ترجمة معاني سورة الليل - الترجمة السواحلية - عبد الله محمد وناصر خميس - موسوعة القرآن الكريم

سورة الليل - Surat Al-Lail

آية: 1

وَٱلَّيۡلِ إِذَا يَغۡشَىٰ

Mwenyezi Mungu Anaapa kwa usiku unapoifinika ardhi na vilivyoko juu yake kwa giza lake.

آية: 2

وَٱلنَّهَارِ إِذَا تَجَلَّىٰ

Na kwa mchana unapofunuka mwangaza wake kutoka kwenye giza la usiku.

آية: 3

وَمَا خَلَقَ ٱلذَّكَرَ وَٱلۡأُنثَىٰٓ

Na kwa kuumba mbea mbili: ya kiume na ya kike,

آية: 4

إِنَّ سَعۡيَكُمۡ لَشَتَّىٰ

Kuwa vitendo vyenu vinatofautiana: kuna wenye kufanyia dunia na wenye kufanyia Akhera.

آية: 5

فَأَمَّا مَنۡ أَعۡطَىٰ وَٱتَّقَىٰ

Ama mwenye kutoa kwenye mali yake, akamcha Mwenyezi Mungu katika huko kutoa,

آية: 6

وَصَدَّقَ بِٱلۡحُسۡنَىٰ

akaamini «Lā Ilāha Illā Allāh» na yanayotakiwa na Imani hiyo na akaamini malipo yanayofungamana nayo,

آية: 7

فَسَنُيَسِّرُهُۥ لِلۡيُسۡرَىٰ

Tutamuongoza na kumuafikia njia za kheri na wema na kumsahilishia mambo yake.

آية: 8

وَأَمَّا مَنۢ بَخِلَ وَٱسۡتَغۡنَىٰ

Na ama mwenye kuyafanyia ubakhili mali yake, asiwe na haja ya malipo ya Mola wake,

آية: 9

وَكَذَّبَ بِٱلۡحُسۡنَىٰ

akakanusha neno la «Lā Ilāha Illā Allāh» na yanayotakiwa na neno hilo na akakanusha malipo yanayofungamana nalo,

آية: 10

فَسَنُيَسِّرُهُۥ لِلۡعُسۡرَىٰ

Tutamnyoshea njia za mateso.

آية: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Wala hayatamfaa yeye mali yake aliyoyafanyia ubakhili atakapotumbukia Motoni.

آية: 12

إِنَّ عَلَيۡنَا لَلۡهُدَىٰ

Ni juu Yetu, kwa fadhila Zetu na busara Yetu, kueleza njia ya uongofu yenye kufikisha kwa Mwenyezi Mungu na ya upotevu.

آية: 13

وَإِنَّ لَنَا لَلۡأٓخِرَةَ وَٱلۡأُولَىٰ

Na Sisi Tuna mamlaka ya maisha ya Akhera na maisha ya ulimwenguni.

آية: 14

فَأَنذَرۡتُكُمۡ نَارٗا تَلَظَّىٰ

Ndipo nikawaonya , enyi watu, na kuwatisha moto wenye kuwaka, nao ni moto wa Jahanamu.

آية: 15

لَا يَصۡلَىٰهَآ إِلَّا ٱلۡأَشۡقَى

Hataingia Moto huo isipokuwa aliyekuwa mbaya sana. Mwenye kumkanusha Nabii Muhammad, rehema ya Mwenyezi Mungu na amani zimshukie,

آية: 16

ٱلَّذِي كَذَّبَ وَتَوَلَّىٰ

na akakataa kumwamini na kumtii Mwenyezi Mungu na Mtume wake.

آية: 17

وَسَيُجَنَّبُهَا ٱلۡأَتۡقَى

Na ataepushwa nao mchaji Mwenyezi Mungu sana.

آية: 18

ٱلَّذِي يُؤۡتِي مَالَهُۥ يَتَزَكَّىٰ

Ambaye hutoa mali yake kwa kutaka nyongeza za kheri

آية: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

kutoa Kwake si kwa kulipa zema alizofanyiwa na mtu.

آية: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Lakini anatoa kwa kutaka uso wa Mola wake na radhi zake. Basi Mwenyezi Mungu atampa,

آية: 21

وَلَسَوۡفَ يَرۡضَىٰ

huko Peponi, malipo ya kumridhisha.