Traduzione dei significati Sura An-Nâzi‘ât - Traduzione in yoruba - L'Enciclopedia del Nobile Corano

Suuratun-Naazihaat

Versetto: 1

وَٱلنَّٰزِعَٰتِ غَرۡقٗا

Allāhu fi àwọn mọlāika tó ń fi ọ̀nà èle gba ẹ̀mí àwọn aláìgbàgbọ́ búra.

Versetto: 2

وَٱلنَّٰشِطَٰتِ نَشۡطٗا

Ó tún fi àwọn mọlāika tó ń fi ọ̀nà ẹ̀rọ̀ gba ẹ̀mí àwọn onígbàgbọ́ òdodo búra.

Versetto: 3

وَٱلسَّٰبِحَٰتِ سَبۡحٗا

Ó tún fi àwọn mọlāika tó ń yára gágá níbi àṣẹ Rẹ̀ búra.

Versetto: 4

فَٱلسَّٰبِقَٰتِ سَبۡقٗا

Ó tún fi àwọn mọlāika tó máa ṣíwájú ẹ̀mí àwọn onígbàgbọ́ òdodo wọnú Ọgbà Ìdẹ̀ra tààrà búra.

Versetto: 5

فَٱلۡمُدَبِّرَٰتِ أَمۡرٗا

Ó tún fi àwọn mọlāika tó ń ṣètò nínú sánmọ̀ àti ilé ayé pẹ̀lú àṣẹ Allāhu búra.

Versetto: 6

يَوۡمَ تَرۡجُفُ ٱلرَّاجِفَةُ

Ní ọjọ́ tí ìmìtìtì máa mi gbogbo ayé tìtì.¹

1. Ìyẹn ní ọjọ́ tí ìfọn àkọ́kọ́ fún òpin ayé máa ṣẹlẹ̀ pẹ̀lú ohùn igbe tó máa le pin.

Versetto: 7

تَتۡبَعُهَا ٱلرَّادِفَةُ

Ohun tí ó máa tẹ̀lé e máa ṣẹlẹ̀ tẹ̀lé e.¹

1. Ìyẹn ní ọjọ́ tí ìfọn ìkejì fún àjíǹde máa ṣẹlẹ̀ pẹ̀lú ohùn igbe tó máa le pin.

Versetto: 8

قُلُوبٞ يَوۡمَئِذٖ وَاجِفَةٌ

Àwọn ọkàn yóò máa gbọ̀n pẹ̀pẹ̀ ní ọjọ́ yẹn.

Versetto: 9

أَبۡصَٰرُهَا خَٰشِعَةٞ

Ojú wọn yó sì wálẹ̀ ní ti ìyẹpẹrẹ.

Versetto: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Wọn yóò wí pé: “Ṣé Wọ́n tún máa dá wa padà sí ìbẹ̀rẹ̀ ìṣẹ̀mí (bíi tayé ni)?

Versetto: 11

أَءِذَا كُنَّا عِظَٰمٗا نَّخِرَةٗ

Ṣé nígbà tí a ti di eegun tó kẹfun tán?”

Versetto: 12

قَالُواْ تِلۡكَ إِذٗا كَرَّةٌ خَاسِرَةٞ

Wọ́n wí pé: “Ìdápadà òfò nìyẹn nígbà náà (fún ẹni tó pè é ní irọ́.)”

Versetto: 13

فَإِنَّمَا هِيَ زَجۡرَةٞ وَٰحِدَةٞ

Nítorí náà, igbe ẹyọ kan sì ni.

Versetto: 14

فَإِذَا هُم بِٱلسَّاهِرَةِ

Nígbà náà ni wọn yóò bára wọn lórí ilẹ̀ gban̄sasa.

Versetto: 15

هَلۡ أَتَىٰكَ حَدِيثُ مُوسَىٰٓ

Ǹjẹ́ ọ̀rọ̀ (Ànábì) Mūsā ti dé ọ̀dọ̀ rẹ?

Versetto: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

(Rántí) nígbà tí Olúwa rẹ̀ pè é ní àfonúfojì mímọ́, Tuwā.

Versetto: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Lọ bá Fir‘aon, dájúdájú ó ti tayọ ẹnu-ààlà.

Versetto: 18

فَقُلۡ هَل لَّكَ إِلَىٰٓ أَن تَزَكَّىٰ

Kí o sì sọ pé: “Ǹjẹ o máa ṣàfọ̀mọ́ ara rẹ (kúrò nínú àìgbàgbọ́) bí?

Versetto: 19

وَأَهۡدِيَكَ إِلَىٰ رَبِّكَ فَتَخۡشَىٰ

Kí èmi sì fi ọ̀nà mọ̀ ọ́ dé ọ̀dọ̀ Olúwa rẹ, kí o sì páyà (Rẹ̀).”

Versetto: 20

فَأَرَىٰهُ ٱلۡأٓيَةَ ٱلۡكُبۡرَىٰ

Ó sì fi àmì tó tóbi hàn án.

Versetto: 21

فَكَذَّبَ وَعَصَىٰ

(Àmọ́) ó pè é ní òpùrọ́. Ó sì yapa (rẹ̀).

Versetto: 22

ثُمَّ أَدۡبَرَ يَسۡعَىٰ

Lẹ́yìn náà, ó kẹ̀yìn sí i. Ó sì ń ṣiṣẹ́ (takò ó).

Versetto: 23

فَحَشَرَ فَنَادَىٰ

Ó kó (àwọn ènìyàn) jọ, ó sì ké gbàjarì.

Versetto: 24

فَقَالَ أَنَا۠ رَبُّكُمُ ٱلۡأَعۡلَىٰ

Ó sì wí pé: “Èmi ni olúwa yín, ẹni gíga jùlọ.”

Versetto: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Nítorí náà, Allāhu gbá a mú pẹ̀lú ìyà ìkẹ́yìn àti àkọ́kọ́ (nípa ọ̀rọ̀ ẹnu rẹ̀ ìkẹ́yìn yìí àti àkọ́kọ́).¹

1. Ọ̀rọ̀ àkọ́kọ́ náà nìyí, Fir‘aon wí pé: “Ẹ̀yin ìjòyè, èmi kò mọ̀ pé ọlọ́hun kan tún wà lẹ́yìn mi!” Sūrah al-Ƙọsọs; 28:38

Versetto: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Dájúdájú àríwòye wà nínú ìyẹn fún ẹni tó ń páyà (Allāhu).

Versetto: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ṣé ẹ̀yin lẹ lágbára jùlọ ní ìṣẹ̀dá ni tàbí sánmọ̀ tí Allāhu mọ?

Versetto: 28

رَفَعَ سَمۡكَهَا فَسَوَّىٰهَا

Allāhu gbé àjà rẹ̀ ga sókè. Ó sì ṣe é ní pípé tó gún régé.

Versetto: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ó ṣe òru rẹ̀ ní dúdú. Ó sì fa ìyálẹ̀ta rẹ̀ yọ jáde.

Versetto: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Àti ilẹ̀, Ó tẹ́ ẹ pẹrẹsẹ lẹ́yìn ìyẹn.¹

1. Ẹ wo ìtọsẹ̀-ọ̀rọ̀ sūrah al-Baƙọrah; 2:29.

Versetto: 31

أَخۡرَجَ مِنۡهَا مَآءَهَا وَمَرۡعَىٰهَا

Ó mú omi rẹ̀ àti irúgbìn rẹ̀ jáde láti inú rẹ̀.

Versetto: 32

وَٱلۡجِبَالَ أَرۡسَىٰهَا

Àti àwọn àpáta, Ó fi ìdí wọn múlẹ̀ ṣinṣin.

Versetto: 33

مَتَٰعٗا لَّكُمۡ وَلِأَنۡعَٰمِكُمۡ

Ìgbádùn ni fún yín àti fún àwọn ẹran-ọ̀sìn yín.

Versetto: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ṣùgbọ́n nígbà tí ìparun ńlá bá dé,

Versetto: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

ní ọjọ́ tí ènìyàn yóò rántí ohun tó ṣe níṣẹ́.

Versetto: 36

وَبُرِّزَتِ ٱلۡجَحِيمُ لِمَن يَرَىٰ

Wọ́n sì máa fi Iná hàn kedere fún (gbogbo) ẹni tó ríran.

Versetto: 37

فَأَمَّا مَن طَغَىٰ

Nítorí náà, ní ti ẹni tó tayọ ẹnu-ààlà,

Versetto: 38

وَءَاثَرَ ٱلۡحَيَوٰةَ ٱلدُّنۡيَا

tí ó tún gbé àjùlọ fún ìṣẹ̀mí ayé,

Versetto: 39

فَإِنَّ ٱلۡجَحِيمَ هِيَ ٱلۡمَأۡوَىٰ

dájúdájú iná Jẹhīm, òhun ni ibùgbé (rẹ̀).

Versetto: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ní ti ẹni tí ó páyà ìdúró níwájú Olúwa rẹ̀, tí ó tún kọ ìfẹ́-inú fún ẹ̀mí (ara rẹ̀),

Versetto: 41

فَإِنَّ ٱلۡجَنَّةَ هِيَ ٱلۡمَأۡوَىٰ

dájúdájú Ọgbà Ìdẹ̀ra, òhun ni ibùgbé (rẹ̀).

Versetto: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Wọ́n ń bi ọ́ léèrè nípa Àkókò náà pé: “Ìgbà wo l’ó máa ṣẹlẹ̀?”

Versetto: 43

فِيمَ أَنتَ مِن ذِكۡرَىٰهَآ

Níbo ni ìwọ wà sí ìmọ̀ rẹ̀ ná?¹

1. Ìyẹn ni pé, ìwọ kò lè ní ìmọ̀ ọjọ́ rẹ̀. Ìmọ̀ nípa ọjọ́ wo gan-an ni òpin ayé máa ṣẹlẹ̀ ni kò sí ìmọ̀ rẹ̀ ní ọ̀dọ̀ Ànábì - kí ìkẹ́ àti ọlà Allāhu máa bá a - àti gbogbo ẹ̀dá pátápátá. Ọ̀dọ̀ Allāhu nìkan ṣoṣo ni ìmọ̀ rẹ̀ wà. Àmọ́ Allāhu fi àwọn àmì ìṣáájú ọjọ́ náà mọ Ànábì Rẹ̀ - kí ìkẹ́ àti ọlà Allāhu máa bá a -, ìyẹn ni àwọn àmì òpin ayé.

Versetto: 44

إِلَىٰ رَبِّكَ مُنتَهَىٰهَآ

Ọ̀dọ̀ Olúwa rẹ ni òpin ìmọ̀ nípa rẹ̀ wà.

Versetto: 45

إِنَّمَآ أَنتَ مُنذِرُ مَن يَخۡشَىٰهَا

Ìwọ kúkú ni olùkìlọ̀ fún ẹni tó ń páyà rẹ̀.

Versetto: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Ní ọjọ́ tí wọ́n máa rí i, wọn máa dà bí ẹni pé wọn kò gbé ilé ayé tayọ ìrọ̀lẹ́ tàbí ìyálẹ̀ta (ọjọ́) kan.