Fassarar Ma'anoni Sura Suratu Abasa - Fassara da yaren Sawahili - Abdullah Muhammad da Nasir Khamis - Kundin Alqurani Mai girma

Surat Abasa

Aya: 1

عَبَسَ وَتَوَلَّىٰٓ

Yalidhihiri mabadiliko na mkunjiko katika uso wa Mtume, rehema ya Mwenyezi Mungu na amani zimshukie,

Aya: 2

أَن جَآءَهُ ٱلۡأَعۡمَىٰ

na akapa nyongo kwa sababu ya kwamba Abdallah bin Ummi Maktum alimjilia akitaka aelekezwe. Na alikuwa Mtume, rehema ya Mwenyezi Mungu na amani zimshukie, ameshughulika kuwalingania miamba wa Kikureshi katika Uislamu.

Aya: 3

وَمَا يُدۡرِيكَ لَعَلَّهُۥ يَزَّكَّىٰٓ

Ni kitu gani kinakufanya wewe ujue uhakika wa jambo lake? Kwani huenda ikawa, kwa kuuliza kwake, nafsi yake itatakasika na kusafika.

Aya: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Au pengine apate mazingatio zaidi na kutishika.

Aya: 5

أَمَّا مَنِ ٱسۡتَغۡنَىٰ

Basi yule alijyejitosheleza na kutouhitajia uongozi wako,

Aya: 6

فَأَنتَ لَهُۥ تَصَدَّىٰ

wewe ndiye unayemjali na wapulikiza maneno yake.

Aya: 7

وَمَا عَلَيۡكَ أَلَّا يَزَّكَّىٰ

Na ni kitu gani kinachokupa jukumu kwako iwapo hakusafika na ukafiri wake?

Aya: 8

وَأَمَّا مَن جَآءَكَ يَسۡعَىٰ

Ama yule ambaye amekuwa na pupa la kukutana na wewe,

Aya: 9

وَهُوَ يَخۡشَىٰ

na huku anamuogopa Mwenyezi Mungu asiwe na kasoro katika kupata uongofu,

Aya: 10

فَأَنتَ عَنۡهُ تَلَهَّىٰ

wewe unampuuza. Ilivyotakikana ufanye si kama ulivyofanya, ewe Mtume.

Aya: 11

كَلَّآ إِنَّهَا تَذۡكِرَةٞ

Hakika Sura hii ni mawaidha kwako na kwa kila anayetaka kuwaidhika.

Aya: 12

فَمَن شَآءَ ذَكَرَهُۥ

Basi atakaye atamkumbuka Mwenyezi Mungu na kumtaja na atafuata Wahyi Wake.

Aya: 13

فِي صُحُفٖ مُّكَرَّمَةٖ

Wahyi huu, nao ni Qur’ani, uko katika kurasa zilizotukuzwa,

Aya: 14

مَّرۡفُوعَةٖ مُّطَهَّرَةِۭ

zenye kuheshimiwa, zenye cheo cha juu,

Aya: 15

بِأَيۡدِي سَفَرَةٖ

zilizosafishwa na uchafu, uongezaji na upunguzaji.

Aya: 16

كِرَامِۭ بَرَرَةٖ

Zilizoko mikononi mwa Malaika waandishi, mabalozi kati ya Mwenyezi Mungu na viumbe Wake, wenye maumbile mema, tabia zao ni nzuri na njema na pia matendo yao.

Aya: 17

قُتِلَ ٱلۡإِنسَٰنُ مَآ أَكۡفَرَهُۥ

Amelaaniwa mtu kafiri na ataadhibiwa. Ni uovu ulioje wa ukafiri wake kwa Mola wake!

Aya: 18

مِنۡ أَيِّ شَيۡءٍ خَلَقَهُۥ

Kwani hajui ni kwa kitu gani Mwenyezi Mungu Alimuumba kwacho mwanzo wake?

Aya: 19

مِن نُّطۡفَةٍ خَلَقَهُۥ فَقَدَّرَهُۥ

Mwenyezi Mungu Alimuumba kwa maji machache, nayo ni manii. Akayakadiria miongo yake.

Aya: 20

ثُمَّ ٱلسَّبِيلَ يَسَّرَهُۥ

Kisha Akambainishia njia ya kheri na ya shari.

Aya: 21

ثُمَّ أَمَاتَهُۥ فَأَقۡبَرَهُۥ

Kisha humkosesha uhai, na Amemuekea mahali pa kuzikiwa.

Aya: 22

ثُمَّ إِذَا شَآءَ أَنشَرَهُۥ

Kisha Akitaka Mwenyezi Mungu, Aliyetakasika na sifa mbaya, Atamhuisha na kumfufua baada ya kifo chake, kwa ajili ya kuhesabiwa na kulipwa.

Aya: 23

كَلَّا لَمَّا يَقۡضِ مَآ أَمَرَهُۥ

Mambo siyo kama yale anayoyasema kafiri na anayoyafanya. Bado hajatakeleza Aliyomuamrisha kwayo Mwenyezi Mungu katika kuamini na kutenda wema kwa kumtii.

Aya: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Na azingatie binadamu, vipi Mwenyezi Mungu Amekiumba chakula chake ambacho ndicho kinachoendeleza maisha yake?

Aya: 25

أَنَّا صَبَبۡنَا ٱلۡمَآءَ صَبّٗا

Aone kwamba Sisi Tumeyamimina maji ya mvua juu ya ardhi kwa wingi.

Aya: 26

ثُمَّ شَقَقۡنَا ٱلۡأَرۡضَ شَقّٗا

Kisha Tumeipasua ardhi kwa Tulivyo vitoa kutoka humo miongoni mwa mimea tofauti.

Aya: 27

فَأَنۢبَتۡنَا فِيهَا حَبّٗا

Tukaotesha humo nafaka

Aya: 28

وَعِنَبٗا وَقَضۡبٗا

na zabibu, na nyasi za wanyama.Na mizaituni na mitende.

Aya: 29

وَزَيۡتُونٗا وَنَخۡلٗا

Na mabustani yenye miti mikubwa.

Aya: 30

وَحَدَآئِقَ غُلۡبٗا

Na matunda

Aya: 31

وَفَٰكِهَةٗ وَأَبّٗا

na ndisha.

Aya: 32

مَّتَٰعٗا لَّكُمۡ وَلِأَنۡعَٰمِكُمۡ

Mnajistareheshea kwazo, nyinyi na wanyama wenu.

Aya: 33

فَإِذَا جَآءَتِ ٱلصَّآخَّةُ

Utakapokuja Ukelele wa Siku ya Kiyama, ambao utayatia uziwi, kwa kitisho chake, masikizi.

Aya: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Siku mtu atakapomkimbia, kwa kitisho cha Siku Hiyo, nduguye

Aya: 35

وَأُمِّهِۦ وَأَبِيهِ

na babake na mamake na

Aya: 36

وَصَٰحِبَتِهِۦ وَبَنِيهِ

mkewe na wanawe.

Aya: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Kila mmoja Siku Hiyo, atakuwa na jambo litakalomzuia asishughulike na mwingine.

Aya: 38

وُجُوهٞ يَوۡمَئِذٖ مُّسۡفِرَةٞ

Nyuso za wenye neema, Siku Hiyo, zitakuwa ni zenye kung’ara,

Aya: 39

ضَاحِكَةٞ مُّسۡتَبۡشِرَةٞ

zenye furaha na nderemo.

Aya: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Na nyuso za watu wa Motoni zitakuwa na giza,

Aya: 41

تَرۡهَقُهَا قَتَرَةٌ

nyeusi, zafinikwa na unyonge.

Aya: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Hao wenye kusifika na sifa hiyo ndiwo wale waliozikufuru neema za Mwenyezi Mungu na wakazikanusha aya zake na wakayakeuka Aliyoyaharamisha kwa kutenda maovu na kukiuka mipaka.