د معناګانو ژباړه سورت النبإ - الترجمة القيرغيزية - د قرآن کریم دائرة المعارف

Наба

آیت: 1

عَمَّ يَتَسَآءَلُونَ

Алар (бири-биринен) эмне жөнүндө сурашууда?^[1]

[1] Пайгамбарыбыз саллаллоху алайхи ва саллам Аллах таала тарабынан алып келген улук кабарлар араб тилинде «Набаь» деп аталат. Бул улук кабарлардын акыйкат экенине далил-белгилер канчалык көп болгонуна карабай, көпчүлүк мушриктер ага ишенишкен эмес жана бири-бирине «Мухаммад айткан нерселер жалган болуш керек-ээ? Сен эмне дейсиң?» деген сыяктуу суроолорду беришкен. Ошондой эле, алардын шектенүүлөрү ар кандай болуп, өз ара талашып-тартышып турушкан. Айрыкча алар Акырет кабарларын жокко чыгарууда көп талашып-тартышышкан. “Набаь” сүрөсү ушул окуяларды чагылдыруу менен башталат.

آیت: 2

عَنِ ٱلنَّبَإِ ٱلۡعَظِيمِ

Улук Кабар жөнүндө.

آیت: 3

ٱلَّذِي هُمۡ فِيهِ مُخۡتَلِفُونَ

Алар ал (Улук Кабар) жөнүндө талашып-тартышышат эле.^[1]

[1] Кийинки аятта Аллах таала мушриктер ишенбеген кыямат тез эле келип калаарын жана ошол күндө өздөрү «жалган» деген тозокту өз көздөрү менен көрүп, анык билип алышаарын эки ирет кайталоо менен айтат.

آیت: 4

كَلَّا سَيَعۡلَمُونَ

Жок, андай эмес! Жакында билип алышат!

آیت: 5

ثُمَّ كَلَّا سَيَعۡلَمُونَ

Дагы бир ирет андай эмес! Жакында билип алышат.

آیت: 6

أَلَمۡ نَجۡعَلِ ٱلۡأَرۡضَ مِهَٰدٗا

Биз силерге жерди жайылган (төшөк сыяктуу) кылып койбодукпу?!

آیت: 7

وَٱلۡجِبَالَ أَوۡتَادٗا

Тоолорду (бекем) казыктар (сыяктуу кылып жаратпадыкпы?)

آیت: 8

وَخَلَقۡنَٰكُمۡ أَزۡوَٰجٗا

Жана Биз силерди жуп-түгөй^[1] кылып жараттык.

[1] Эркек-ургаачы

آیت: 9

وَجَعَلۡنَا نَوۡمَكُمۡ سُبَاتٗا

Уйкуңарды (денеңер үчүн) ырыхат кылдык.

آیت: 10

وَجَعَلۡنَا ٱلَّيۡلَ لِبَاسٗا

Түндү (силерге) кийим (сыяктуу) кылдык.

آیت: 11

وَجَعَلۡنَا ٱلنَّهَارَ مَعَاشٗا

Күндүздү жашоо үчүн жараттык.

آیت: 12

وَبَنَيۡنَا فَوۡقَكُمۡ سَبۡعٗا شِدَادٗا

Жана силердин үстүңөргө бекем жети (кабат) асманды куруп,

آیت: 13

وَجَعَلۡنَا سِرَاجٗا وَهَّاجٗا

ысык-нурлуу чыракты (күндү) жараттык.

آیت: 14

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا

Жана (силерге) булуттардан мол суу түшүрдүк,

آیت: 15

لِّنُخۡرِجَ بِهِۦ حَبّٗا وَنَبَاتٗا

чыгарып берүү үчүн дан азыктарды жана өсүмдүктөрдү.

آیت: 16

وَجَنَّٰتٍ أَلۡفَافًا

Жана да калың бак-бостондорду.

آیت: 17

إِنَّ يَوۡمَ ٱلۡفَصۡلِ كَانَ مِيقَٰتٗا

Албетте (ыймандуу менен каапыр) ажыратыла турган (Кыямат) күн (Аллах тарабынан) белгиленген убакыт.

آیت: 18

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا

Ал күнү Сур (чоор) тартылат. Анан силер топ-топ болуп (Раббиңерге сурак бергени) келесиңер.

آیت: 19

وَفُتِحَتِ ٱلسَّمَآءُ فَكَانَتۡ أَبۡوَٰبٗا

(Кыямат күн башталганда) асман ачылып (жарылып) эшиктер (пайда ) болот.

آیت: 20

وَسُيِّرَتِ ٱلۡجِبَالُ فَكَانَتۡ سَرَابًا

Жана тоолор (ордунан) учурулуп, закым болуп калат!

آیت: 21

إِنَّ جَهَنَّمَ كَانَتۡ مِرۡصَادٗا

Албетте, тозок күтүп туруучу (жана)

آیت: 22

لِّلطَّٰغِينَ مَـَٔابٗا

чектен чыккан адамдар үчүн кайтып баруучу орун!

آیت: 23

لَّٰبِثِينَ فِيهَآ أَحۡقَابٗا

Алар анда кылымдар бою турушат.

آیت: 24

لَّا يَذُوقُونَ فِيهَا بَرۡدٗا وَلَا شَرَابًا

Ал жерде не салкындык не суусундук татышпайт.

آیت: 25

إِلَّا حَمِيمٗا وَغَسَّاقٗا

Болгону (тозокулардын денесинен аккан) сасык ириң жана (ичегилерди тилип, үзүп жибере турган даражадагы) кайнак суу (менен гана “азыктанышат”)

آیت: 26

جَزَآءٗ وِفَاقًا

(Бул – күнөөлөрүнө) ылайык жаза!

آیت: 27

إِنَّهُمۡ كَانُواْ لَا يَرۡجُونَ حِسَابٗا

Алар (Акыреттеги) эсеп – китепке ишенишпеген.

آیت: 28

وَكَذَّبُواْ بِـَٔايَٰتِنَا كِذَّابٗا

Жана Биздин аяттарыбызды ачык түрдө жалганга чыгарышкан.

آیت: 29

وَكُلَّ شَيۡءٍ أَحۡصَيۡنَٰهُ كِتَٰبٗا

Биз бардык иштерди тизмектеп, китеп кылып жазып койгонбуз.

آیت: 30

فَذُوقُواْ فَلَن نَّزِيدَكُمۡ إِلَّا عَذَابًا

Эми, (жазаңарды) таткыла! Биз силерге азапты гана көбөйтөбүз!

آیت: 31

إِنَّ لِلۡمُتَّقِينَ مَفَازًا

Ал эми, такыба кишилерге ийгилик жайы (бейиш),

آیت: 32

حَدَآئِقَ وَأَعۡنَٰبٗا

бак-бостондор, жүзүмдүктөр,

آیت: 33

وَكَوَاعِبَ أَتۡرَابٗا

жаш, бир курактагы, көкүрөгү тикчийген селкилер,

آیت: 34

وَكَأۡسٗا دِهَاقٗا

жана («Рахийк» деп аталган аябай даамдуу шарап менен) мелмилдеп турган кеселер бар.

آیت: 35

لَّا يَسۡمَعُونَ فِيهَا لَغۡوٗا وَلَا كِذَّٰبٗا

Ал жерде пайдасы жок жана күнөө-жалган сөздөрдү угушпайт.

آیت: 36

جَزَآءٗ مِّن رَّبِّكَ عَطَآءً حِسَابٗا

(Булар) Раббиң тарабынан берилген сыйлык-белектер!

آیت: 37

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا

(Ушул сыйлыкты берген Рабби) асмандар менен жердин, ал экөөнүн арасындагы бардык нерселердин да Раббиси болгон Ырайымдуу Зат. (Ошондуктан, ал күнү эч ким Анын уруксаты болмоюнча) сөз сүйлөөгө батына албайт.

آیت: 38

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا

Рух (Жебирейил периште) жана (башка бардык) периштелер сап-сап болуп турган (ошол) күнү Ырайымдуу Зат уруксат бергендер гана (сүйлөп,) чын сөздү айтышат.

آیت: 39

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا

Бул – чындап болуучу Күн. Ал эми, ким кааласа (жакшы амалдарды кылат жана) Раббисине (ошол амалдар менен) кайтууну(н жолдорун бекем) кармайт.

آیت: 40

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا

Биз силерди жакын(да келе турган) азаптан эскерткен элек. Ал күндө адам баласы эки колу эмне алып келгенин көрөт жана каапыр адам: «кана эми, (ушундай азапка дуушар болгондон көрө) топурак эле болуп калсам!!!» - дейт.