Prijevod značenja Sura Sura el-Inšikak - الترجمة السواحلية - عبد الله محمد وناصر خميس - Enciklopedija Kur'ana

Surat Al-Inshiqaq

Ajet: 1

إِذَا ٱلسَّمَآءُ ٱنشَقَّتۡ

Pindi mbingu itakapopasuka na kudhihiri mawingu katika pasuko zake Siku ya Kiyama.

Ajet: 2

وَأَذِنَتۡ لِرَبِّهَا وَحُقَّتۡ

Na ikatii amri ya Mola wake ya kuwa ipasuke, na inastahili kufuata amri hiyo.

Ajet: 3

وَإِذَا ٱلۡأَرۡضُ مُدَّتۡ

Na pindi ardhi itakapotandikwa na kukunjuliwa.

Ajet: 4

وَأَلۡقَتۡ مَا فِيهَا وَتَخَلَّتۡ

Na milima yake kuvunjwa-vunjwa Siku hiyo.

Ajet: 5

وَأَذِنَتۡ لِرَبِّهَا وَحُقَّتۡ

Na ikatii amri ya Mola wake ya kuwa ifanye hivyo, na inastahili kufuata amri hiyo.

Ajet: 6

يَٰٓأَيُّهَا ٱلۡإِنسَٰنُ إِنَّكَ كَادِحٌ إِلَىٰ رَبِّكَ كَدۡحٗا فَمُلَٰقِيهِ

Ewe binadamu, wewe unaenda kwa Mwenyezi Mungu na unafanya amali nzuri na mbaya, kisha utakutana na Yeye Siku ya Kiyama. Na huna budi kupata kutoka Kwake malipo mazuri zaidi ya amali yako njema au yanayolingana na amali yako mbaya.

Ajet: 7

فَأَمَّا مَنۡ أُوتِيَ كِتَٰبَهُۥ بِيَمِينِهِۦ

Yule mwenye kupewa waraka wa amali zake kwa mkono wake wa kulia,

Ajet: 8

فَسَوۡفَ يُحَاسَبُ حِسَابٗا يَسِيرٗا

naye ni yule aliyemuamini Mola wake, atahesabiwa hesabu pesi.

Ajet: 9

وَيَنقَلِبُ إِلَىٰٓ أَهۡلِهِۦ مَسۡرُورٗا

Na atarudi kwa watu wake Peponi akiwa ni mwenye furaha.

Ajet: 10

وَأَمَّا مَنۡ أُوتِيَ كِتَٰبَهُۥ وَرَآءَ ظَهۡرِهِۦ

Na yule mwenye kupewa waraka wa amali zake kwa nyuma ya mgongo wake,

Ajet: 11

فَسَوۡفَ يَدۡعُواْ ثُبُورٗا

naye ni yule aliyemkanusha Mwenyezi Mungu, ataita maangamvu na hasara,

Ajet: 12

وَيَصۡلَىٰ سَعِيرًا

na ataingia Motoni.

Ajet: 13

إِنَّهُۥ كَانَ فِيٓ أَهۡلِهِۦ مَسۡرُورًا

Hakika yeye alikuwa kwa watu wake ulimwenguni ni mwenye furaha na majivuno, hafikirii mwisho wake utakuwa namna gani.

Ajet: 14

إِنَّهُۥ ظَنَّ أَن لَّن يَحُورَ

Alidhani hatarudi kwa Muumba wake, akiwa hai, kwa kuhesabiwa.

Ajet: 15

بَلَىٰٓۚ إِنَّ رَبَّهُۥ كَانَ بِهِۦ بَصِيرٗا

Sivyo hivyo! Mwenyezi Mungu Atamrudisha kama alivomuumba na kumlipa kwa amali zake. Kwani Yeye kwake ni Mtambuzi na kwa hali yake ni Mjuzi kuanzia Alipomuumba mpaka kumfufua.

Ajet: 16

فَلَآ أُقۡسِمُ بِٱلشَّفَقِ

Mwenyezi Mungu Ameapa kwa wekundu wa pambizo za mbingu wakati wa kutwa jua.

Ajet: 17

وَٱلَّيۡلِ وَمَا وَسَقَ

Na kwa usiku na viunbe tofauti - tofauti vya kutambaa, kuruka na kutembea kwa miguu, uliokusanya.

Ajet: 18

وَٱلۡقَمَرِ إِذَا ٱتَّسَقَ

Na kwa mwezi ukamilikapo mwangaza wake.

Ajet: 19

لَتَرۡكَبُنَّ طَبَقًا عَن طَبَقٖ

Mtapitia, enyi watu, miongo mbalimbali na hali tofauti : kutoka kwenye tone la manii, kuptia pande la damu, nofu la nyama hadi kutiwa roho, mpaka kufa na mpaka kufufuliwa. Haifai kwa kiumbe kuapa kwa asiyekuwa Mwenyezi Mungu, afanyapo hilo atakuwa ameingia kwenye ushirikina.

Ajet: 20

فَمَا لَهُمۡ لَا يُؤۡمِنُونَ

Ni kitu gani kinachowazuia kumwamini baada ya aya zake kufafanuliwa kwao?

Ajet: 21

وَإِذَا قُرِئَ عَلَيۡهِمُ ٱلۡقُرۡءَانُ لَا يَسۡجُدُونَۤ۩

Na wana nini wao wanaposomewa Qur’ani hawamsujudii Mwenyezi Mungu wala hawajisalimishi kufuata yaliyokuja ndani yake?

Ajet: 22

بَلِ ٱلَّذِينَ كَفَرُواْ يُكَذِّبُونَ

Hakika tabia ya waliokufuru ni kuikanusha na kuikataa haki.

Ajet: 23

وَٱللَّهُ أَعۡلَمُ بِمَا يُوعُونَ

Na Mwenyezi Mungu ni Mjuzi zaidi wa ukaidi wao wanaouficha kwenye nyoyo zao hali wao wanajua kuwa yale yaliyoletwa na Qur’ani ni kweli.

Ajet: 24

فَبَشِّرۡهُم بِعَذَابٍ أَلِيمٍ

Basi wape bishara, ewe Mtume, kuwa Mwenyezi Mungu, Aliyetukuka na kuwa juu, Amewaandalia adhabu yenye uchungu.

Ajet: 25

إِلَّا ٱلَّذِينَ ءَامَنُواْ وَعَمِلُواْ ٱلصَّٰلِحَٰتِ لَهُمۡ أَجۡرٌ غَيۡرُ مَمۡنُونِۭ

Lakini wale wanaomuamini Mwenyezi Mungu na Mtume wake na wakatekeleza amri waliyofaradhiwa na Mwenyezi Mungu watakuwa na malipo, Siku ya Akhera, yasiyokatika wala kupungua.