ترجمهٔ معانی سوره سوره عبس - ترجمه ى تاجيكى - عارفى - دایرة المعارف قرآن کریم

Сураи Абаса (Рӯй турш кард)

آیه: 1

عَبَسَ وَتَوَلَّىٰٓ

[Паёмбар] чеҳра дар ҳам кашид ва рӯй баргардонд

آیه: 2

أَن جَآءَهُ ٱلۡأَعۡمَىٰ

Аз ин ки он нобино [Абдуллоҳ ибни Умми Мактум] наздаш омад

آیه: 3

وَمَا يُدۡرِيكَ لَعَلَّهُۥ يَزَّكَّىٰٓ

Ва [эй Паёмбар] ту чи медонӣ? Чи басо ӯ [аз гуноҳонаш] пок шавад

آیه: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Ё панд гирад ва ин панд ба судаш бошад

آیه: 5

أَمَّا مَنِ ٱسۡتَغۡنَىٰ

Аммо он ки [аз имон] бениёзӣ меварзад

آیه: 6

فَأَنتَ لَهُۥ تَصَدَّىٰ

Пас, ту ба ӯ рӯ меоварӣ

آیه: 7

وَمَا عَلَيۡكَ أَلَّا يَزَّكَّىٰ

Дар ҳоле ки агар ӯ худро [аз куфр] пок насозад, эроде бар ту нест

آیه: 8

وَأَمَّا مَن جَآءَكَ يَسۡعَىٰ

Аммо касе, ки шитобон ба суроғи ту меояд

آیه: 9

وَهُوَ يَخۡشَىٰ

Ва [аз Аллоҳ таоло] метарсад

آیه: 10

فَأَنتَ عَنۡهُ تَلَهَّىٰ

Пас, ту аз ӯ ғофил мешавӣ [ва ба дигарон мепардозӣ]

آیه: 11

كَلَّآ إِنَّهَا تَذۡكِرَةٞ

Ҳаргиз чунин нест; бе гумон, ин [оёт барои] тазаккур ва ёдоварӣ аст

آیه: 12

فَمَن شَآءَ ذَكَرَهُۥ

Пас, ҳар ки бихоҳад, аз он панд гирад

آیه: 13

فِي صُحُفٖ مُّكَرَّمَةٖ

Дар саҳифаҳои арҷманде [сабт] аст

آیه: 14

مَّرۡفُوعَةٖ مُّطَهَّرَةِۭ

[Дар ҷойгоҳе] Баландпоя ва покиза [аз палидӣ]

آیه: 15

بِأَيۡدِي سَفَرَةٖ

Дар дасти сафирон [-и ваҳй] аст

آیه: 16

كِرَامِۭ بَرَرَةٖ

[Ки] бузургвору накукоранд

آیه: 17

قُتِلَ ٱلۡإِنسَٰنُ مَآ أَكۡفَرَهُۥ

Марг бар инсон [-и кофир, ки] чи қадар носипос аст!

آیه: 18

مِنۡ أَيِّ شَيۡءٍ خَلَقَهُۥ

[Аллоҳ таоло] Ӯро аз чи чиз офаридааст?

آیه: 19

مِن نُّطۡفَةٍ خَلَقَهُۥ فَقَدَّرَهُۥ

Ӯро аз нутфа [-и ночизе] офарид ва сипас мавзунаш сохт

آیه: 20

ثُمَّ ٱلسَّبِيلَ يَسَّرَهُۥ

Он гоҳ роҳро барояш осон намуд

آیه: 21

ثُمَّ أَمَاتَهُۥ فَأَقۡبَرَهُۥ

Он гоҳ [пас аз поёни умр] ӯро миронд ва дар қабр [пинҳон] намуд

آیه: 22

ثُمَّ إِذَا شَآءَ أَنشَرَهُۥ

Сипас ҳар гоҳ бихоҳад, ӯро [зинда мекунад ва] бармеангезад

آیه: 23

كَلَّا لَمَّا يَقۡضِ مَآ أَمَرَهُۥ

Ҳаргиз чунин нест [ки ӯ мепиндорад]. Ӯ ҳанӯз он чиро, ки [Аллоҳ таоло] фармон дода, ба ҷой наовардааст

آیه: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Пас, инсон бояд ба ғизои хеш [ва офариниши он] бингарад

آیه: 25

أَنَّا صَبَبۡنَا ٱلۡمَآءَ صَبّٗا

Мо оби фаровон [аз осмон] фуру рехтем

آیه: 26

ثُمَّ شَقَقۡنَا ٱلۡأَرۡضَ شَقّٗا

Сипас заминро аз ҳам шикофтем

آیه: 27

فَأَنۢبَتۡنَا فِيهَا حَبّٗا

Он гоҳ дар он дона [-ҳои фаровон] рӯёнидем

آیه: 28

وَعِنَبٗا وَقَضۡبٗا

Ва ангуру сабзӣ [хӯрокии бисёр]

آیه: 29

وَزَيۡتُونٗا وَنَخۡلٗا

Ва зайтуну нахл

آیه: 30

وَحَدَآئِقَ غُلۡبٗا

Ва боғҳое [анбуҳ ва] пурдарахт

آیه: 31

وَفَٰكِهَةٗ وَأَبّٗا

Ва [анвои] мева ва алаф [падид овардем]

آیه: 32

مَّتَٰعٗا لَّكُمۡ وَلِأَنۡعَٰمِكُمۡ

[Ҳамаи инҳо] Барои баҳрагирии шумо ва чаҳорпоёнатон аст

آیه: 33

فَإِذَا جَآءَتِ ٱلصَّآخَّةُ

Пас, ҳангоме ки [он] садои боҳайбати [-и қиёмат] фаро расад

آیه: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Рӯзе, ки инсон аз бародараш мегурезад

آیه: 35

وَأُمِّهِۦ وَأَبِيهِ

Ва аз модараш ва аз падараш

آیه: 36

وَصَٰحِبَتِهِۦ وَبَنِيهِ

Ва аз занаш ва писаронаш [низ мегурезад]

آیه: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Дар он рӯз ҳар касро корест, ки ӯро ба худ машғул медорад

آیه: 38

وُجُوهٞ يَوۡمَئِذٖ مُّسۡفِرَةٞ

Чеҳраҳое дар он рӯз кушода ва равшан аст

آیه: 39

ضَاحِكَةٞ مُّسۡتَبۡشِرَةٞ

[Ба хотири неъмату раҳмати Аллоҳ таоло] хандону шод аст

آیه: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Ва чеҳраҳое дар он рӯз ғуборолуд аст

آیه: 41

تَرۡهَقُهَا قَتَرَةٌ

Сиёҳӣ [ва торикӣ] онҳоро пӯшонидааст

آیه: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Инон ҳамон кофирони бадкирдоранд