แปลความหมาย​ สูเราะฮ์ Al-Humazah - คำแปลภาษาชิเชวา - สารานุกรมอัลกุรอาน

Al-Humazah

อายะฮ์: 1

وَيۡلٞ لِّكُلِّ هُمَزَةٖ لُّمَزَةٍ

Kuonongeka koopsa kudzampeza aliyense wojeda ndi wonyoza anthu polozera (ndi maso kapena kuyankhula ndi lirime).^[482]

[482] Kujeda kwa mtundu uliwonse ndi koipa. Anthu ambiri amaganiza kuti kujeda ndi chinthu chochepa, saona kuti ndi chinthu choipa, pomwe Qur’an ikuletsa kwatunthu mpaka mwakuti imamufanizira munthu wojeda ngati munthu yemwe amadya minofu ya mnzake wakufa. Mu Ayah imeneyi, Allah wanena kuti “Wayilun” lomwe tanthauzo lake ndi “Kuonongeka koopsa.” Choncho nkofunika kwa munthu aliyense kupewa khalidwe lojeda.

อายะฮ์: 2

ٱلَّذِي جَمَعَ مَالٗا وَعَدَّدَهُۥ

Yemwe wasonkhanitsa chuma ndikumachiwerengera.^[483]

[483] Mmenemo ndi momwe alili munthu wa umbombo, kukoma kwa chuma kwa iye, ndikuchisonkhanitsa ndikumachiwerengera akakhala ndi danga; sikuti akufuna kudziwa kuchuluka kwake koma kungokondweretsedwa ndikuchiwerengako. Saganizira zimene zingamuthandize iye mwini kapena kuthandiza anzake.
Chuma ntchito yake ndikuti chimthandize mwini chumacho pa zinthu zabwino zosiyanasiyana pamodzi ndi anzake, osati kungochikhazika ndikumangochiwerengera mokhumbiza ena.

อายะฮ์: 3

يَحۡسَبُ أَنَّ مَالَهُۥٓ أَخۡلَدَهُۥ

Akuganiza kuti chuma chakecho chimkhazika (pa dziko) nthawi yaitali (ndikumteteza ku zimene sakuzifuna).

อายะฮ์: 4

كَلَّاۖ لَيُنۢبَذَنَّ فِي ٱلۡحُطَمَةِ

Sichoncho! (Asiye maganizo amenewo) ndithudi, akaponyedwa ku Moto woononga (chifukwa cha kuipa kwa zochita zake).

อายะฮ์: 5

وَمَآ أَدۡرَىٰكَ مَا ٱلۡحُطَمَةُ

Ndi chiyani chingakudziwitse za Moto woonongawu?

อายะฮ์: 6

نَارُ ٱللَّهِ ٱلۡمُوقَدَةُ

Umenewu ndi Moto wa Allah woyaka (nthawi zonse, woononga chilichonse choponyedwa mmenemo).

อายะฮ์: 7

ٱلَّتِي تَطَّلِعُ عَلَى ٱلۡأَفۡـِٔدَةِ

Umene umakwera mpaka ku mtima.^[484]

[484] Moto umenewu, sukapsereza kunja kokha, ukapsereza mpaka ndi mu mtima momwe.

อายะฮ์: 8

إِنَّهَا عَلَيۡهِم مُّؤۡصَدَةٞ

Ndithu motowo ukawazinga (ndi kuwatsekera makomo).

อายะฮ์: 9

فِي عَمَدٖ مُّمَدَّدَةِۭ

Munsanamira za zitalizitali (kotero kuti sakatha kugwedezeka mmenemo kapena kupulumuka).