Anlam tercümesi Sure Sûretu'l-Hakkâh - الترجمة الشيشيوا - Kur'an-ı Kerim Ansiklopedisi

Sûretu'l-Hakkâh

Ayet: 1

ٱلۡحَآقَّةُ

Chakudza cha choonadi (chomwe ndi Qiyâma).

Ayet: 2

مَا ٱلۡحَآقَّةُ

Kodi chakudza cha choonadi nchiyani?

Ayet: 3

وَمَآ أَدۡرَىٰكَ مَا ٱلۡحَآقَّةُ

Nanga nchiyani chikudziwitse za chakudza cha choonadicho?

Ayet: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Asamudu ndi Âdi adatsutsa zakudza kwa Qiyâma (yomwe idzadzidzimutsa zolengedwa mwamphamvu ndi zoopsa zake).

Ayet: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Tsono Asamudu adaonongedwa ndi phokoso lopyola muyeso, (lamphamvu kwambiri).

Ayet: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ndipo Âdi adaonongedwa ndi chimphepo cha mkuntho, chozizira, champhamvu kwambiri.

Ayet: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Allah adachitumiza kwa iwo pa usiku usanu ndi uwiri ndi masana asanu ndi atatu mosadukiza; kotero ukadawaona ali lambalamba mmenemo ngati mathunthu a mitengo ya kanjedza yopanda kanthu m’kati mwake.

Ayet: 8

فَهَلۡ تَرَىٰ لَهُم مِّنۢ بَاقِيَةٖ

Kodi nanga ukumuona wotsala mwa iwo?

Ayet: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Ndipo Firiaun ndi amene adalipo iye asadabadwe, ndi khamu la anthu amidzi yotembenuzidwa (anthu a Luti) adadza ndi machimo (akulu).

Ayet: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Ndipo (yense wa iwowa) adanyoza Mtumiki wa Mbuye wawo; choncho adawalanga chilango chopitilira muyeso.

Ayet: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Ndithu pamene madzi adasefukira mopyola muyeso (mpaka kumeza mapiri nthawi ya chigumula cha Nowa) Ife tidakukwezani mchombo choyandama ndi kuyenda.

Ayet: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Kuti tichichite (chochitikacho chomwe okhulupirira adapulumuka nacho; osakhulupirira adaonongeka nacho) kukhala lingaliro ndi phunziro kwa inu, ndikuti lisunge (nkhaniyi) khutu losunga.

Ayet: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Choncho likadzaimbidwa lipenga, kuimba kumodzi kokha (zamoyo zonse zidzafa).

Ayet: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Ndipo nthaka ndi mapiri nkuchotsedwa m’malo mwake ndi kuphwanyidwa kamodzi nkamodzi.

Ayet: 15

فَيَوۡمَئِذٖ وَقَعَتِ ٱلۡوَاقِعَةُ

Chomwecho tsiku limenelo, chochitika chidzachitika (imene ili Qiyâma).

Ayet: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ndipo thambo lidzasweka choncho ilo tsiku limenelo lidzakhala lofooka (pamene lidali lolimba).

Ayet: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ndipo angelo adzakhala m’mphepete mwake, ndipo pamwamba pawo tsiku limenero (angelo) asanu ndi atatu adzasenza Arsh (Mpando wachifumu) ya Mbuye wako.

Ayet: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Tsiku limenelo mudzabweretsedwa ku chiweruzo; sichidzabisika chilichonse chobisika mwa inu.

Ayet: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Tsono amene adzapatsidwa kaundula wake chakudzanja lakumanja kwake adzanena (mokondwa kwa amene ali m’phepete mwake): “Tengani! Werengani kaundula wanga!”

Ayet: 20

إِنِّي ظَنَنتُ أَنِّي مُلَٰقٍ حِسَابِيَهۡ

“Ndithudi ine ndidatsimikiza (pa dziko lapansi) kuti ndidzakumana ndi chiwerengero changa.”

Ayet: 21

فَهُوَ فِي عِيشَةٖ رَّاضِيَةٖ

Choncho, iye adzakhala m’moyo wosangalatsa.

Ayet: 22

فِي جَنَّةٍ عَالِيَةٖ

M’munda wapamwamba.

Ayet: 23

قُطُوفُهَا دَانِيَةٞ

Zipatso zake zoyandikira pansi (zosavuta kuzithyola).

Ayet: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Adzawauza kuti:) “Idyani, ndipo imwani mosangalala pa zimene mudatsogoza mmasiku aja adapita (a pa dziko lapansi).”

Ayet: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Ndipo amene adzapatsidwe kaundula wake kudzanja lake lamanzere, adzanena (modandaula): “Kalanga ine! Ndiponi ndikadapanda kupatsidwa kaundula wangayu!”

Ayet: 26

وَلَمۡ أَدۡرِ مَا حِسَابِيَهۡ

“Nkusadziwa chiwerengero changa!”

Ayet: 27

يَٰلَيۡتَهَا كَانَتِ ٱلۡقَاضِيَةَ

“Ha! imfa ija ikadandimaliziratu (ndi kundilekanitsa ine ndi zimenezi).”

Ayet: 28

مَآ أَغۡنَىٰ عَنِّي مَالِيَهۡۜ

“Chuma changa sichidandithandize!”

Ayet: 29

هَلَكَ عَنِّي سُلۡطَٰنِيَهۡ

“Mphamvu zanga (ndi moyo wanga wathanzi) zandichokera!”

Ayet: 30

خُذُوهُ فَغُلُّوهُ

(Kudzanenedwa kwa angelo oyang’anira Jahena): Mgwireni ndipo mnjateni (pomphatikiza manja ndi khosi)!

Ayet: 31

ثُمَّ ٱلۡجَحِيمَ صَلُّوهُ

Kenako mponyeni ku Moto.

Ayet: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Kenakonso mulowetseni mtcheni lotalika mikwamba makumi asanu ndi awiri!

Ayet: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Ndithudi, iye sadali kukhulupirira mwa Allah wamkulu.

Ayet: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Sadalinso kulimbikitsa zodyetsa osauka.

Ayet: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Basi, lero kuno alibe bwenzi (lomthandiza).

Ayet: 36

وَلَا طَعَامٌ إِلَّا مِنۡ غِسۡلِينٖ

Ngakhale chakudya kupatula mafinya (a anthu a ku Moto).

Ayet: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Zomwe palibe angazidye kupatula ochimwa (mwadala).

Ayet: 38

فَلَآ أُقۡسِمُ بِمَا تُبۡصِرُونَ

Choncho ndikulumbilira zimene mukuziona.

Ayet: 39

وَمَا لَا تُبۡصِرُونَ

Ndi zimene simukuziona.

Ayet: 40

إِنَّهُۥ لَقَوۡلُ رَسُولٖ كَرِيمٖ

Ndithudi iyi (Qur’an) ndiliwu la mthenga wolemekezeka (Jibril).

Ayet: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ndipo simawu a mlakatuli, ndi zochepa zimene mukuzikhulupirira.

Ayet: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ndiponso simawu a mlosi, ndizochepa zimene mmakumbukira!

Ayet: 43

تَنزِيلٞ مِّن رَّبِّ ٱلۡعَٰلَمِينَ

(Ichi ndi) chivumbulutso chochokera kwa Mbuye wa zolengedwa.

Ayet: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ndipo (Mneneri) akadatipekera bodza linalake.

Ayet: 45

لَأَخَذۡنَا مِنۡهُ بِٱلۡيَمِينِ

Tikadamgwira (mwamphamvu) ndimkono wamanja.

Ayet: 46

ثُمَّ لَقَطَعۡنَا مِنۡهُ ٱلۡوَتِينَ

Ndipo tikadadula mwa iye mtsempha wa moyo (kotero kuti ndikuferatu nthawi yomweyo).

Ayet: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Sipakadapezeka aliyense mwa inu womteteza (kuchilango Chathu).

Ayet: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ndithu iyi (Qur’an) ndi phunziro labwino kwa owopa (Allah.)

Ayet: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ndithu Ife, tikudziwa kuti ena mwa inu ndiotsutsa (Qur’an).

Ayet: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ndipo ndithu iyi (Qur’an) idzakhala chowadandaulitsa (chachikulu) osakhulupirira (pamene adzaona chilango chawo ndi mtendere wa okhulupirira).

Ayet: 51

وَإِنَّهُۥ لَحَقُّ ٱلۡيَقِينِ

Ndithu iyoyi ndichoonadi Chotsimikizika; (mulibe chikaiko),

Ayet: 52

فَسَبِّحۡ بِٱسۡمِ رَبِّكَ ٱلۡعَظِيمِ

Basi, lemekeza dzina la Mbuye wako Wamkulu (pitiriza kutamanda dzina Lake).