Firo maanaaji Simoore Simoore honngude (al-qaariya) - Firo siisiiwo - Mawsuuwa al-quraan tedduɗo oo

Simoore honngude (al-qaariya)

Aaya: 1

ٱلۡقَارِعَةُ

Kugunda kwa phokoso (la Qiyâma)!

Aaya: 2

مَا ٱلۡقَارِعَةُ

Kodi kugunda kwa phokosolo ndi chiyani?

Aaya: 3

وَمَآ أَدۡرَىٰكَ مَا ٱلۡقَارِعَةُ

Ndichiyani chingakudziwitse za kugunda kwa phokoso (la Qiyâma komwe kudzawakomole anthu)?

Aaya: 4

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ

Limenelo ndi tsiku limene anthu adzakhala ngati agulugufe obalalika.^[475]

[475] Apa, pakutanthauza kuti anthu adzakhala ali balalabalala ngati agulugufe ndipo azidzangodziponya uku ndi uku, osadziwa kopita. Imeneyo ndi nthawi yotuluka m’manda.

Aaya: 5

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ

Ndipo mapiri adzakhala ngati ubweya womwazidwa (wongouluka uku ndi uku mumlengalenga).

Aaya: 6

فَأَمَّا مَن ثَقُلَتۡ مَوَٰزِينُهُۥ

Tsono amene muyeso wake (wa zinthu zabwino) udzalemere (ndikupepuka zoipa).^[476]

[476] Tsiku limenelo ntchito zonse zabwino ndi zoipa zidzayesedwa ndi muyeso wa Allah, koma sitidadziwitsidwe kuti muyeso umenewo udzakhala wotani udzayesa zonse zazikulu ndi zazing’ono zomwe mpaka za mumtima.

Aaya: 7

فَهُوَ فِي عِيشَةٖ رَّاضِيَةٖ

Ndiye kuti iye adzakhala mu umoyo wosangalatsa (patsiku la chiweruziro).

Aaya: 8

وَأَمَّا مَنۡ خَفَّتۡ مَوَٰزِينُهُۥ

Ndipo yemwe muyeso wake (wa zinthu zabwino) udzapepuka (ndi kulemera zoipa),

Aaya: 9

فَأُمُّهُۥ هَاوِيَةٞ

Ndiye kuti mbuto yake ndi ku Hawiya.

Aaya: 10

وَمَآ أَدۡرَىٰكَ مَا هِيَهۡ

Kodi ndi chiyani chingakudziwitse za Hawiya?

Aaya: 11

نَارٌ حَامِيَةُۢ

Umenewo ndi Moto woyaka mwa ukali!