অর্থসমূহের অনুবাদ সূরা সূরা আবাসা - সোয়াহিলি ভাষায় অনুবাদ- আব্দুল্লাহ মুহাম্মদ ও নাসির খামীস - আল-কুরআনুল কারীম বিশ্বকোষ

Surat Abasa

আয়াত: 1

عَبَسَ وَتَوَلَّىٰٓ

Yalidhihiri mabadiliko na mkunjiko katika uso wa Mtume, rehema ya Mwenyezi Mungu na amani zimshukie,

আয়াত: 2

أَن جَآءَهُ ٱلۡأَعۡمَىٰ

na akapa nyongo kwa sababu ya kwamba Abdallah bin Ummi Maktum alimjilia akitaka aelekezwe. Na alikuwa Mtume, rehema ya Mwenyezi Mungu na amani zimshukie, ameshughulika kuwalingania miamba wa Kikureshi katika Uislamu.

আয়াত: 3

وَمَا يُدۡرِيكَ لَعَلَّهُۥ يَزَّكَّىٰٓ

Ni kitu gani kinakufanya wewe ujue uhakika wa jambo lake? Kwani huenda ikawa, kwa kuuliza kwake, nafsi yake itatakasika na kusafika.

আয়াত: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Au pengine apate mazingatio zaidi na kutishika.

আয়াত: 5

أَمَّا مَنِ ٱسۡتَغۡنَىٰ

Basi yule alijyejitosheleza na kutouhitajia uongozi wako,

আয়াত: 6

فَأَنتَ لَهُۥ تَصَدَّىٰ

wewe ndiye unayemjali na wapulikiza maneno yake.

আয়াত: 7

وَمَا عَلَيۡكَ أَلَّا يَزَّكَّىٰ

Na ni kitu gani kinachokupa jukumu kwako iwapo hakusafika na ukafiri wake?

আয়াত: 8

وَأَمَّا مَن جَآءَكَ يَسۡعَىٰ

Ama yule ambaye amekuwa na pupa la kukutana na wewe,

আয়াত: 9

وَهُوَ يَخۡشَىٰ

na huku anamuogopa Mwenyezi Mungu asiwe na kasoro katika kupata uongofu,

আয়াত: 10

فَأَنتَ عَنۡهُ تَلَهَّىٰ

wewe unampuuza. Ilivyotakikana ufanye si kama ulivyofanya, ewe Mtume.

আয়াত: 11

كَلَّآ إِنَّهَا تَذۡكِرَةٞ

Hakika Sura hii ni mawaidha kwako na kwa kila anayetaka kuwaidhika.

আয়াত: 12

فَمَن شَآءَ ذَكَرَهُۥ

Basi atakaye atamkumbuka Mwenyezi Mungu na kumtaja na atafuata Wahyi Wake.

আয়াত: 13

فِي صُحُفٖ مُّكَرَّمَةٖ

Wahyi huu, nao ni Qur’ani, uko katika kurasa zilizotukuzwa,

আয়াত: 14

مَّرۡفُوعَةٖ مُّطَهَّرَةِۭ

zenye kuheshimiwa, zenye cheo cha juu,

আয়াত: 15

بِأَيۡدِي سَفَرَةٖ

zilizosafishwa na uchafu, uongezaji na upunguzaji.

আয়াত: 16

كِرَامِۭ بَرَرَةٖ

Zilizoko mikononi mwa Malaika waandishi, mabalozi kati ya Mwenyezi Mungu na viumbe Wake, wenye maumbile mema, tabia zao ni nzuri na njema na pia matendo yao.

আয়াত: 17

قُتِلَ ٱلۡإِنسَٰنُ مَآ أَكۡفَرَهُۥ

Amelaaniwa mtu kafiri na ataadhibiwa. Ni uovu ulioje wa ukafiri wake kwa Mola wake!

আয়াত: 18

مِنۡ أَيِّ شَيۡءٍ خَلَقَهُۥ

Kwani hajui ni kwa kitu gani Mwenyezi Mungu Alimuumba kwacho mwanzo wake?

আয়াত: 19

مِن نُّطۡفَةٍ خَلَقَهُۥ فَقَدَّرَهُۥ

Mwenyezi Mungu Alimuumba kwa maji machache, nayo ni manii. Akayakadiria miongo yake.

আয়াত: 20

ثُمَّ ٱلسَّبِيلَ يَسَّرَهُۥ

Kisha Akambainishia njia ya kheri na ya shari.

আয়াত: 21

ثُمَّ أَمَاتَهُۥ فَأَقۡبَرَهُۥ

Kisha humkosesha uhai, na Amemuekea mahali pa kuzikiwa.

আয়াত: 22

ثُمَّ إِذَا شَآءَ أَنشَرَهُۥ

Kisha Akitaka Mwenyezi Mungu, Aliyetakasika na sifa mbaya, Atamhuisha na kumfufua baada ya kifo chake, kwa ajili ya kuhesabiwa na kulipwa.

আয়াত: 23

كَلَّا لَمَّا يَقۡضِ مَآ أَمَرَهُۥ

Mambo siyo kama yale anayoyasema kafiri na anayoyafanya. Bado hajatakeleza Aliyomuamrisha kwayo Mwenyezi Mungu katika kuamini na kutenda wema kwa kumtii.

আয়াত: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Na azingatie binadamu, vipi Mwenyezi Mungu Amekiumba chakula chake ambacho ndicho kinachoendeleza maisha yake?

আয়াত: 25

أَنَّا صَبَبۡنَا ٱلۡمَآءَ صَبّٗا

Aone kwamba Sisi Tumeyamimina maji ya mvua juu ya ardhi kwa wingi.

আয়াত: 26

ثُمَّ شَقَقۡنَا ٱلۡأَرۡضَ شَقّٗا

Kisha Tumeipasua ardhi kwa Tulivyo vitoa kutoka humo miongoni mwa mimea tofauti.

আয়াত: 27

فَأَنۢبَتۡنَا فِيهَا حَبّٗا

Tukaotesha humo nafaka

আয়াত: 28

وَعِنَبٗا وَقَضۡبٗا

na zabibu, na nyasi za wanyama.Na mizaituni na mitende.

আয়াত: 29

وَزَيۡتُونٗا وَنَخۡلٗا

Na mabustani yenye miti mikubwa.

আয়াত: 30

وَحَدَآئِقَ غُلۡبٗا

Na matunda

আয়াত: 31

وَفَٰكِهَةٗ وَأَبّٗا

na ndisha.

আয়াত: 32

مَّتَٰعٗا لَّكُمۡ وَلِأَنۡعَٰمِكُمۡ

Mnajistareheshea kwazo, nyinyi na wanyama wenu.

আয়াত: 33

فَإِذَا جَآءَتِ ٱلصَّآخَّةُ

Utakapokuja Ukelele wa Siku ya Kiyama, ambao utayatia uziwi, kwa kitisho chake, masikizi.

আয়াত: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Siku mtu atakapomkimbia, kwa kitisho cha Siku Hiyo, nduguye

আয়াত: 35

وَأُمِّهِۦ وَأَبِيهِ

na babake na mamake na

আয়াত: 36

وَصَٰحِبَتِهِۦ وَبَنِيهِ

mkewe na wanawe.

আয়াত: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Kila mmoja Siku Hiyo, atakuwa na jambo litakalomzuia asishughulike na mwingine.

আয়াত: 38

وُجُوهٞ يَوۡمَئِذٖ مُّسۡفِرَةٞ

Nyuso za wenye neema, Siku Hiyo, zitakuwa ni zenye kung’ara,

আয়াত: 39

ضَاحِكَةٞ مُّسۡتَبۡشِرَةٞ

zenye furaha na nderemo.

আয়াত: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Na nyuso za watu wa Motoni zitakuwa na giza,

আয়াত: 41

تَرۡهَقُهَا قَتَرَةٌ

nyeusi, zafinikwa na unyonge.

আয়াত: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Hao wenye kusifika na sifa hiyo ndiwo wale waliozikufuru neema za Mwenyezi Mungu na wakazikanusha aya zake na wakayakeuka Aliyoyaharamisha kwa kutenda maovu na kukiuka mipaka.