対訳 章 引き抜く者章 - الترجمة الكيروندية - クルアーン百科事典

SURATU NNAAZI’AAT

節: 1

وَٱلنَّٰزِعَٰتِ غَرۡقٗا

Jewe Allah, Ndarahiye ku bamalayika bashikurana inguvu inkomoko y'ubuzima "Roho" mu mitima y’abagarariji!

節: 2

وَٱلنَّٰشِطَٰتِ نَشۡطٗا

No ku bamalayika bakuramwo bukebuke mu bwitonzi inkomoko y'ubuzima "Roho" mu mitima y’abemeramana!

節: 3

وَٱلسَّٰبِحَٰتِ سَبۡحٗا

No ku bamalayika baguruka mu kirere banyaruka, bagana mw’ijuru canke bavayo!

節: 4

فَٱلسَّٰبِقَٰتِ سَبۡقٗا

No ku bamalayika banyaragasa mu gushira mu ngiro amabwirizwa y’Imana Allah!

節: 5

فَٱلۡمُدَبِّرَٰتِ أَمۡرٗا

No ku bamalayika batunganya mu bukerebutsi nta ngere, ivyo bategetswe gushira mu ngiro kw’isi!

節: 6

يَوۡمَ تَرۡجُفُ ٱلرَّاجِفَةُ

Nta nkeka rero ko muzozurwa mugaharurirwa, umusi isi n’imisozi bizonyiganyiga cane havugijwe inzamba ya mbere yo guhonya ibiremwa;

節: 7

تَتۡبَعُهَا ٱلرَّادِفَةُ

Hace hakurikira ivuzwa rya kabiri ry’inzamba y’izuka.

節: 8

قُلُوبٞ يَوۡمَئِذٖ وَاجِفَةٌ

Kuri uwo musi rero, imitima y’abagarariji izohinda agashitsi, yugarijwe n’ubwoba n’akantu.

節: 9

أَبۡصَٰرُهَا خَٰشِعَةٞ

Bazoba bijiriwe mu maso, bajumarariwe;

節: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Abahakana bivuye inyuma izuka ry'ibiremwa, bavuga batebura n'akantu bati: “Mbega, ni ivy’ukuri, tuzosubizwa ubuzima inyuma yo gupfa nk’uko twahora kw’isi!

節: 11

أَءِذَا كُنَّا عِظَٰمٗا نَّخِرَةٗ

Ubu nitwaba amagufa yabunzwe, tuzozuka koko!”.

節: 12

قَالُواْ تِلۡكَ إِذٗا كَرَّةٌ خَاسِرَةٞ

Bazoheza bavuge bihebura bati: “Emwe! Iryo garuka ryacu rero, ni ryaba ari iry'ukuri, rizoba ari iry’agahombo”.

節: 13

فَإِنَّمَا هِيَ زَجۡرَةٞ وَٰحِدَةٞ

Mu vy’ukuri, rizoba ivuzwa rimwe gusa ry’inzamba ya kabiri;

節: 14

فَإِذَا هُم بِٱلسَّاهِرَةِ

Maze bace bisanga ari bazima ku mugongo w’isi.

節: 15

هَلۡ أَتَىٰكَ حَدِيثُ مُوسَىٰٓ

Ntumwa y’Imana! Mbega, warashikiriwe n’inkuru ya Musa (nyakugira amahoro y’Imana Allah)!

節: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Igihe Imana yiwe Rurema Allah Yamuhamagara ari mu kabande gatagatifu “Twuwa”, hambavu y’umusozi Sinayi.

節: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Maze Imubwira Iti: “Genda kwa Firawuni, mu vy’ukuri yarimonogoje mu buhakanyi;

節: 18

فَقُلۡ هَل لَّكَ إِلَىٰٓ أَن تَزَكَّىٰ

Uheze umubwire uti: “Ubwo ntiwokwiyeza, ukemera Imana Imwe Rudende Allah!

節: 19

وَأَهۡدِيَكَ إِلَىٰ رَبِّكَ فَتَخۡشَىٰ

Maze nkakurongora mu nzira y’Imana yawe Rurema Allah, ugaheza ukayigamburukira””.

節: 20

فَأَرَىٰهُ ٱلۡأٓيَةَ ٱلۡكُبۡرَىٰ

Ni ho rero Musa yereka Firawuni igitangaro gihambaye co guhindura inkoni inzoka.

節: 21

فَكَذَّبَ وَعَصَىٰ

Firawuni ashoka ahakana yivuye inyuma Musa (nyakugira amahoro y’Imana Allah), aranagabitanya ku Mana Allah.

節: 22

ثُمَّ أَدۡبَرَ يَسۡعَىٰ

Hanyuma agenza umugongo yirengagiza ukwemera, abandanya ubwononyi bwo guhakana Musa (nyakugira amahoro y’Imana Allah).

節: 23

فَحَشَرَ فَنَادَىٰ

Ni ho Firawuni yakoranya abantu, arasemerera;

節: 24

فَقَالَ أَنَا۠ رَبُّكُمُ ٱلۡأَعۡلَىٰ

Avuga ati: “Ni jewe imana yanyu iri hejuru ya vyose”.

節: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Maze Imana Allah Ica Iramwihora, Imuha ibihano vy’akarorero mu buzima bwo kw'isi, Ikazomuha n'ibihano vyo mu buzima bw’inyuma yo gupfa.

節: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Mu vy’ukuri inyifato ya Firawuni n’ivyamushikiye, harimwo inkebuzo ku bantu batinya ibihano vy'Imana Allah.

節: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Mbega bantu! Izurwa ryanyu, ni ryo ryoba rigoye cane kurusha; canke ukurema ijuru, Imana Allah Yubatse hejuru yanyu, ni co kigoye!

節: 28

رَفَعَ سَمۡكَهَا فَسَوَّىٰهَا

Yahanitse ikirere caryo, Iraheza Irariringaniza.

節: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Igira ijoro ryaryo umwijima iyo izuba rirenze, Ikabonesha umurango waryo iyo riserutse.

節: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Inyuma y’ivyo, Yagura isi Irayisasa, Iyishiramwo ibintu vyose nkenerwa.

節: 31

أَخۡرَجَ مِنۡهَا مَآءَهَا وَمَرۡعَىٰهَا

Iraserura amariba y’amazi yayo, Imeza n’uburagiro bw’ibitungwa.

節: 32

وَٱلۡجِبَالَ أَرۡسَىٰهَا

Imisozi na yo Irayishinga;

節: 33

مَتَٰعٗا لَّكُمۡ وَلِأَنۡعَٰمِكُمۡ

Ivyo vyose Yabibaremeye, kugira muryoherwe mwebwe n’ibitungwa vyanyu^[1], muvyikoreko.

[1] Izurwa ryanyu rero, rizoba ryoroshe cane ku Mana Allah gusumba irema ry’ivyo vyose Yaremye.

節: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Igihe haje rero ikiza nya kiza c’umusi w’izuka;

節: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Umusi umuntu azokwerekwa ivyo yakoze, aheze avyibuke, anavyemange;

節: 36

وَبُرِّزَتِ ٱلۡجَحِيمُ لِمَن يَرَىٰ

Umuriro ururumba ugashirwa ahabona;

節: 37

فَأَمَّا مَن طَغَىٰ

Uwo wese rero, yimonogoje mu buhakanyi;

節: 38

وَءَاثَرَ ٱلۡحَيَوٰةَ ٱلدُّنۡيَا

Agahitamwo ubuzima bwo kw’isi, akirengagiza ubuzima bw’inyuma yo gupfa;

節: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Mu vy’ukuri, umuriro ururumba wa Jahannamu, ni bwo bushikiro bwiwe.

節: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Nayo uwitwararitse kurengutswa imbere y’Imana yiwe Rurema Allah, akanareka gukora ivyo umutima wiwe wipfuza;

節: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Mu vy’ukuri, Ubwami bw’ijuru ni ryo cumbi ryiwe.

節: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Ntumwa y’Imana! Ababangikanyamana barakubaza igihe umuhero w’isi uzoberako!

節: 43

فِيمَ أَنتَ مِن ذِكۡرَىٰهَآ

Wewe, nta bumenyi bw’igihe uzoberako ufise.

節: 44

إِلَىٰ رَبِّكَ مُنتَهَىٰهَآ

Ubumenyi bwawo buri ku Mana yawe Rurema Allah.

節: 45

إِنَّمَآ أَنتَ مُنذِرُ مَن يَخۡشَىٰهَا

Wewe gusa, uri umugabisha w’uwutinya akitegurira uwo musi w’umuhero.

節: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Umusi bazowubona, bazomera nk’aho batigeze baba kw’isi, kiretse igihe kingana n’umuhingamo^[2] canke umusase gusa^[3].

[2] Igice c’umusi, kuva izuba rihengamiye mu burengero gushika rirenze.
[3] Igice c’umusi, kuva izuba riserutse gushika ku mutaga.