Traduction des sens Sourate ACH-CHARH - Traduction Swahili - Ali Muhsin al-Barwani - Encyclopédie du Noble Coran

Surat Ash-Sharh

Verset: 1

أَلَمۡ نَشۡرَحۡ لَكَ صَدۡرَكَ

Hatukukunjulia kifua chako?

Hakika tumekukunjulia kifua chako kwa kuwa tulitia ndani yake Uwongofu na Imani.

Verset: 2

وَوَضَعۡنَا عَنكَ وِزۡرَكَ

Na tukakuondolea mzigo wako!

Na tumekupunguzia mizigo iliyo kuwa mizito juu ya mgongo wako, kwa kukuunga mkono na kukusahilishia mambo yako,

Verset: 3

ٱلَّذِيٓ أَنقَضَ ظَهۡرَكَ

Ulio vunja mgongo wako?

Ambayo yalikuwa ni mazito juu ya mgongo wako.

Verset: 4

وَرَفَعۡنَا لَكَ ذِكۡرَكَ

Na tukakunyanyulia utajo wako?

Na tumelitukuza jina lako, tukalifanya linatajwa na ulimi wa kila Muumini pamoja na jina letu.

Verset: 5

فَإِنَّ مَعَ ٱلۡعُسۡرِ يُسۡرًا

Basi kwa hakika pamoja na uzito upo wepesi!

Hizo ni baadhi ya neema zetu juu yako. Basi kuwa na yakini na uweza wa Mwenyezi Mtukufu, kwani pamoja na uzito upo wepesi mwingi unao kuja nao.

Verset: 6

إِنَّ مَعَ ٱلۡعُسۡرِ يُسۡرٗا

Hakika pamoja na uzito upo wepesi.

Hakika pamoja na uzito (wakati huo huo ijapo kuwa wewe hujui), upo wepesi mwingi vile vile.

Verset: 7

فَإِذَا فَرَغۡتَ فَٱنصَبۡ

Na ukipata faragha, fanya juhudi.

Basi ukipata nafasi katika kazi ya kuwalingania watu, na mambo yaliyo khusiana na Jihadi, endelea na jitihada ya ibada na jishughulishe nafsi yako katika hayo.

Verset: 8

وَإِلَىٰ رَبِّكَ فَٱرۡغَب

Na Mola wako Mlezi ndio mshughulikie.

Kwa Mola wako Mlezi tu ndio uelekee kwa kumwomba na kumhitajia.