مەنالار تەرجىمىسى سۈرە سۈرە ھاققە - الترجمة الشيشيوا - قۇرئان كەرىم ئىنىسكىلوپىدىيىسى

سۈرە ھاققە

ئايەت: 1

ٱلۡحَآقَّةُ

Chakudza cha choonadi (chomwe ndi Qiyâma).

ئايەت: 2

مَا ٱلۡحَآقَّةُ

Kodi chakudza cha choonadi nchiyani?

ئايەت: 3

وَمَآ أَدۡرَىٰكَ مَا ٱلۡحَآقَّةُ

Nanga nchiyani chikudziwitse za chakudza cha choonadicho?

ئايەت: 4

كَذَّبَتۡ ثَمُودُ وَعَادُۢ بِٱلۡقَارِعَةِ

Asamudu ndi Âdi adatsutsa zakudza kwa Qiyâma (yomwe idzadzidzimutsa zolengedwa mwamphamvu ndi zoopsa zake).

ئايەت: 5

فَأَمَّا ثَمُودُ فَأُهۡلِكُواْ بِٱلطَّاغِيَةِ

Tsono Asamudu adaonongedwa ndi phokoso lopyola muyeso, (lamphamvu kwambiri).

ئايەت: 6

وَأَمَّا عَادٞ فَأُهۡلِكُواْ بِرِيحٖ صَرۡصَرٍ عَاتِيَةٖ

Ndipo Âdi adaonongedwa ndi chimphepo cha mkuntho, chozizira, champhamvu kwambiri.

ئايەت: 7

سَخَّرَهَا عَلَيۡهِمۡ سَبۡعَ لَيَالٖ وَثَمَٰنِيَةَ أَيَّامٍ حُسُومٗاۖ فَتَرَى ٱلۡقَوۡمَ فِيهَا صَرۡعَىٰ كَأَنَّهُمۡ أَعۡجَازُ نَخۡلٍ خَاوِيَةٖ

Allah adachitumiza kwa iwo pa usiku usanu ndi uwiri ndi masana asanu ndi atatu mosadukiza; kotero ukadawaona ali lambalamba mmenemo ngati mathunthu a mitengo ya kanjedza yopanda kanthu m’kati mwake.

ئايەت: 8

فَهَلۡ تَرَىٰ لَهُم مِّنۢ بَاقِيَةٖ

Kodi nanga ukumuona wotsala mwa iwo?

ئايەت: 9

وَجَآءَ فِرۡعَوۡنُ وَمَن قَبۡلَهُۥ وَٱلۡمُؤۡتَفِكَٰتُ بِٱلۡخَاطِئَةِ

Ndipo Firiaun ndi amene adalipo iye asadabadwe, ndi khamu la anthu amidzi yotembenuzidwa (anthu a Luti) adadza ndi machimo (akulu).

ئايەت: 10

فَعَصَوۡاْ رَسُولَ رَبِّهِمۡ فَأَخَذَهُمۡ أَخۡذَةٗ رَّابِيَةً

Ndipo (yense wa iwowa) adanyoza Mtumiki wa Mbuye wawo; choncho adawalanga chilango chopitilira muyeso.

ئايەت: 11

إِنَّا لَمَّا طَغَا ٱلۡمَآءُ حَمَلۡنَٰكُمۡ فِي ٱلۡجَارِيَةِ

Ndithu pamene madzi adasefukira mopyola muyeso (mpaka kumeza mapiri nthawi ya chigumula cha Nowa) Ife tidakukwezani mchombo choyandama ndi kuyenda.

ئايەت: 12

لِنَجۡعَلَهَا لَكُمۡ تَذۡكِرَةٗ وَتَعِيَهَآ أُذُنٞ وَٰعِيَةٞ

Kuti tichichite (chochitikacho chomwe okhulupirira adapulumuka nacho; osakhulupirira adaonongeka nacho) kukhala lingaliro ndi phunziro kwa inu, ndikuti lisunge (nkhaniyi) khutu losunga.

ئايەت: 13

فَإِذَا نُفِخَ فِي ٱلصُّورِ نَفۡخَةٞ وَٰحِدَةٞ

Choncho likadzaimbidwa lipenga, kuimba kumodzi kokha (zamoyo zonse zidzafa).

ئايەت: 14

وَحُمِلَتِ ٱلۡأَرۡضُ وَٱلۡجِبَالُ فَدُكَّتَا دَكَّةٗ وَٰحِدَةٗ

Ndipo nthaka ndi mapiri nkuchotsedwa m’malo mwake ndi kuphwanyidwa kamodzi nkamodzi.

ئايەت: 15

فَيَوۡمَئِذٖ وَقَعَتِ ٱلۡوَاقِعَةُ

Chomwecho tsiku limenelo, chochitika chidzachitika (imene ili Qiyâma).

ئايەت: 16

وَٱنشَقَّتِ ٱلسَّمَآءُ فَهِيَ يَوۡمَئِذٖ وَاهِيَةٞ

Ndipo thambo lidzasweka choncho ilo tsiku limenelo lidzakhala lofooka (pamene lidali lolimba).

ئايەت: 17

وَٱلۡمَلَكُ عَلَىٰٓ أَرۡجَآئِهَاۚ وَيَحۡمِلُ عَرۡشَ رَبِّكَ فَوۡقَهُمۡ يَوۡمَئِذٖ ثَمَٰنِيَةٞ

Ndipo angelo adzakhala m’mphepete mwake, ndipo pamwamba pawo tsiku limenero (angelo) asanu ndi atatu adzasenza Arsh (Mpando wachifumu) ya Mbuye wako.

ئايەت: 18

يَوۡمَئِذٖ تُعۡرَضُونَ لَا تَخۡفَىٰ مِنكُمۡ خَافِيَةٞ

Tsiku limenelo mudzabweretsedwa ku chiweruzo; sichidzabisika chilichonse chobisika mwa inu.

ئايەت: 19

فَأَمَّا مَنۡ أُوتِيَ كِتَٰبَهُۥ بِيَمِينِهِۦ فَيَقُولُ هَآؤُمُ ٱقۡرَءُواْ كِتَٰبِيَهۡ

Tsono amene adzapatsidwa kaundula wake chakudzanja lakumanja kwake adzanena (mokondwa kwa amene ali m’phepete mwake): “Tengani! Werengani kaundula wanga!”

ئايەت: 20

إِنِّي ظَنَنتُ أَنِّي مُلَٰقٍ حِسَابِيَهۡ

“Ndithudi ine ndidatsimikiza (pa dziko lapansi) kuti ndidzakumana ndi chiwerengero changa.”

ئايەت: 21

فَهُوَ فِي عِيشَةٖ رَّاضِيَةٖ

Choncho, iye adzakhala m’moyo wosangalatsa.

ئايەت: 22

فِي جَنَّةٍ عَالِيَةٖ

M’munda wapamwamba.

ئايەت: 23

قُطُوفُهَا دَانِيَةٞ

Zipatso zake zoyandikira pansi (zosavuta kuzithyola).

ئايەت: 24

كُلُواْ وَٱشۡرَبُواْ هَنِيٓـَٔۢا بِمَآ أَسۡلَفۡتُمۡ فِي ٱلۡأَيَّامِ ٱلۡخَالِيَةِ

(Adzawauza kuti:) “Idyani, ndipo imwani mosangalala pa zimene mudatsogoza mmasiku aja adapita (a pa dziko lapansi).”

ئايەت: 25

وَأَمَّا مَنۡ أُوتِيَ كِتَٰبَهُۥ بِشِمَالِهِۦ فَيَقُولُ يَٰلَيۡتَنِي لَمۡ أُوتَ كِتَٰبِيَهۡ

Ndipo amene adzapatsidwe kaundula wake kudzanja lake lamanzere, adzanena (modandaula): “Kalanga ine! Ndiponi ndikadapanda kupatsidwa kaundula wangayu!”

ئايەت: 26

وَلَمۡ أَدۡرِ مَا حِسَابِيَهۡ

“Nkusadziwa chiwerengero changa!”

ئايەت: 27

يَٰلَيۡتَهَا كَانَتِ ٱلۡقَاضِيَةَ

“Ha! imfa ija ikadandimaliziratu (ndi kundilekanitsa ine ndi zimenezi).”

ئايەت: 28

مَآ أَغۡنَىٰ عَنِّي مَالِيَهۡۜ

“Chuma changa sichidandithandize!”

ئايەت: 29

هَلَكَ عَنِّي سُلۡطَٰنِيَهۡ

“Mphamvu zanga (ndi moyo wanga wathanzi) zandichokera!”

ئايەت: 30

خُذُوهُ فَغُلُّوهُ

(Kudzanenedwa kwa angelo oyang’anira Jahena): Mgwireni ndipo mnjateni (pomphatikiza manja ndi khosi)!

ئايەت: 31

ثُمَّ ٱلۡجَحِيمَ صَلُّوهُ

Kenako mponyeni ku Moto.

ئايەت: 32

ثُمَّ فِي سِلۡسِلَةٖ ذَرۡعُهَا سَبۡعُونَ ذِرَاعٗا فَٱسۡلُكُوهُ

Kenakonso mulowetseni mtcheni lotalika mikwamba makumi asanu ndi awiri!

ئايەت: 33

إِنَّهُۥ كَانَ لَا يُؤۡمِنُ بِٱللَّهِ ٱلۡعَظِيمِ

Ndithudi, iye sadali kukhulupirira mwa Allah wamkulu.

ئايەت: 34

وَلَا يَحُضُّ عَلَىٰ طَعَامِ ٱلۡمِسۡكِينِ

Sadalinso kulimbikitsa zodyetsa osauka.

ئايەت: 35

فَلَيۡسَ لَهُ ٱلۡيَوۡمَ هَٰهُنَا حَمِيمٞ

Basi, lero kuno alibe bwenzi (lomthandiza).

ئايەت: 36

وَلَا طَعَامٌ إِلَّا مِنۡ غِسۡلِينٖ

Ngakhale chakudya kupatula mafinya (a anthu a ku Moto).

ئايەت: 37

لَّا يَأۡكُلُهُۥٓ إِلَّا ٱلۡخَٰطِـُٔونَ

Zomwe palibe angazidye kupatula ochimwa (mwadala).

ئايەت: 38

فَلَآ أُقۡسِمُ بِمَا تُبۡصِرُونَ

Choncho ndikulumbilira zimene mukuziona.

ئايەت: 39

وَمَا لَا تُبۡصِرُونَ

Ndi zimene simukuziona.

ئايەت: 40

إِنَّهُۥ لَقَوۡلُ رَسُولٖ كَرِيمٖ

Ndithudi iyi (Qur’an) ndiliwu la mthenga wolemekezeka (Jibril).

ئايەت: 41

وَمَا هُوَ بِقَوۡلِ شَاعِرٖۚ قَلِيلٗا مَّا تُؤۡمِنُونَ

Ndipo simawu a mlakatuli, ndi zochepa zimene mukuzikhulupirira.

ئايەت: 42

وَلَا بِقَوۡلِ كَاهِنٖۚ قَلِيلٗا مَّا تَذَكَّرُونَ

Ndiponso simawu a mlosi, ndizochepa zimene mmakumbukira!

ئايەت: 43

تَنزِيلٞ مِّن رَّبِّ ٱلۡعَٰلَمِينَ

(Ichi ndi) chivumbulutso chochokera kwa Mbuye wa zolengedwa.

ئايەت: 44

وَلَوۡ تَقَوَّلَ عَلَيۡنَا بَعۡضَ ٱلۡأَقَاوِيلِ

Ndipo (Mneneri) akadatipekera bodza linalake.

ئايەت: 45

لَأَخَذۡنَا مِنۡهُ بِٱلۡيَمِينِ

Tikadamgwira (mwamphamvu) ndimkono wamanja.

ئايەت: 46

ثُمَّ لَقَطَعۡنَا مِنۡهُ ٱلۡوَتِينَ

Ndipo tikadadula mwa iye mtsempha wa moyo (kotero kuti ndikuferatu nthawi yomweyo).

ئايەت: 47

فَمَا مِنكُم مِّنۡ أَحَدٍ عَنۡهُ حَٰجِزِينَ

Sipakadapezeka aliyense mwa inu womteteza (kuchilango Chathu).

ئايەت: 48

وَإِنَّهُۥ لَتَذۡكِرَةٞ لِّلۡمُتَّقِينَ

Ndithu iyi (Qur’an) ndi phunziro labwino kwa owopa (Allah.)

ئايەت: 49

وَإِنَّا لَنَعۡلَمُ أَنَّ مِنكُم مُّكَذِّبِينَ

Ndithu Ife, tikudziwa kuti ena mwa inu ndiotsutsa (Qur’an).

ئايەت: 50

وَإِنَّهُۥ لَحَسۡرَةٌ عَلَى ٱلۡكَٰفِرِينَ

Ndipo ndithu iyi (Qur’an) idzakhala chowadandaulitsa (chachikulu) osakhulupirira (pamene adzaona chilango chawo ndi mtendere wa okhulupirira).

ئايەت: 51

وَإِنَّهُۥ لَحَقُّ ٱلۡيَقِينِ

Ndithu iyoyi ndichoonadi Chotsimikizika; (mulibe chikaiko),

ئايەت: 52

فَسَبِّحۡ بِٱسۡمِ رَبِّكَ ٱلۡعَظِيمِ

Basi, lemekeza dzina la Mbuye wako Wamkulu (pitiriza kutamanda dzina Lake).