ការបកប្រែអត្ថន័យ ជំពូក​ សូរ៉ោះអាល់ម៉ាអារិច - الترجمة الكيروندية - សព្វវចនាធិប្បាយនៃគម្ពីគួរអាន

SURATU L-MA’AARIJ

អាយ៉ាត់: 1

سَأَلَ سَآئِلُۢ بِعَذَابٖ وَاقِعٖ

Yarasavye umusavyi^[1] igihano gitegerezwa gushika;

[1] Yitwa An-Nadhru mwene Al-Haarith

អាយ៉ាត់: 2

لِّلۡكَٰفِرِينَ لَيۡسَ لَهُۥ دَافِعٞ

Kizoshikira abagarariji ku musi w’izuka, nta n’umwe ashoboye kugihagarika;

អាយ៉ាត់: 3

مِّنَ ٱللَّهِ ذِي ٱلۡمَعَارِجِ

Kiva ku Mana Allah, Nyeninzira zicamwo gusa abamalayika mu kirere;

អាយ៉ាត់: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Abamalayika hamwe na Mutimamweranda Jibrili, bazoduga muri izo nzira baja ku Mana Allah, ku musi w’izuka, ku ntureka zawo uzoba ungana n’imyaka yo kw’isi ibihumbi mirongo itanu^[2].

[2] Uwo, ni wo musi w'iharurirwa ry'ibiremwa no kubicira urutunganye. Ku mwemeramana, azowubona ari akanya gato, kangana n'umwanya isengesho rimwe rimara.

អាយ៉ាត់: 5

فَٱصۡبِرۡ صَبۡرٗا جَمِيلًا

Ntumwa y’Imana! Ihanganire ata kwidogera itebura ry’abagarariji mu kwihutira gusaba ko bohanwa.

អាយ៉ាត់: 6

إِنَّهُمۡ يَرَوۡنَهُۥ بَعِيدٗا

Mu vy’ukuri, abagarariji babona ko ibihano vyo kuri uwo musi biri kure cane, bitazonabashikira;

អាយ៉ាត់: 7

وَنَرَىٰهُ قَرِيبٗا

Na Twe Allah, Tukabibona ko nyabuna biri hafi cane, kandi bitegerezwa gushika.

អាយ៉ាត់: 8

يَوۡمَ تَكُونُ ٱلسَّمَآءُ كَٱلۡمُهۡلِ

Umusi ijuru ryabaye nk’ubutare bw’umujumpu bwayongejwe;

អាយ៉ាត់: 9

وَتَكُونُ ٱلۡجِبَالُ كَٱلۡعِهۡنِ

Imisozi nayo ikaba nk’ubwoya bwashwiragijwe n’umuyaga mu kirere;

អាយ៉ាត់: 10

وَلَا يَسۡـَٔلُ حَمِيمٌ حَمِيمٗا

Umugenzi, ntazobaza mugenziwe uko amerewe.

អាយ៉ាត់: 11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Abakunzi bazobonana banamenyane, maze umunyavyaha yipfuze ko yotuma yigomboza mu bihano vy’uwo musi, abana biwe;

អាយ៉ាត់: 12

وَصَٰحِبَتِهِۦ وَأَخِيهِ

N’umukenyezi wiwe, hamwe na mwenewabo;

អាយ៉ាត់: 13

وَفَصِيلَتِهِ ٱلَّتِي تُـٔۡوِيهِ

N'abo akomokako, bahora bamurwanako kw’isi;

អាយ៉ាត់: 14

وَمَن فِي ٱلۡأَرۡضِ جَمِيعٗا ثُمَّ يُنجِيهِ

Hamwe rero n’ibiremwa vyose vyo kw’isi; yiyumvira ko ivyo vyose vyomurokora mu bihano.

អាយ៉ាត់: 15

كَلَّآۖ إِنَّهَا لَظَىٰ

Nateshwe ate, arahumba! Si nk’uko avyipfuza, ntibazomurokora namba. Mu vy’ukuri uburuhukiro bwiwe, ni mu muriro wa Jahannamu ururumba n’inguvu nyinshi;

អាយ៉ាត់: 16

نَزَّاعَةٗ لِّلشَّوَىٰ

Ushishura urukoba rw’umutwe n’urw’ibindi bihimba vy’umubiri;

អាយ៉ាត់: 17

تَدۡعُواْ مَنۡ أَدۡبَرَ وَتَوَلَّىٰ

Uhamagara uwo wese yirengagiza ukuri akiri kw'isi, akanagenza umugongo mu kutumvira Imana Allah n’Intumwa yayo;

អាយ៉ាត់: 18

وَجَمَعَ فَأَوۡعَىٰٓ

Yishinga kwegeranya no kuziganya amatungo yiwe; atayatangako ishikanwa-bwirizwa, n’izindi mperezwa.

អាយ៉ាត់: 19

۞ إِنَّ ٱلۡإِنسَٰنَ خُلِقَ هَلُوعًا

Mu vy’ukuri, kiremwa-muntu yaremanwe igihababu;

អាយ៉ាត់: 20

إِذَا مَسَّهُ ٱلشَّرُّ جَزُوعٗا

Iyo akozweko n’ikiza c’ubukene canke indwara n'ibindi, ntiyihangana;

អាយ៉ាត់: 21

وَإِذَا مَسَّهُ ٱلۡخَيۡرُ مَنُوعًا

N’iyo yorohewe mu buzima, aba ingumyi;

អាយ៉ាត់: 22

إِلَّا ٱلۡمُصَلِّينَ

Havuyemwo gusa abasenga;

អាយ៉ាត់: 23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Batsimbataza amasengesho yabo ku mwanya wayo bakamizako;

អាយ៉ាត់: 24

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

N’abafise umugabane uzwi mu matungo yabo, bagaheza bakawutangako ishikanwa-bwirizwa;

អាយ៉ាត់: 25

لِّلسَّآئِلِ وَٱلۡمَحۡرُومِ

Bagahereza umukene yubahuka agasega n’uwipfa agasoni, ntasabirize.

អាយ៉ាត់: 26

وَٱلَّذِينَ يُصَدِّقُونَ بِيَوۡمِ ٱلدِّينِ

Havuyemwo n’abemera umusi w’impera, bakawitegurira mu gukora ivyiza bitegetswe;

អាយ៉ាត់: 27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

N’abatinya ibihano bivuye ku Mana yabo Rurema Allah, maze bakavyiyubara;

អាយ៉ាត់: 28

إِنَّ عَذَابَ رَبِّهِمۡ غَيۡرُ مَأۡمُونٖ

Mu vy’ukuri ibihano vy’Imana yabo Rurema Allah, nta wokwijajara akiha amahoro mu kwiyemeza ko azobikira;

អាយ៉ាត់: 29

وَٱلَّذِينَ هُمۡ لِفُرُوجِهِمۡ حَٰفِظُونَ

N’abacungera ubwambure bwabo, ntibasambane;

អាយ៉ាត់: 30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Kiretse gusa ku bakenyezi babo, canke abari mu minwe yabo mu ncoreke. Kuri abo rero, nta mwikomo bazogirirwa, nta kabi kabo.

អាយ៉ាត់: 31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Mugabo abazorengera ku bitari ivyo, bazoba barenze imbibe z’ibirekuwe, bavogereye imbibe z’ibibujijwe;

អាយ៉ាត់: 32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

N’abacungera imbitso baragijwe n’Imana Allah n’izo babikijwe n’abantu, bagashitsa n’amasezerano biyemeje;

អាយ៉ាត់: 33

وَٱلَّذِينَ هُم بِشَهَٰدَٰتِهِمۡ قَآئِمُونَ

N’ababa ivyabona vy’ukuri mu kutanyegeza canke guhindura ukuri bazi;

អាយ៉ាត់: 34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

N’abasenga amasengesho yabo bakayatunganya nk’uko bisabwa.

អាយ៉ាត់: 35

أُوْلَٰٓئِكَ فِي جَنَّٰتٖ مُّكۡرَمُونَ

Abo barangwa n’izo ngeso nziza rero, bazoterwa iteka mu Bwami bw’ijuru bwuzuye inema.

អាយ៉ាត់: 36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Mbega, ni igiki gituma abagararije Imana Allah bahurumbira kuza bagukanuriye amaso!

អាយ៉ាត់: 37

عَنِ ٱلۡيَمِينِ وَعَنِ ٱلشِّمَالِ عِزِينَ

Bagukikije iburyo n’ibubamfu bwawe, bari mu migwimigwi, batangazwa n’ubutumwa ubashikiriza!

អាយ៉ាត់: 38

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

Mbega umwe wese muri bo, yipfuza kwinjizwa mu Bwami bw’ijuru bwuzuye inema; nk’abislamu bicisha bugufi!

អាយ៉ាត់: 39

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Nibateshwe bate, barahumba! Si nk’uko bavyipfuza, ntibazopfa babwinjiye. Mu vy’ukuri Twebwe Allah, Twabaremye mu mazi y’intanga bazi.

អាយ៉ាត់: 40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Jewe Allah, Ndarahiye kw’izina ryanje, Jewe Imana Muremyi Yaremye ubuseruko n’uburengero vy'izuba, vy'ukwezi n'ivy'izindi nyenyeri^[3], ko Twebwe Allah Dushoboye vyose!

[3] Imana Allah Yarahiye kuri ivyo vyose, kuko harimwo ivyemezo vyerekana ubushobozi n'ububasha vy'uko Ishoboye kuzura ibiremwa.

អាយ៉ាត់: 41

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

Turashoboye kubahindura mu kubasubiriza hakaza ibindi biremwa nkabo, vyubaha Imana Allah kubarusha, kandi ntitwonanirwa n’ivyo!

អាយ៉ាត់: 42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Kubera ivyo rero, bareke gutyo babandanye guhakana no gufyinata, kugeza aho bazokwibonera ubwabo uwo musi wabo w'izuka basezeraniwe ko bazohanwa;

អាយ៉ាត់: 43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Umusi bazutse bava mu kuzimu banyaragasa, nk’aho boba basiganwa gushika ku bigirwamana bahora basenga kw’isi, bishinze imbere yabo;

អាយ៉ាត់: 44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Amaso yabo, azoba araba hasi ku guteterwa, bagayitse. Uwo rero, ni wa musi bari barasezeraniwe bakiri kw’isi ko uzobashikira, bakawuhakana.