Traduction des sens Sourate AL-MOURSALÂT - Traduction en chewa - Encyclopédie du Noble Coran

AL-MOURSALÂT

Verset: 1

وَٱلۡمُرۡسَلَٰتِ عُرۡفٗا

Ndikulumbilira mphepo yomwe ikuomba motsatizana.

Verset: 2

فَٱلۡعَٰصِفَٰتِ عَصۡفٗا

Ndi mphepo yamkuntho ikamakuntha.

Verset: 3

وَٱلنَّٰشِرَٰتِ نَشۡرٗا

Ndi mphepo yobalalitsa mitambo ndi mvula.

Verset: 4

فَٱلۡفَٰرِقَٰتِ فَرۡقٗا

Ndi ma Ayah osiyanitsa pakati pachoona ndi chonama;

Verset: 5

فَٱلۡمُلۡقِيَٰتِ ذِكۡرًا

Ndi angelo opereka chivumbulutso kwa aneneri.

Verset: 6

عُذۡرًا أَوۡ نُذۡرًا

Kuti chichotse madandaulo kapena chikhale chenjezo;

Verset: 7

إِنَّمَا تُوعَدُونَ لَوَٰقِعٞ

Ndithu zimene mukulonjezedwa (kuti chimaliziro chidzakhalapo) zidzachitikadi (popanda chipeneko),

Verset: 8

فَإِذَا ٱلنُّجُومُ طُمِسَتۡ

Pamene nyenyezi zidzafafanizidwa (kuwala kwake ndi kuchotsedwa m’malo mwake).

Verset: 9

وَإِذَا ٱلسَّمَآءُ فُرِجَتۡ

Ndiponso pamene thambo lidzang‘ambidwa.

Verset: 10

وَإِذَا ٱلۡجِبَالُ نُسِفَتۡ

Ndi pamenenso mapiri adzachotsedwa m’malo mwake ndi kuperedwa (kukhala fumbi).

Verset: 11

وَإِذَا ٱلرُّسُلُ أُقِّتَتۡ

Ndi pamene atumiki adzasonkhanitsidwa pa nthawi yake, (kuti apereke umboni ku mibadwo yawo).

Verset: 12

لِأَيِّ يَوۡمٍ أُجِّلَتۡ

Kodi nditsiku lanji azichedwetsera (zinthu zikuluzikulu kuti zidzachitike)?

Verset: 13

لِيَوۡمِ ٱلۡفَصۡلِ

Nditsiku loweruza (pakati pa zolengedwa).

Verset: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Nchiyani chingakudziwitse za tsiku la chiweruzirolo?

Verset: 15

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (lonjezo Lathu lakuuka ku imfa).

Verset: 16

أَلَمۡ نُهۡلِكِ ٱلۡأَوَّلِينَ

Kodi sitidawaononge (anthu) akale (chifukwa cha machimo awo, monga anthu a Nuh, Âdi ndi Samudu)?

Verset: 17

ثُمَّ نُتۡبِعُهُمُ ٱلۡأٓخِرِينَ

Kenako titsatiza ena (okana Allah m’kuonongekako monga tidawachitira oyamba),

Verset: 18

كَذَٰلِكَ نَفۡعَلُ بِٱلۡمُجۡرِمِينَ

Chomwecho tiwachitiranso ochimwa.

Verset: 19

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (lonjezo Lathu lakuuka ku imfa).

Verset: 20

أَلَمۡ نَخۡلُقكُّم مِّن مَّآءٖ مَّهِينٖ

Kodi sitidakulengeni kuchokera ku madzi onyozeka, (madzi ambewu ya munthu)?

Verset: 21

فَجَعَلۡنَٰهُ فِي قَرَارٖ مَّكِينٍ

Kenako tidawaika pamalo okhazikika (kuti chilengedwe chake chikwanire pamenepo),

Verset: 22

إِلَىٰ قَدَرٖ مَّعۡلُومٖ

Mpaka nyengo yodziwika (imene tidaipima kuti mwana abadwe).

Verset: 23

فَقَدَرۡنَا فَنِعۡمَ ٱلۡقَٰدِرُونَ

Tidaipima nyengoyo; taonani kupima bwino Ife opima!

Verset: 24

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (lonjezo Lathu lakuuka ku imfa).

Verset: 25

أَلَمۡ نَجۡعَلِ ٱلۡأَرۡضَ كِفَاتًا

Kodi sitidaichite nthaka kukhala yofungatira,

Verset: 26

أَحۡيَآءٗ وَأَمۡوَٰتٗا

Amoyo ndi akufa?

Verset: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Ndipo tidaika m’menemo mapiri ataliatali (olimbitsa nthaka), ndipo takumwetsani madzi okoma.

Verset: 28

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (lonjezo Lathu lakuuka ku imfa).

Verset: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

(Kudzanenedwa kwa okana tsiku la chimaliziro:) Pitani kuzimene mudali kuzitsutsa zija.

Verset: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Pitani kumthunzi (wautsi wa ku Moto) wa nthambi zitatu,

Verset: 31

لَّا ظَلِيلٖ وَلَا يُغۡنِي مِنَ ٱللَّهَبِ

Simthunzi (wamtendere) ndiponso siwotchinjiriza ku malawi a Moto.”

Verset: 32

إِنَّهَا تَرۡمِي بِشَرَرٖ كَٱلۡقَصۡرِ

Ndithu motowo umaponya mphalikira (mbaliwali) zazikulu ngati nyumba,

Verset: 33

كَأَنَّهُۥ جِمَٰلَتٞ صُفۡرٞ

Zonga ngati ngamira zachikasu.

Verset: 34

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (zimenezi).

Verset: 35

هَٰذَا يَوۡمُ لَا يَنطِقُونَ

Ili ndi tsiku lomwe sadzayankhula.

Verset: 36

وَلَا يُؤۡذَنُ لَهُمۡ فَيَعۡتَذِرُونَ

Ndipo sadzapatsidwa chilolezo (choyankhulira) kuti apereke madandaulo awo.

Verset: 37

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (za tsiku limenelo).

Verset: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

(Adzauzidwa kuti): Ili ndi tsiku loweruza (pakati pa abwino ndi oipa takusonkhanitsani inu (otsutsa Muhammad {s.a.w}), ndi akale (otsutsa aneneri akale).

Verset: 39

فَإِن كَانَ لَكُمۡ كَيۡدٞ فَكِيدُونِ

Ngati muli ndi ndale (yodzipulumutsira ku chilango Changa) ndichiteni ndaleyo!

Verset: 40

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (lonjezo la Allah).

Verset: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Ndithu oopa (Allah tsiku limenelo) adzakhala mu mthunzi ndi mitsinje,

Verset: 42

وَفَوَٰكِهَ مِمَّا يَشۡتَهُونَ

Ndipo adzakhala ndi zipatso zomwe azidzazifuna.

Verset: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

(Kudzanenedwa kwa iwo): “Idyani, imwani mokondwa chifukwa cha zabwino zomwe mudali kuchita (mu moyo wa dziko lapansi).

Verset: 44

إِنَّا كَذَٰلِكَ نَجۡزِي ٱلۡمُحۡسِنِينَ

Ndithu umo ndi mmene Ife timawalipirira ochita zabwino.

Verset: 45

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (mtendere wa Allah)

Verset: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Idyani, sangalalani pang’ono m’kanthawi kochepa; ndithu inu ndinu ochimwa (chifukwa chakumphatikiza Allah ndi zolengedwa).

Verset: 47

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (mtendere wa Allah).

Verset: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Ndipo kukanenedwa kwa iwo: “Weramani, (pembedzani Allah).” sawerengera.

Verset: 49

وَيۡلٞ يَوۡمَئِذٖ لِّلۡمُكَذِّبِينَ

Kuonongeka kwakukulu tsiku limenelo kuli pa otsutsa (malamulo a Allah).

Verset: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Kodi ndi nkhani iti imene adzaikhulupirira pambuyo pa Iyi (Qur’an)?