ وَتَوَلَّىٰ

Ahubwo yarahakanye Qor’ani yivuye inyuma, yirengagiza n’ukwemera Intumwa;

आयत: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Hanyuma agenda agana ku muryango wiwe n’amanyama n’ubwirasi n'akantu.

आयत: 34

أَوۡلَىٰ لَكَ فَأَوۡلَىٰ

Muhakanyi! Uragahanwa n’Imana Allah! Uragahanwa n’Imana Allah!

आयत: 35

ثُمَّ أَوۡلَىٰ لَكَ فَأَوۡلَىٰٓ

Hanyuma kandi, uragahanwa n’Imana Allah! Uragahanwa n’Imana Allah!

आयत: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Mbega, umuhakanyi w’izuka ry’ibiremwa, yibaza ko azokwihozwa akarekwa uko ashaka, ntahabwe amabwirizwa ngo aheze abazwe ko yayubahirije!

आयत: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Mbega, ntiyari ima ry’intanga ryakororewe mu gitereko!

आयत: 38

ثُمَّ كَانَ عَلَقَةٗ فَخَلَقَ فَسَوَّىٰ

Hanyuma aba amaraso avuze, ni uko rero Imana Allah Iraheza Iramurema, Iraringaniza indemo yiwe n’ibihimba vyiwe; kimwe cose aho kigenewe, kibereye;

आयत: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Hanyuma Imugiramwo ibitsina bibiri: igitsina-gabo canke igitsina-gore.

आयत: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Mbega Imana Allah Ishoboye gukora ivyo vyose, ntishoboye kuzura abapfuye, Ikabasubiza ubuzima^[3]!

[3] Iyo umuntu ahejeje gusoma iyo Aayah, aca avuga yemanga ati: “BALAA INNAHUU LAQAADIRUN ALAA DHAALIK” (Ibuzwa n’iki! Mu vy’ukuri, Irabishoboye pe!).