Fassarar Ma'anoni Sura Suratu Al'qari'ah - Fasaara da Yaren Pashto - Kundin Alqurani Mai girma

Suratu Al'qari'ah

Aya: 1

ٱلۡقَارِعَةُ

Kugunda kwa phokoso (la Qiyâma)!

Aya: 2

مَا ٱلۡقَارِعَةُ

Kodi kugunda kwa phokosolo ndi chiyani?

Aya: 3

وَمَآ أَدۡرَىٰكَ مَا ٱلۡقَارِعَةُ

Ndichiyani chingakudziwitse za kugunda kwa phokoso (la Qiyâma komwe kudzawakomole anthu)?

Aya: 4

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ

Limenelo ndi tsiku limene anthu adzakhala ngati agulugufe obalalika.^[475]

[475] Apa, pakutanthauza kuti anthu adzakhala ali balalabalala ngati agulugufe ndipo azidzangodziponya uku ndi uku, osadziwa kopita. Imeneyo ndi nthawi yotuluka m’manda.

Aya: 5

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ

Ndipo mapiri adzakhala ngati ubweya womwazidwa (wongouluka uku ndi uku mumlengalenga).

Aya: 6

فَأَمَّا مَن ثَقُلَتۡ مَوَٰزِينُهُۥ

Tsono amene muyeso wake (wa zinthu zabwino) udzalemere (ndikupepuka zoipa).^[476]

[476] Tsiku limenelo ntchito zonse zabwino ndi zoipa zidzayesedwa ndi muyeso wa Allah, koma sitidadziwitsidwe kuti muyeso umenewo udzakhala wotani udzayesa zonse zazikulu ndi zazing’ono zomwe mpaka za mumtima.

Aya: 7

فَهُوَ فِي عِيشَةٖ رَّاضِيَةٖ

Ndiye kuti iye adzakhala mu umoyo wosangalatsa (patsiku la chiweruziro).

Aya: 8

وَأَمَّا مَنۡ خَفَّتۡ مَوَٰزِينُهُۥ

Ndipo yemwe muyeso wake (wa zinthu zabwino) udzapepuka (ndi kulemera zoipa),

Aya: 9

فَأُمُّهُۥ هَاوِيَةٞ

Ndiye kuti mbuto yake ndi ku Hawiya.

Aya: 10

وَمَآ أَدۡرَىٰكَ مَا هِيَهۡ

Kodi ndi chiyani chingakudziwitse za Hawiya?

Aya: 11

نَارٌ حَامِيَةُۢ

Umenewo ndi Moto woyaka mwa ukali!