Traduzione dei significati Sura Al-Ma‘ârij - Traduzione chicheŵa - L'Enciclopedia del Nobile Corano

Al-Ma‘ârij

Versetto: 1

سَأَلَ سَآئِلُۢ بِعَذَابٖ وَاقِعٖ

Wopempha adapempha kuti chiwadzere msanga chilango chopezekacho, (m’kupempha kwa chipongwe ndi kotsutsa).

Versetto: 2

لِّلۡكَٰفِرِينَ لَيۡسَ لَهُۥ دَافِعٞ

Kwa okanira palibe angachitsekereze.

Versetto: 3

مِّنَ ٱللَّهِ ذِي ٱلۡمَعَارِجِ

Chochokera kwa Allah Mwini makwelero.

Versetto: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Angelo ndi Jiburil amakwera kwa Iye (Allah) m’tsiku lomwe kutalika kwake kuli ngati zaka zikwi makumi asanu (50 000).

Versetto: 5

فَٱصۡبِرۡ صَبۡرٗا جَمِيلًا

Choncho, pirira (iwe Mtumiki (s.a.w) kupirira kwabwino,

Versetto: 6

إِنَّهُمۡ يَرَوۡنَهُۥ بَعِيدٗا

Ndithu iwo akuliona (tsiku la Qiyâma) kuti lili kutali (silingachitike).

Versetto: 7

وَنَرَىٰهُ قَرِيبٗا

Koma Ife tikuliona kuti lilipafupi (ndilochitika).

Versetto: 8

يَوۡمَ تَكُونُ ٱلسَّمَآءُ كَٱلۡمُهۡلِ

Tsiku limene thambo lidzakhala ngati mtovu wosungunuka.

Versetto: 9

وَتَكُونُ ٱلۡجِبَالُ كَٱلۡعِهۡنِ

Ndipo mapiri adzakhala ngati ubweya (wongouluka wokha).

Versetto: 10

وَلَا يَسۡـَٔلُ حَمِيمٌ حَمِيمٗا

Ndipo m’bale sadzafunsa za m’bale wake.

Versetto: 11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Ngakhale adzawalole kuti aonane ndi kudziwana pakati pawo (sadzafunsana). Wochimwa adzalakalaka kuti akadaziwombola ku chilango cha tsiku limenelo ndi ana ake.

Versetto: 12

وَصَٰحِبَتِهِۦ وَأَخِيهِ

Ndi mkazi wake, ndi m’bale wake.

Versetto: 13

وَفَصِيلَتِهِ ٱلَّتِي تُـٔۡوِيهِ

Ndi akumtundu wake amene amamsunga.

Versetto: 14

وَمَن فِي ٱلۡأَرۡضِ جَمِيعٗا ثُمَّ يُنجِيهِ

Ndi (kulipira) zonse za m’dziko, kuti zimpulumutse.

Versetto: 15

كَلَّآۖ إِنَّهَا لَظَىٰ

Iyayi, (siya iwe wamachimo zimene ukulakalakazo)! Ndithu umenewu ndi Moto wa malawi.

Versetto: 16

نَزَّاعَةٗ لِّلشَّوَىٰ

Wosupula mwamphamvu khungu.

Versetto: 17

تَدۡعُواْ مَنۡ أَدۡبَرَ وَتَوَلَّىٰ

Udzaitana (potchula dzina la aliyense) amene adachitembenuzira msana choona ndi kunyoza.

Versetto: 18

وَجَمَعَ فَأَوۡعَىٰٓ

Adasonkhanitsa (chuma) ndi kusunga (m’nkhokwe zake popanda kuperekera chopereka cha Allah).

Versetto: 19

۞ إِنَّ ٱلۡإِنسَٰنَ خُلِقَ هَلُوعًا

Ndithu munthu walengedwa kukhala wosapirira.

Versetto: 20

إِذَا مَسَّهُ ٱلشَّرُّ جَزُوعٗا

Mavuto akamkhudza amada nkhawa.

Versetto: 21

وَإِذَا مَسَّهُ ٱلۡخَيۡرُ مَنُوعًا

Koma zabwino zikamkhudza amamana (ena ndi kuiwala mavuto amene adali nawo).

Versetto: 22

إِلَّا ٱلۡمُصَلِّينَ

Kupatula opemphera Swala, (iwo alibe mbiri zoipazi).

Versetto: 23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Iwo amene sadukiza mapemphero awo a swala; (sakuwaleka ngakhale zivute chotani).

Versetto: 24

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

Ndi amene mchuma chawo muli gawo lodziwika (Zakaat),

Versetto: 25

لِّلسَّآئِلِ وَٱلۡمَحۡرُومِ

La wopempha ndi wosapempha.

Versetto: 26

وَٱلَّذِينَ يُصَدِّقُونَ بِيَوۡمِ ٱلدِّينِ

Ndi amene akuvomereza za tsiku la malipiro (ndi kumalikonzekera.)

Versetto: 27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

Ndi iwo amene akuopa chilango chochokera kwa Mbuye wawo.

Versetto: 28

إِنَّ عَذَابَ رَبِّهِمۡ غَيۡرُ مَأۡمُونٖ

Ndithu chilango cha Mbuye wawo nchosapulumuka nacho (munthu woipa).

Versetto: 29

وَٱلَّذِينَ هُمۡ لِفُرُوجِهِمۡ حَٰفِظُونَ

Ndiponso iwo amene akusunga umaliseche wawo (posachita chiwerewere),

Versetto: 30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Kupatula kwa akazi awo ndi amene manja awo akumanja apeza; ndithu pazimenezo iwo sangadzudzulidwe.

Versetto: 31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Koma amene angafune (zina) kusiya zimenezi iwowo ndiwo olumpha malire.

Versetto: 32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

Ndi iwo amene amasunga mwaubwino zimene amasungitsidwa ndi zimene alonjeza.

Versetto: 33

وَٱلَّذِينَ هُم بِشَهَٰدَٰتِهِمۡ قَآئِمُونَ

Ndi iwo amene amaima molungama popereka umboni wawo.

Versetto: 34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

Ndiponso iwo amene amasunga (mwaubwino) mapemphero awo a swala.

Versetto: 35

أُوْلَٰٓئِكَ فِي جَنَّٰتٖ مُّكۡرَمُونَ

Amene ali ndi mbiri zimenezi adzakhala m’Minda (yamtendere) ali olemekezedwa.

Versetto: 36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

Kodi kuli chiyani kwa amene akana (chikhulupiliro) akuthamangira kwa iwe (maso ali pamtunda)?

Versetto: 37

عَنِ ٱلۡيَمِينِ وَعَنِ ٱلشِّمَالِ عِزِينَ

Atakuzungulira ena chakumanja ena chakumanzere.

Versetto: 38

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

Kodi akulakalaka aliyense mwa iwo kuti akalowetsedwe ku Munda wamtendere?

Versetto: 39

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Asiye (kukhumba kwawo kokalowa ku Munda wamtendere)! Ndithu Ife tidawalenga kuchokera m’zimene akudziwa (madzi opanda pake).

Versetto: 40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Ndikulumbilira Mbuye wa kuvuma ndi kuzambwe konse ndithu Ndife Wokhoza.

Versetto: 41

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

Kuwasintha ndi kudzetsa abwino kuposa iwo; Ife palibe (chilichonse) chotipambana.

Versetto: 42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Asiye azingolankhula zopanda pake ndi kumangosewera mpaka adzakumane ndi tsiku lawo limene akulonjezedwa.

Versetto: 43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Tsiku limene adzatuluke m’manda uku akuthamanga (kudza kwa woitana) ngati kuti akuthamangira kumafano awo (amene adali kuwapembedza).

Versetto: 44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Maso awo ali zyoli, (osatha kuwakweza); kuyaluka kutawaphimba! Limenelo ndilo tsiku lomwe adali kulonjezedwa (pomwe adali padziko lapansi.