Traduzione dei significati Sura Al-Qâri‘ah - Traduzione chicheŵa - L'Enciclopedia del Nobile Corano

Al-Qâri‘ah

Versetto: 1

ٱلۡقَارِعَةُ

Kugunda kwa phokoso (la Qiyâma)!

Versetto: 2

مَا ٱلۡقَارِعَةُ

Kodi kugunda kwa phokosolo ndi chiyani?

Versetto: 3

وَمَآ أَدۡرَىٰكَ مَا ٱلۡقَارِعَةُ

Ndichiyani chingakudziwitse za kugunda kwa phokoso (la Qiyâma komwe kudzawakomole anthu)?

Versetto: 4

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ

Limenelo ndi tsiku limene anthu adzakhala ngati agulugufe obalalika.^[475]

[475] Apa, pakutanthauza kuti anthu adzakhala ali balalabalala ngati agulugufe ndipo azidzangodziponya uku ndi uku, osadziwa kopita. Imeneyo ndi nthawi yotuluka m’manda.

Versetto: 5

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ

Ndipo mapiri adzakhala ngati ubweya womwazidwa (wongouluka uku ndi uku mumlengalenga).

Versetto: 6

فَأَمَّا مَن ثَقُلَتۡ مَوَٰزِينُهُۥ

Tsono amene muyeso wake (wa zinthu zabwino) udzalemere (ndikupepuka zoipa).^[476]

[476] Tsiku limenelo ntchito zonse zabwino ndi zoipa zidzayesedwa ndi muyeso wa Allah, koma sitidadziwitsidwe kuti muyeso umenewo udzakhala wotani udzayesa zonse zazikulu ndi zazing’ono zomwe mpaka za mumtima.

Versetto: 7

فَهُوَ فِي عِيشَةٖ رَّاضِيَةٖ

Ndiye kuti iye adzakhala mu umoyo wosangalatsa (patsiku la chiweruziro).

Versetto: 8

وَأَمَّا مَنۡ خَفَّتۡ مَوَٰزِينُهُۥ

Ndipo yemwe muyeso wake (wa zinthu zabwino) udzapepuka (ndi kulemera zoipa),

Versetto: 9

فَأُمُّهُۥ هَاوِيَةٞ

Ndiye kuti mbuto yake ndi ku Hawiya.

Versetto: 10

وَمَآ أَدۡرَىٰكَ مَا هِيَهۡ

Kodi ndi chiyani chingakudziwitse za Hawiya?

Versetto: 11

نَارٌ حَامِيَةُۢ

Umenewo ndi Moto woyaka mwa ukali!