የይዘት ትርጉም ምዕራፍ ሱረቱ አል ሓቃህ - ቸዋኛ ትርጉም - የቅዱስ ቁርዓን ማህደር

ሱረቱ አል ሓቃህ

አንቀጽ: 1

ٱلۡحَآقَّةُ

Chakudza cha choonadi (chomwe ndi Qiyâma).

አንቀጽ: 2

مَا ٱلۡحَآقَّةُ

Kodi chakudza cha choonadi nchiyani?

አንቀጽ: 3

وَمَآ أَدۡرَىٰكَ مَا ٱلۡحَآقَّةُ

Nanga nchiyani chikudziwitse za chakudza cha choonadicho?

አንቀጽ: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Asamudu ndi Âdi adatsutsa zakudza kwa Qiyâma (yomwe idzadzidzimutsa zolengedwa mwamphamvu ndi zoopsa zake).

አንቀጽ: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Tsono Asamudu adaonongedwa ndi phokoso lopyola muyeso, (lamphamvu kwambiri).

አንቀጽ: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ndipo Âdi adaonongedwa ndi chimphepo cha mkuntho, chozizira, champhamvu kwambiri.

አንቀጽ: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Allah adachitumiza kwa iwo pa usiku usanu ndi uwiri ndi masana asanu ndi atatu mosadukiza; kotero ukadawaona ali lambalamba mmenemo ngati mathunthu a mitengo ya kanjedza yopanda kanthu m’kati mwake.

አንቀጽ: 8

فَهَلۡ تَرَىٰ لَهُم مِّنۢ بَاقِيَةٖ

Kodi nanga ukumuona wotsala mwa iwo?

አንቀጽ: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Ndipo Firiaun ndi amene adalipo iye asadabadwe, ndi khamu la anthu amidzi yotembenuzidwa (anthu a Luti) adadza ndi machimo (akulu).

አንቀጽ: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Ndipo (yense wa iwowa) adanyoza Mtumiki wa Mbuye wawo; choncho adawalanga chilango chopitilira muyeso.

አንቀጽ: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Ndithu pamene madzi adasefukira mopyola muyeso (mpaka kumeza mapiri nthawi ya chigumula cha Nowa) Ife tidakukwezani mchombo choyandama ndi kuyenda.

አንቀጽ: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Kuti tichichite (chochitikacho chomwe okhulupirira adapulumuka nacho; osakhulupirira adaonongeka nacho) kukhala lingaliro ndi phunziro kwa inu, ndikuti lisunge (nkhaniyi) khutu losunga.

አንቀጽ: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Choncho likadzaimbidwa lipenga, kuimba kumodzi kokha (zamoyo zonse zidzafa).

አንቀጽ: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Ndipo nthaka ndi mapiri nkuchotsedwa m’malo mwake ndi kuphwanyidwa kamodzi nkamodzi.

አንቀጽ: 15

فَيَوۡمَئِذٖ وَقَعَتِ ٱلۡوَاقِعَةُ

Chomwecho tsiku limenelo, chochitika chidzachitika (imene ili Qiyâma).

አንቀጽ: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ndipo thambo lidzasweka choncho ilo tsiku limenelo lidzakhala lofooka (pamene lidali lolimba).

አንቀጽ: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ndipo angelo adzakhala m’mphepete mwake, ndipo pamwamba pawo tsiku limenero (angelo) asanu ndi atatu adzasenza Arsh (Mpando wachifumu) ya Mbuye wako.

አንቀጽ: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Tsiku limenelo mudzabweretsedwa ku chiweruzo; sichidzabisika chilichonse chobisika mwa inu.

አንቀጽ: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Tsono amene adzapatsidwa kaundula wake chakudzanja lakumanja kwake adzanena (mokondwa kwa amene ali m’phepete mwake): “Tengani! Werengani kaundula wanga!”

አንቀጽ: 20

إِنِّي ظَنَنتُ أَنِّي مُلَٰقٍ حِسَابِيَهۡ

“Ndithudi ine ndidatsimikiza (pa dziko lapansi) kuti ndidzakumana ndi chiwerengero changa.”

አንቀጽ: 21

فَهُوَ فِي عِيشَةٖ رَّاضِيَةٖ

Choncho, iye adzakhala m’moyo wosangalatsa.

አንቀጽ: 22

فِي جَنَّةٍ عَالِيَةٖ

M’munda wapamwamba.

አንቀጽ: 23

قُطُوفُهَا دَانِيَةٞ

Zipatso zake zoyandikira pansi (zosavuta kuzithyola).

አንቀጽ: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Adzawauza kuti:) “Idyani, ndipo imwani mosangalala pa zimene mudatsogoza mmasiku aja adapita (a pa dziko lapansi).”

አንቀጽ: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Ndipo amene adzapatsidwe kaundula wake kudzanja lake lamanzere, adzanena (modandaula): “Kalanga ine! Ndiponi ndikadapanda kupatsidwa kaundula wangayu!”

አንቀጽ: 26

وَلَمۡ أَدۡرِ مَا حِسَابِيَهۡ

“Nkusadziwa chiwerengero changa!”

አንቀጽ: 27

يَٰلَيۡتَهَا كَانَتِ ٱلۡقَاضِيَةَ

“Ha! imfa ija ikadandimaliziratu (ndi kundilekanitsa ine ndi zimenezi).”

አንቀጽ: 28

مَآ أَغۡنَىٰ عَنِّي مَالِيَهۡۜ

“Chuma changa sichidandithandize!”

አንቀጽ: 29

هَلَكَ عَنِّي سُلۡطَٰنِيَهۡ

“Mphamvu zanga (ndi moyo wanga wathanzi) zandichokera!”

አንቀጽ: 30

خُذُوهُ فَغُلُّوهُ

(Kudzanenedwa kwa angelo oyang’anira Jahena): Mgwireni ndipo mnjateni (pomphatikiza manja ndi khosi)!

አንቀጽ: 31

ثُمَّ ٱلۡجَحِيمَ صَلُّوهُ

Kenako mponyeni ku Moto.

አንቀጽ: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Kenakonso mulowetseni mtcheni lotalika mikwamba makumi asanu ndi awiri!

አንቀጽ: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Ndithudi, iye sadali kukhulupirira mwa Allah wamkulu.

አንቀጽ: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Sadalinso kulimbikitsa zodyetsa osauka.

አንቀጽ: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Basi, lero kuno alibe bwenzi (lomthandiza).

አንቀጽ: 36

وَلَا طَعَامٌ إِلَّا مِنۡ غِسۡلِينٖ

Ngakhale chakudya kupatula mafinya (a anthu a ku Moto).

አንቀጽ: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Zomwe palibe angazidye kupatula ochimwa (mwadala).

አንቀጽ: 38

فَلَآ أُقۡسِمُ بِمَا تُبۡصِرُونَ

Choncho ndikulumbilira zimene mukuziona.

አንቀጽ: 39

وَمَا لَا تُبۡصِرُونَ

Ndi zimene simukuziona.

አንቀጽ: 40

إِنَّهُۥ لَقَوۡلُ رَسُولٖ كَرِيمٖ

Ndithudi iyi (Qur’an) ndiliwu la mthenga wolemekezeka (Jibril).

አንቀጽ: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ndipo simawu a mlakatuli, ndi zochepa zimene mukuzikhulupirira.

አንቀጽ: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ndiponso simawu a mlosi, ndizochepa zimene mmakumbukira!

አንቀጽ: 43

تَنزِيلٞ مِّن رَّبِّ ٱلۡعَٰلَمِينَ

(Ichi ndi) chivumbulutso chochokera kwa Mbuye wa zolengedwa.

አንቀጽ: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ndipo (Mneneri) akadatipekera bodza linalake.

አንቀጽ: 45

لَأَخَذۡنَا مِنۡهُ بِٱلۡيَمِينِ

Tikadamgwira (mwamphamvu) ndimkono wamanja.

አንቀጽ: 46

ثُمَّ لَقَطَعۡنَا مِنۡهُ ٱلۡوَتِينَ

Ndipo tikadadula mwa iye mtsempha wa moyo (kotero kuti ndikuferatu nthawi yomweyo).

አንቀጽ: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Sipakadapezeka aliyense mwa inu womteteza (kuchilango Chathu).

አንቀጽ: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ndithu iyi (Qur’an) ndi phunziro labwino kwa owopa (Allah.)

አንቀጽ: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ndithu Ife, tikudziwa kuti ena mwa inu ndiotsutsa (Qur’an).

አንቀጽ: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ndipo ndithu iyi (Qur’an) idzakhala chowadandaulitsa (chachikulu) osakhulupirira (pamene adzaona chilango chawo ndi mtendere wa okhulupirira).

አንቀጽ: 51

وَإِنَّهُۥ لَحَقُّ ٱلۡيَقِينِ

Ndithu iyoyi ndichoonadi Chotsimikizika; (mulibe chikaiko),

አንቀጽ: 52

فَسَبِّحۡ بِٱسۡمِ رَبِّكَ ٱلۡعَظِيمِ

Basi, lemekeza dzina la Mbuye wako Wamkulu (pitiriza kutamanda dzina Lake).