Salin ng mga Kahulugan Surah Al-Muddaththir - الترجمة الفلانية - Ensayklopedia ng Marangal na Qur-an

Simoore cuddiiɗo

Ayah: 1

يَٰٓأَيُّهَا ٱلۡمُدَّثِّرُ

Ko an yo mojiiɗo !

Ayah: 2

قُمۡ فَأَنذِرۡ

Ɓaŋo waajo-ɗaa.

Ayah: 3

وَرَبَّكَ فَكَبِّرۡ

Fii Joomi maa, mawninaa.

Ayah: 4

وَثِيَابَكَ فَطَهِّرۡ

Comci maa ɗin, laɓɓinaa.

Ayah: 5

وَٱلرُّجۡزَ فَٱهۡجُرۡ

Sanamuuji ɗin, woɗɗito-ɗaa...

Ayah: 6

وَلَا تَمۡنُن تَسۡتَكۡثِرُ

Wata a okkir fii heɓugol ko ɓuri ɗum...

Ayah: 7

وَلِرَبِّكَ فَٱصۡبِرۡ

Ko fii Joomi maa, muññortaa.

Ayah: 8

فَإِذَا نُقِرَ فِي ٱلنَّاقُورِ

Si wuttaama ka allaandu.

Ayah: 9

فَذَٰلِكَ يَوۡمَئِذٖ يَوۡمٌ عَسِيرٌ

haray nden ñalnde woni, ñalaande sattunde.

Ayah: 10

عَلَى ٱلۡكَٰفِرِينَ غَيۡرُ يَسِيرٖ

e hoore heeferɓe ɓen, nde wanaa newiinde.

Ayah: 11

ذَرۡنِي وَمَنۡ خَلَقۡتُ وَحِيدٗا

Accidam e mo Mi tagi on kañun tun.

Ayah: 12

وَجَعَلۡتُ لَهُۥ مَالٗا مَّمۡدُودٗا

Mi waɗani mo jawdi ɗuuɗundi,

Ayah: 13

وَبَنِينَ شُهُودٗا

e ɓiɗɓe wonnduɓe e makko.

Ayah: 14

وَمَهَّدتُّ لَهُۥ تَمۡهِيدٗا

Mi yaññani mo yaññudee.

Ayah: 15

ثُمَّ يَطۡمَعُ أَنۡ أَزِيدَ

refti himo tamƴinoo nde mi ɓeydata.

Ayah: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Ɗum waɗataa ! Tawde o laatino sanndalɗiiɗo e Aayeeje Amen ɗen.

Ayah: 17

سَأُرۡهِقُهُۥ صَعُودًا

Aray Mi fawa mo lette sattuɗe.

Ayah: 18

إِنَّهُۥ فَكَّرَ وَقَدَّرَ

Kanko on, o miijiti o eɓɓindii.

Ayah: 19

فَقُتِلَ كَيۡفَ قَدَّرَ

O huɗaama hono no o hoddiri.

Ayah: 20

ثُمَّ قُتِلَ كَيۡفَ قَدَّرَ

Refti o huɗa hono o hoddiri.

Ayah: 21

ثُمَّ نَظَرَ

Refti o ndaari.

Ayah: 22

ثُمَّ عَبَسَ وَبَسَرَ

Refti ñirɓanii o ɓeydi ñirɓinaade.

Ayah: 23

ثُمَّ أَدۡبَرَ وَٱسۡتَكۡبَرَ

Refti o runtii hombo mawnikini.

Ayah: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

ɓe wi'a: "Ɗum wonaali, si wanaa mbilewu ɓanngu ngu.

Ayah: 25

إِنۡ هَٰذَآ إِلَّا قَوۡلُ ٱلۡبَشَرِ

Mbo wonah si wonah konngol aade.

Ayah: 26

سَأُصۡلِيهِ سَقَرَ

Ma Mi naatnu mbo yiite saqara.

Ayah: 27

وَمَآ أَدۡرَىٰكَ مَا سَقَرُ

Hol ko anndin ma ko woni Saqara.

Ayah: 28

لَا تُبۡقِي وَلَا تَذَرُ

Nge heddatah nge accatah.

Ayah: 29

لَوَّاحَةٞ لِّلۡبَشَرِ

Sumoowe geece.

Ayah: 30

عَلَيۡهَا تِسۡعَةَ عَشَرَ

Ina e dow mannge sappa e jeenay.

Ayah: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Men waɗaali aynooɓe yimɓe Yiite ngen, si wanaa Malaa'ika. Men waɗiraali limoore maɓɓe si wanaa jarraborgol yedduɓe ɓen, e fii yo henan okkaaɓe Defte ɓen, e fii no gomɗimɓe ɓen ɓeydora gomɗinal, e fii wata okkaaɓe Defte ɓen e gomɗimɓe ɓen sikkito; e fii yo ɓen ɓe ñawu woni e ɓerɗe mun e heeferɓe ɓen wi'u: "Hara ko honɗum Allah faandorii e ngal misal?" Ko wano non Allah majjinirta mo O muuyani, himo fewna kadi mo O muuyani. Hay gooto anndaa yeru koneeli Joomi maa ɗin, si wanaa Kanko. Ngen [Yiite] wonaali, si wanaa waaju wonannde neɗɗanke.

Ayah: 32

كَلَّا وَٱلۡقَمَرِ

Kono yo henane! Mi woondirii lewru ndun,

Ayah: 33

وَٱلَّيۡلِ إِذۡ أَدۡبَرَ

O woondiri jemma si mbo runtii ma.

Ayah: 34

وَٱلصُّبۡحِ إِذَآ أَسۡفَرَ

E subaka si mbo fooyni.

Ayah: 35

إِنَّهَا لَإِحۡدَى ٱلۡكُبَرِ

Ko mbo gootel e mawɗi.

Ayah: 36

نَذِيرٗا لِّلۡبَشَرِ

Ko nge jertinirde wonannde neɗɗanke.

Ayah: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Wonannde on yiɗuɗo e mo'on, nde o yaccotoo maa nennoo.

Ayah: 38

كُلُّ نَفۡسِۭ بِمَا كَسَبَتۡ رَهِينَةٌ

Wonkii kala ko faggii kon nanngirte.

Ayah: 39

إِلَّآ أَصۡحَٰبَ ٱلۡيَمِينِ

Si wanaa yimɓe ñaamo ɓen.

Ayah: 40

فِي جَنَّٰتٖ يَتَسَآءَلُونَ

hiɓe e nder gese, hiɓe lamndondira

Ayah: 41

عَنِ ٱلۡمُجۡرِمِينَ

fii bomɓe ɓen.

Ayah: 42

مَا سَلَكَكُمۡ فِي سَقَرَ

"ko hoɗum naadi on Saqara?"

Ayah: 43

قَالُواْ لَمۡ نَكُ مِنَ ٱلۡمُصَلِّينَ

Ɓen wi'a: "Men jeyanooka e juulooɓe ɓen.

Ayah: 44

وَلَمۡ نَكُ نُطۡعِمُ ٱلۡمِسۡكِينَ

men jeyanooka kadi e ñamminooɓe miskimɓe ɓen.

Ayah: 45

وَكُنَّا نَخُوضُ مَعَ ٱلۡخَآئِضِينَ

Hari men jumpidayno kadi e jumpooɓe ɓen.

Ayah: 46

وَكُنَّا نُكَذِّبُ بِيَوۡمِ ٱلدِّينِ

Hari kadi men fennayno fii ñalaande njoɓdi nden.

Ayah: 47

حَتَّىٰٓ أَتَىٰنَا ٱلۡيَقِينُ

Haa [maayde] yananaande nden arani men".

Ayah: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Nafataaɓe tefoore tefooɓe.

Ayah: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Hol ko waɗi ɓe sirkuɓe na ɗuurno Quraana.

Ayah: 50

كَأَنَّهُمۡ حُمُرٞ مُّسۡتَنفِرَةٞ

Hoɓe mba*i e bamɗi laawatooɗi na ndoga.

Ayah: 51

فَرَّتۡ مِن قَسۡوَرَةِۭ

Dokɗi mbaroodi.

Ayah: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Gooto e mum en fof na faaala totteede ɗeri caraaɗi.

Ayah: 53

كَلَّاۖ بَل لَّا يَخَافُونَ ٱلۡأٓخِرَةَ

Alah woni koɓe kulaani laakara.

Ayah: 54

كَلَّآ إِنَّهُۥ تَذۡكِرَةٞ

Alah ɗuum ko ciftanirgol.

Ayah: 55

فَمَن شَآءَ ذَكَرَهُۥ

Ko kala faalaaɗo waactaroo mbo o waaccaroo mbo.

Ayah: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

ɓe mbaactaaka si wonah Alla na haaja, ko Kanko woni kaanduɗo e huleede ko Kanko woni kaanduɗo e yaafaade.