対訳 章 凝血章 - ウズベク語対訳 - Muhammad Sadeq - クルアーン百科事典

Алақ сураси

節: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Яратган Роббинг номи билан ўқи.

節: 2

خَلَقَ ٱلۡإِنسَٰنَ مِنۡ عَلَقٍ

У инсонни алақдан яратди.

節: 3

ٱقۡرَأۡ وَرَبُّكَ ٱلۡأَكۡرَمُ

Ўқи! Роббинг Карамлиларнинг карамлисидир.

節: 4

ٱلَّذِي عَلَّمَ بِٱلۡقَلَمِ

У, қалам билан илм ўргатгандир.

節: 5

عَلَّمَ ٱلۡإِنسَٰنَ مَا لَمۡ يَعۡلَمۡ

У, инсонга билмаган нарсасини ўргатди.

節: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Йўқ! Инсон, албатта, туғёнга кетур.

節: 7

أَن رَّءَاهُ ٱسۡتَغۡنَىٰٓ

Гар ўзини бой кўрса.

節: 8

إِنَّ إِلَىٰ رَبِّكَ ٱلرُّجۡعَىٰٓ

Албатта, қайтиб бориш Роббинггадир.

節: 9

أَرَءَيۡتَ ٱلَّذِي يَنۡهَىٰ

Қайтарганни кўрдингми?!

節: 10

عَبۡدًا إِذَا صَلَّىٰٓ

Бандани намоз ўқиётганида?!

(Макка мушриклари раҳбари Абу Жаҳл, Муҳаммадни Каъба ёнида намоз ўқиётганини кўрсам, бўйнидан оёғим билан босаман, деган экан. Шунга биноан, бу оятлардаги намоз ўқувчидан мурод Муҳаммад соллаллоҳу алайҳи ва саллам, намоздан қайтарувчи эса Абу Жаҳлдир.)

節: 11

أَرَءَيۡتَ إِن كَانَ عَلَى ٱلۡهُدَىٰٓ

Айтинг-чи, агар ўша ҳидоятда бўлса.

節: 12

أَوۡ أَمَرَ بِٱلتَّقۡوَىٰٓ

Ёки тақвога чақирса.

節: 13

أَرَءَيۡتَ إِن كَذَّبَ وَتَوَلَّىٰٓ

Айтинг-чи, агар у ёлғонга чиқарса ва юз ўгирса.

節: 14

أَلَمۡ يَعۡلَم بِأَنَّ ٱللَّهَ يَرَىٰ

Аллоҳ уни кўриб туришини билмасми?

節: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Йўқ! Агар қайтмаса, пешонасидан шиддат-ла тутамиз!

節: 16

نَاصِيَةٖ كَٰذِبَةٍ خَاطِئَةٖ

Ёлғончи, хатокор пешонасидан!

節: 17

فَلۡيَدۡعُ نَادِيَهُۥ

Бас, у ўз тўпини чақирсин.

節: 18

سَنَدۡعُ ٱلزَّبَانِيَةَ

Биз ҳам забонияларни чақирурмиз.

(Яъни, дўзахийларни азобловчи фаришталарни.)

節: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Йўқ! Сен унга итоат қилма! Сажда қил ва қурбат ҳосил қил.

(Ушбу оят сажда оятларидандир. Имом Муслим улкан саҳобий Абу Ҳурайра розиёллоҳу анҳудан ривоят қилган ҳадиси шарифда Пайғамбаримиз соллаллоҳу алайҳи ва саллам: «Банда Аллоҳга энг яқин бўлган пайти — сажда пайтидир, у пайтда дуони кўп қилинглар», деганлар.)