Reikšmių vertimas Sūra Sūra Al-Burūdž - Filipinų (tagalogų) k. vertimas - Kilniojo Korano enciklopedija

Al-Burūj

Aja (Korano eilutė): 1

وَٱلسَّمَآءِ ذَاتِ ٱلۡبُرُوجِ

Sumpa man sa langit na may mga konstelasyon,

Aja (Korano eilutė): 2

وَٱلۡيَوۡمِ ٱلۡمَوۡعُودِ

sumpa man sa Araw na ipinangako,

Aja (Korano eilutė): 3

وَشَاهِدٖ وَمَشۡهُودٖ

sumpa man sa isang tagasaksi^[727] at sa isang sinasaksihan;

[727] gaya ni Propeta Muḥammad

Aja (Korano eilutė): 4

قُتِلَ أَصۡحَٰبُ ٱلۡأُخۡدُودِ

isinumpa ang mga kasamahan ng bambang

Aja (Korano eilutė): 5

ٱلنَّارِ ذَاتِ ٱلۡوَقُودِ

na [may] apoy na may panggatong,

Aja (Korano eilutė): 6

إِذۡ هُمۡ عَلَيۡهَا قُعُودٞ

noong sila sa tabi nito ay mga nakaupo

Aja (Korano eilutė): 7

وَهُمۡ عَلَىٰ مَا يَفۡعَلُونَ بِٱلۡمُؤۡمِنِينَ شُهُودٞ

habang sila, sa ginagawa nila sa mga mananampalataya, ay mga saksi.

Aja (Korano eilutė): 8

وَمَا نَقَمُواْ مِنۡهُمۡ إِلَّآ أَن يُؤۡمِنُواْ بِٱللَّهِ ٱلۡعَزِيزِ ٱلۡحَمِيدِ

Hindi sila naghinanakit sa mga ito maliban na sumampalataya ang mga ito kay Allāh, ang Makapangyarihan, ang Kapuri-puri,

Aja (Korano eilutė): 9

ٱلَّذِي لَهُۥ مُلۡكُ ٱلسَّمَٰوَٰتِ وَٱلۡأَرۡضِۚ وَٱللَّهُ عَلَىٰ كُلِّ شَيۡءٖ شَهِيدٌ

na sa Kanya ang paghahari sa mga langit at lupa. Si Allāh, sa bawat bagay, ay Saksi.

Aja (Korano eilutė): 10

إِنَّ ٱلَّذِينَ فَتَنُواْ ٱلۡمُؤۡمِنِينَ وَٱلۡمُؤۡمِنَٰتِ ثُمَّ لَمۡ يَتُوبُواْ فَلَهُمۡ عَذَابُ جَهَنَّمَ وَلَهُمۡ عَذَابُ ٱلۡحَرِيقِ

Tunay na ang mga umusig sa mga lalaking mananampalataya at mga babaing mananampalataya, pagkatapos hindi sila nagbalik-loob, ay ukol sa kanila ang pagdurusa sa Impiyerno at ukol sa kanila ang pagdurusa ng pagsusunog.

Aja (Korano eilutė): 11

إِنَّ ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ جَنَّٰتٞ تَجۡرِي مِن تَحۡتِهَا ٱلۡأَنۡهَٰرُۚ ذَٰلِكَ ٱلۡفَوۡزُ ٱلۡكَبِيرُ

Tunay na ang mga sumampalataya at gumawa ng mga maayos, ukol sa kanila ay mga hardin na dumadaloy mula sa ilalim ng mga ito ang mga ilog. Iyon ang pagkatamong malaki.

Aja (Korano eilutė): 12

إِنَّ بَطۡشَ رَبِّكَ لَشَدِيدٌ

Tunay na ang pagsunggab^[728] ng Panginoon mo ay talagang matindi.

[728] O paghihiganti.

Aja (Korano eilutė): 13

إِنَّهُۥ هُوَ يُبۡدِئُ وَيُعِيدُ

Tunay na Siya ay nagpapasimula [ng paglikha] at nagpapanumbalik [nito].

Aja (Korano eilutė): 14

وَهُوَ ٱلۡغَفُورُ ٱلۡوَدُودُ

Siya ay ang Mapagpatawad, ang Mapagmahal,

Aja (Korano eilutė): 15

ذُو ٱلۡعَرۡشِ ٱلۡمَجِيدُ

ang May trono, ang Maringal,

Aja (Korano eilutė): 16

فَعَّالٞ لِّمَا يُرِيدُ

palagawa ng anumang ninanais Niya.

Aja (Korano eilutė): 17

هَلۡ أَتَىٰكَ حَدِيثُ ٱلۡجُنُودِ

Nakarating kaya sa iyo ang sanaysay ng mga kawal

Aja (Korano eilutė): 18

فِرۡعَوۡنَ وَثَمُودَ

ni Paraon at ng [liping] Thamūd?

Aja (Korano eilutė): 19

بَلِ ٱلَّذِينَ كَفَرُواْ فِي تَكۡذِيبٖ

Bagkus ang mga tumangging sumampalataya ay nasa isang pagpapasinungaling,

Aja (Korano eilutė): 20

وَٱللَّهُ مِن وَرَآئِهِم مُّحِيطُۢ

samantalang si Allāh, mula sa likuran nila, ay Tagapaligid.

Aja (Korano eilutė): 21

بَلۡ هُوَ قُرۡءَانٞ مَّجِيدٞ

Bagkus ito ay isang Qur’ān na maringal,

Aja (Korano eilutė): 22

فِي لَوۡحٖ مَّحۡفُوظِۭ

na nasa isang Tablerong Pinag-iingatan.