Traduzione dei significati Sura Al-Muddaththir - Traduzione in pashtu dell'Abbreviata Esegesi del Nobile Corano - L'Enciclopedia del Nobile Corano

مدثر

Alcuni scopi di questa Sura comprendono:

الأمر بالاجتهاد في دعوة المكذبين، وإنذارهم بالآخرة والقرآن.

د درواغ ګڼونکو په بلنه کې په کوښښ کولو امر کول او د هغوی په آخرت او قرآن وېرول.

---

Versetto: 1

یٰۤاَیُّهَا الْمُدَّثِّرُ ۟ۙ

اې په خپلو جامو کې ځان پټوونکیه! ( او هغه نبي صلی الله عليه وسلم دی).

Versetto: 2

قُمْ فَاَنْذِرْ ۟ۙ

پاڅېږه او د الله له عذابه وېرول وکړه.

Versetto: 3

وَرَبَّكَ فَكَبِّرْ ۟ۙ

او د پالونکي لويي دې بيان کړه.

Versetto: 4

وَثِیَابَكَ فَطَهِّرْ ۟ۙ

او ځان دې له ګناهونو پاک کړه او جامې دې له پليتيو پاکې کړه.

Versetto: 5

وَالرُّجْزَ فَاهْجُرْ ۟ۙ

او د بوتانو له لمانځنې لرې اوسه.

Versetto: 6

وَلَا تَمْنُنْ تَسْتَكْثِرُ ۟ۙ

او پر خپل پالونکي دې احسان مه باروه چې دې نېک عمل زیات ګڼې

Versetto: 7

وَلِرَبِّكَ فَاصْبِرْ ۟ؕ

او له کومې ستونزې سره چې مخ کېږې خپل پالونکي ته صبر پرې کوه.

Versetto: 8

فَاِذَا نُقِرَ فِی النَّاقُوْرِ ۟ۙ

نو کله چې په ښکر (شپېلۍ) کې دويم ځل پوکړل شي.

Versetto: 9

فَذٰلِكَ یَوْمَىِٕذٍ یَّوْمٌ عَسِیْرٌ ۟ۙ

بیا دغه ورځ سخته ورځ وي.

Versetto: 10

عَلَی الْكٰفِرِیْنَ غَیْرُ یَسِیْرٍ ۟

پر هغو کسانو چې پر الله او د هغه پر رسولانو يې کفر کړی وي آسانه به نه وي.

Versetto: 11

ذَرْنِیْ وَمَنْ خَلَقْتُ وَحِیْدًا ۟ۙ

اې رسوله! ما او هغه څوک سره پرېږده چې د مور په ګېده کې مې يې يوازې پرته له مال او اولاده پيدا کړی (چې هغه د مغيره زوی وليد دی).

Versetto: 12

وَّجَعَلْتُ لَهٗ مَالًا مَّمْدُوْدًا ۟ۙ

او هغه لره مې ډېر مال ورکړ.

Versetto: 13

وَّبَنِیْنَ شُهُوْدًا ۟ۙ

او هغه لره مې له هغه سره حاضر زامن پيداکړل چې په محفلونو کې ورسره حاضريږي د هغه د زيات مال له امله د سفر لپاره نه ورڅخه بېليږي.

Versetto: 14

وَّمَهَّدْتُّ لَهٗ تَمْهِیْدًا ۟ۙ

او هغه لره مې په ژوند، روزۍ او اولاد کې پراخه پراخي ورکړه.

Versetto: 15

ثُمَّ یَطْمَعُ اَنْ اَزِیْدَ ۟ۙ

بيا هم هغه پر ما د خپل کفر له امله هيله لري چې زه به هغه ته ور زيات کړم وروسته تردې چې دغه ټول مې ورکړي دي.

Versetto: 16

كَلَّا ؕ— اِنَّهٗ كَانَ لِاٰیٰتِنَا عَنِیْدًا ۟ؕ

چاره به داسې نه وي لکه څنګه چې هغه فکر کړی، پرته له شکه هغه زموږ پر رسول زموږ لخوا د نازل کړل شويو آيتونو لپاره ضد کوونکی د هغو درواغ ګڼونکی و.

Versetto: 17

سَاُرْهِقُهٗ صَعُوْدًا ۟ؕ

ژر به هغه پر داسې سخت عذاب مکلف کړم چې زغملی به يې نه شي.

Versetto: 18

اِنَّهٗ فَكَّرَ وَقَدَّرَ ۟ۙ

دغه کافر چې پورته نعمتونه مو پرې لورولې و، فکر یې وکړ چې د قران د غلط ثابتولو لپاره څه ووایې، په سوچ کې یې پدې اړه اټکل وکړ.

Alcuni insegnamenti da trarre da questi versi sono:

• المشقة تجلب التيسير.

سختي د ځان سره اساني راولي.

• وجوب الطهارة من الخَبَث الظاهر والباطن.

د ښکاره او پټې پلیتۍ څخه د پاکوالي وجوب.

• الإنعام على الفاجر استدراج له وليس إكرامًا.

فاسق انسان باندې لورینه هغه مهلت ورکول دي نه عزت.

Versetto: 19

فَقُتِلَ كَیْفَ قَدَّرَ ۟ۙ

د الله له رحمتې دې لیرې وي او په عذاب دې کړای شي، څرنګه اندازه یې ولګوله.

Versetto: 20

ثُمَّ قُتِلَ كَیْفَ قَدَّرَ ۟ۙ

بيا دې پرې لعنت وي او په عذاب دې شي څنګه خبره يې جوړه کړه.

Versetto: 21

ثُمَّ نَظَرَ ۟ۙ

بيا يې په هغه څه کې بيا کتنه او فکر وکړ چې ويل يې.

Versetto: 22

ثُمَّ عَبَسَ وَبَسَرَ ۟ۙ

بيا يې مخ تريو او بړوس کړ کله يې چې هغه څه ونه موندل چې په قرآن کې پرې عيب ووايي.

Versetto: 23

ثُمَّ اَدْبَرَ وَاسْتَكْبَرَ ۟ۙ

بيا يې ايمان ته شا کړه او د نبي صلی الله عليه وسلم له پيروۍ يې لویې وکړه.

Versetto: 24

فَقَالَ اِنْ هٰذَاۤ اِلَّا سِحْرٌ یُّؤْثَرُ ۟ۙ

نو ويې ويل: دا چې محمد ورسره راغلی د الله کلام نه دی، بلکې کوډې دي چې له بل څخه يې روايت کوي.

Versetto: 25

اِنْ هٰذَاۤ اِلَّا قَوْلُ الْبَشَرِ ۟ؕ

دا د الله کلام نه دی، بلکې د انسانانو خبرې دي.

Versetto: 26

سَاُصْلِیْهِ سَقَرَ ۟

ژر به دغه کافر د دوزخ له طبقو څخه يوې طبقې ته ننباسم، چې هغه سقر ده چې ګرمي به يې ګالي.

Versetto: 27

وَمَاۤ اَدْرٰىكَ مَا سَقَرُ ۟ؕ

او اې محمده ته څه پوهېږې چې سقر حه دی؟!.

Versetto: 28

لَا تُبْقِیْ وَلَا تَذَرُ ۟ۚ

هغه له عذاب ورکړل شوي څخه هيڅ هم نه پریږدي مګر پرې راوړي، او نه يې پرېږدي، بيا راګرځي لکه څنګه چې و، بيا پرې راوړي، او همداسې يې تکراروي.

Versetto: 29

لَوَّاحَةٌ لِّلْبَشَرِ ۟ۚ

سخت سوځوونکی او د پوستکو بدلوونکی دی.

Versetto: 30

عَلَیْهَا تِسْعَةَ عَشَرَ ۟ؕ

پر هغه نولس پرېښتې ګومارل شوې چې هغوی يې ساتونکې دي.

Versetto: 31

وَمَا جَعَلْنَاۤ اَصْحٰبَ النَّارِ اِلَّا مَلٰٓىِٕكَةً ۪— وَّمَا جَعَلْنَا عِدَّتَهُمْ اِلَّا فِتْنَةً لِّلَّذِیْنَ كَفَرُوْا ۙ— لِیَسْتَیْقِنَ الَّذِیْنَ اُوْتُوا الْكِتٰبَ وَیَزْدَادَ الَّذِیْنَ اٰمَنُوْۤا اِیْمَانًا وَّلَا یَرْتَابَ الَّذِیْنَ اُوْتُوا الْكِتٰبَ وَالْمُؤْمِنُوْنَ ۙ— وَلِیَقُوْلَ الَّذِیْنَ فِیْ قُلُوْبِهِمْ مَّرَضٌ وَّالْكٰفِرُوْنَ مَاذَاۤ اَرَادَ اللّٰهُ بِهٰذَا مَثَلًا ؕ— كَذٰلِكَ یُضِلُّ اللّٰهُ مَنْ یَّشَآءُ وَیَهْدِیْ مَنْ یَّشَآءُ ؕ— وَمَا یَعْلَمُ جُنُوْدَ رَبِّكَ اِلَّا هُوَ ؕ— وَمَا هِیَ اِلَّا ذِكْرٰی لِلْبَشَرِ ۟۠

او موږ د دوزخ ساتونکي نه دي ګرځولي مګر پرېښتې، چې بشر د هغوی توان نه لري، او د هغوی دغه شمېر مو يوازې د هغو کسانو لپاره ازموينه ګرځولې ده چې پر الله يې کفر کړی، ترڅو هغه څه ووايي چې وايي يې، نو پر هغوی عذاب څو برابره کړي او ترڅو هغه يهود باور وکړي چې تورات ورکړل شوی او هغه نصارا چې انجيل ورکړل شوی دی، کله چې قرآن نازلېده د هغوی د کتابونو تصدیق کوونکی و، ترڅو د مؤمنانو ايمان زيات شي، کله چې هغوی له اهل کتابو سره موافق شي، يهود، نصار او مؤمنان شک نه کوي، او ترڅو په ايمان کې تردد کوونکي او کافران ووايي: الله پر دغه عجيب شمېر د څه اراده کړې ده، لکه له دغه شمېر څخه د منکر لار ورکي، او پر هغه د رېښتيني بلونکي لارښوونه، الله چې د چا لار ورکي وغواړي پرې لار ورکی کوي يې او د چا چې لارښوونه وغواړي لارښوونه يې پرې کوي، او ستا د پالونکي لښکرې د هغوی د زياتوالي له امله يوازې الله ته معلومې دي، او اور يوازې د بشر لپاره يوه يادونه ده چې د الله پاک عظمت پرې پېژني.

Versetto: 32

كَلَّا وَالْقَمَرِ ۟ۙ

وينا داسې نه ده لکه څنګه چې ځينې مشرکان ګومان کوي چې د هغه ملګري د دوزخ د څوکيدارانو لپاره بسنه کوي ترڅو يې ترې وباسي، الله پر سپوږمۍ لوړه وکړه.

Versetto: 33

وَالَّیْلِ اِذْ اَدْبَرَ ۟ۙ

او په شپه يې لوړه وکړه کله چې وګرځي.

Versetto: 34

وَالصُّبْحِ اِذَاۤ اَسْفَرَ ۟ۙ

او پر سهار يې لوړه وکړه کله چې رڼا شي.

Versetto: 35

اِنَّهَا لَاِحْدَی الْكُبَرِ ۟ۙ

بېشکه د دوزخ اور يو له لويو بلاوو څخه دی.

Versetto: 36

نَذِیْرًا لِّلْبَشَرِ ۟ۙ

د انسانانو لپاره ډاروونکی او وېروونکی دی.

Versetto: 37

لِمَنْ شَآءَ مِنْكُمْ اَنْ یَّتَقَدَّمَ اَوْ یَتَاَخَّرَ ۟ؕ

اې خلکو! له تاسې څخه د هغه لپاره چې پر الله ايمان راوړلو او نېک عمل ته وړاندې کېدل غواړي او يا د کفر او ګناهونو له امله وروسته پاتې کېدل.

Versetto: 38

كُلُّ نَفْسٍ بِمَا كَسَبَتْ رَهِیْنَةٌ ۟ۙ

هر څوک په خپلو کړو اعمالو کې نيولی شوی دی، يا به يې اعمال تباه کوي او يا به يې خلاصوي او له تباهۍ به يې ژغوري.

Versetto: 39

اِلَّاۤ اَصْحٰبَ الْیَمِیْنِ ۟ؕۛ

پرته له مؤمنانو ځکه هغوی پر خپلو ګناهونو نه نيول کيږي، بلکې تر هغو ور تېريږي ځکه هغوی لره نېک عمل شته.

Versetto: 40

فِیْ جَنّٰتٍ ۛ۫— یَتَسَآءَلُوْنَ ۟ۙ

او هغوی به د قيامت په ورځ په جنتونو کې ځينې يې له ځينو پوښتنې کوي.

Versetto: 41

عَنِ الْمُجْرِمِیْنَ ۟ۙ

له هغو کافرانو څخه چې خپل ځانونه يې د ګناهونو په ترسره کولو تباه کړي دي.

Versetto: 42

مَا سَلَكَكُمْ فِیْ سَقَرَ ۟

هغوی به ورته وايي: څه شي دوزخ ننه اېستئ؟

Versetto: 43

قَالُوْا لَمْ نَكُ مِنَ الْمُصَلِّیْنَ ۟ۙ

نو کافران به په دې ويلو سره ځواب ورکوي: موږ له هغو کسانو څخه نه وو چې د دنيا په ژوند کې يې فرضي لمنځونه کول.

Versetto: 44

وَلَمْ نَكُ نُطْعِمُ الْمِسْكِیْنَ ۟ۙ

او نه مو بې وزله ته خواړه ورکول کوم چې الله موږ ته راکړي و.

Versetto: 45

وَكُنَّا نَخُوْضُ مَعَ الْخَآىِٕضِیْنَ ۟ۙ

او له اهل باطل سره به تاوېدلو چېرې به چې هغوی تاوېدل، او د لارورکو او بې لارو سره مو خبرې کولې.

Versetto: 46

وَكُنَّا نُكَذِّبُ بِیَوْمِ الدِّیْنِ ۟ۙ

او د بدلې ورځ مو درواغ ګڼله.

Versetto: 47

حَتّٰۤی اَتٰىنَا الْیَقِیْنُ ۟ؕ

او په درواغ ګڼلو کې مو زياته سرکښي وکړه تردې چې مرګ راته راغی، نو زموږ او د توبې ترمنځ خڼد وګرځېدی.

Alcuni insegnamenti da trarre da questi versi sono:

• خطورة الكبر حيث صرف الوليد بن المغيرة عن الإيمان بعدما تبين له الحق.

د لويي کولو خطر داسې چې وليد بن مغيره يې له ايمانه ايسار کړ وروسته تر دې چې حق ورته څرګند شو.

• مسؤولية الإنسان عن أعماله في الدنيا والآخرة.

انسان د خپلو کړنو پر وړاندې په دنيا او آخرت کې مسؤوليت.

• عدم إطعام المحتاج سبب من أسباب دخول النار.

بې وزله ته خواړه نه ورکول اور ته د ننوتلو له لاملونو څخه يو لامل دی.

Versetto: 48

فَمَا تَنْفَعُهُمْ شَفَاعَةُ الشّٰفِعِیْنَ ۟ؕ

د قيامت په ورځ به له پرېښتو، نبيانو او نېکانو څخه د سپارښت کوونکو منځګړيتوب هغوی ته ګټه ونه رسوي، ځکه د سپارښتنې له شرطونو څخه دا دي چې د چا سپارښتنه کيږي له هغه به الله راضي وي.

Versetto: 49

فَمَا لَهُمْ عَنِ التَّذْكِرَةِ مُعْرِضِیْنَ ۟ۙ

څه شي دغه مشرکان له قرآنه مخ اړوونکي ګرځولي دي؟!.

Versetto: 50

كَاَنَّهُمْ حُمُرٌ مُّسْتَنْفِرَةٌ ۟ۙ

هغوی په مخ اړولو او له هغه څخه په تېښته کې لکه وحشي خره داسې دي چې ډېر سخت ترېدلي وي.

Versetto: 51

فَرَّتْ مِنْ قَسْوَرَةٍ ۟ؕ

له زمري څخه له وېرې تښتېدلي وي.

Versetto: 52

بَلْ یُرِیْدُ كُلُّ امْرِئٍ مِّنْهُمْ اَنْ یُّؤْتٰی صُحُفًا مُّنَشَّرَةً ۟ۙ

بلکې هر یو له دغو مشرکانو غواړي چې د هغه له سر سره دې داسې غوړېدلی کتاب وي چې پردې خبره يې خبروي چې محمد د الله له لورې رسول دی، د دې خبرې لامل د دلايلو کموالی او د حجتونو کمزوري نه ده، بلکې هغه عناد او لويي ده.

Versetto: 53

كَلَّا ؕ— بَلْ لَّا یَخَافُوْنَ الْاٰخِرَةَ ۟ؕ

امر داسې نه دی، بلکې د هغوی په لارورکۍ کې د زيادت لامل دا دی چې هغوی د آخرت پر عذاب ايمان نه لري؛ نو پر خپل کفر پاتې دي.

Versetto: 54

كَلَّاۤ اِنَّهٗ تَذْكِرَةٌ ۟ۚ

خبر اوسئ بېشکه دغه قرآن يو نصيحت او ور يادوونکی دی.

Versetto: 55

فَمَنْ شَآءَ ذَكَرَهٗ ۟ؕ

نو څوک چې غواړي قرآن ولولي او نصيحت ترې واخلي ودې لولي او نصيحت دې ترې واخلي.

Versetto: 56

وَمَا یَذْكُرُوْنَ اِلَّاۤ اَنْ یَّشَآءَ اللّٰهُ ؕ— هُوَ اَهْلُ التَّقْوٰی وَاَهْلُ الْمَغْفِرَةِ ۟۠

او يوازې هغه خلک ترې نصيحت اخېتسلای شي چې الله د هغوی نصيحت اخېستل وغواړي، الله پاک د دې وړ دی چې د هغه د امرونو په پرځای کولو او له نواهيوو يې په ډډه کول ترې وېره وشي، او د دې واک لري چې د بندګانو ګناهونه يې وبښي کله چې هغوی توبه ورته وباسي.

Alcuni insegnamenti da trarre da questi versi sono:

• مشيئة العبد مُقَيَّدة بمشيئة الله.

د بنده خوښه د الله تر خوښې پورې تړلې ده.

• حرص رسول الله صلى الله عليه وسلم على حفظ ما يوحى إليه من القرآن، وتكفّل الله له بجمعه في صدره وحفظه كاملًا فلا ينسى منه شيئًا.

د رسول الله صلی الله عليه وسلم د هغه څه په يادولو حرص کول چې له قرآنه به وحي ورته کېده، او الله د هغه لپاره د هغه په سينه کې جمع کول او داسې بشپړ يادول چې بيا هيڅ هم ترې هېر نه شي پر غاړه واخېستل.