ಅರ್ಥಗಳ ಅನುವಾದ ಅಧ್ಯಾಯ ಸೂರ ಅನ್ನಜ್ಮ್ - ಚೇವಾ ಅನುವಾದ - ಪವಿತ್ರ ಕುರ್‌ಆನ್ ವಿಶ್ವಕೋಶ

ಸೂರ ಅನ್ನಜ್ಮ್

ಶ್ಲೋಕ: 1

وَٱلنَّجۡمِ إِذَا هَوَىٰ

Ndikulumbira nyenyezi pamene zikulowa.

ಶ್ಲೋಕ: 2

مَا ضَلَّ صَاحِبُكُمۡ وَمَا غَوَىٰ

Sadasokere m’bale wanu (Mtumiki panjira ya choonadi) ndipo sadakhulupirire zonama.

ಶ್ಲೋಕ: 3

وَمَا يَنطِقُ عَنِ ٱلۡهَوَىٰٓ

Ndipo sayankhula zofuna za mtima wake.

ಶ್ಲೋಕ: 4

إِنۡ هُوَ إِلَّا وَحۡيٞ يُوحَىٰ

Iyoyi (Qur’an imene akuinena), sichina, koma ndichivumbulutso chovumbulutsidwa.

ಶ್ಲೋಕ: 5

عَلَّمَهُۥ شَدِيدُ ٱلۡقُوَىٰ

Adamphunzitsa (chivumbulutsochi) (Jibril) wanyonga zambiri.

ಶ್ಲೋಕ: 6

ذُو مِرَّةٖ فَٱسۡتَوَىٰ

Wanzeru zakuya; ndipo adakhazikika (m’maonekedwe ake).

ಶ್ಲೋಕ: 7

وَهُوَ بِٱلۡأُفُقِ ٱلۡأَعۡلَىٰ

Ali m’chizimezime kumwamba.

ಶ್ಲೋಕ: 8

ثُمَّ دَنَا فَتَدَلَّىٰ

Kenako (Jibril) adamuyandikira (Mtumiki {s.a.w}) ndikuonjezera kumuyandikira.

ಶ್ಲೋಕ: 9

فَكَانَ قَابَ قَوۡسَيۡنِ أَوۡ أَدۡنَىٰ

(Kumuyandikira kwake) kudali ngati (mpata wa) nsonga ziwiri za uta, kapena kuyandikira kuposa apo.

ಶ್ಲೋಕ: 10

فَأَوۡحَىٰٓ إِلَىٰ عَبۡدِهِۦ مَآ أَوۡحَىٰ

(Choncho Jibril) adavumbulutsira kapolo wake (wa Allah) zimene adazivumbulutsa.

ಶ್ಲೋಕ: 11

مَا كَذَبَ ٱلۡفُؤَادُ مَا رَأَىٰٓ

Sudaname mtima (wa Mtumiki) pazimene adaziona.

ಶ್ಲೋಕ: 12

أَفَتُمَٰرُونَهُۥ عَلَىٰ مَا يَرَىٰ

Kodi mukutsutsana naye (Mthenga wa Allah) pazimene adaziona?

ಶ್ಲೋಕ: 13

وَلَقَدۡ رَءَاهُ نَزۡلَةً أُخۡرَىٰ

Ndipo ndithu adamuona (Jibril) m’kuona kachiwiri mkaonekedwe kake.

ಶ್ಲೋಕ: 14

عِندَ سِدۡرَةِ ٱلۡمُنتَهَىٰ

Pa ‘Sidratil Muntaha’ (mtengo wamasawu pothera zinthu zonse).

ಶ್ಲೋಕ: 15

عِندَهَا جَنَّةُ ٱلۡمَأۡوَىٰٓ

Pafupi pake pali Janatu Ma’awa, (munda wokhalamo).

ಶ್ಲೋಕ: 16

إِذۡ يَغۡشَى ٱلسِّدۡرَةَ مَا يَغۡشَىٰ

Pomwe chophimba chidaphimba msawuwo.

ಶ್ಲೋಕ: 17

مَا زَاغَ ٱلۡبَصَرُ وَمَا طَغَىٰ

Maso ake sadaphonye kapena kupyola malire (oikidwa).

ಶ್ಲೋಕ: 18

لَقَدۡ رَأَىٰ مِنۡ ءَايَٰتِ رَبِّهِ ٱلۡكُبۡرَىٰٓ

Ndithu (Mneneri Muhammad {s.a.w}) adaona zina mwa zizindikiro zikuluzikulu za Mbuye wake (zosonyeza mphamvu Zake)

ಶ್ಲೋಕ: 19

أَفَرَءَيۡتُمُ ٱللَّٰتَ وَٱلۡعُزَّىٰ

Kodi mwamuona Laat ndi Uzza?

ಶ್ಲೋಕ: 20

وَمَنَوٰةَ ٱلثَّالِثَةَ ٱلۡأُخۡرَىٰٓ

Ndi Manata; (fano lanu) lina lachitatu, (kuti iwowa ndi milungu)?

ಶ್ಲೋಕ: 21

أَلَكُمُ ٱلذَّكَرُ وَلَهُ ٱلۡأُنثَىٰ

Kodi mwadzisankhira ana aamuna (kukhala anu), ndi aakazi nkukhala a Iye (Allah)?

ಶ್ಲೋಕ: 22

تِلۡكَ إِذٗا قِسۡمَةٞ ضِيزَىٰٓ

Choncho kugawa kumeneko nkopanda chilungamo (pompatsa Allah zimene mumazida).

ಶ್ಲೋಕ: 23

إِنۡ هِيَ إِلَّآ أَسۡمَآءٞ سَمَّيۡتُمُوهَآ أَنتُمۡ وَءَابَآؤُكُم مَّآ أَنزَلَ ٱللَّهُ بِهَا مِن سُلۡطَٰنٍۚ إِن يَتَّبِعُونَ إِلَّا ٱلظَّنَّ وَمَا تَهۡوَى ٱلۡأَنفُسُۖ وَلَقَدۡ جَآءَهُم مِّن رَّبِّهِمُ ٱلۡهُدَىٰٓ

Sali (mafanowo) chilichonse koma ndi maina basi omwe mudawatcha inu ndi makolo anu, (molingana ndi zilakolako zanu zachabe); Allah sadatsitse umboni pazimenezo (wotsimikiza pamawu anuwo). Sakutsatira koma zoganizira basi ndi zimene ikufuna mitima (yawo yopotoka). Ndithu chidawadzera chiongoko kuchokera kwa Mbuye wawo (chomwe m’kati mwake mudali kuongoka kwawo akadachitsatira).

ಶ್ಲೋಕ: 24

أَمۡ لِلۡإِنسَٰنِ مَا تَمَنَّىٰ

Kodi munthu akuganiza kuti adzapeza chilichonse chimene akuchilakalaka?

ಶ್ಲೋಕ: 25

فَلِلَّهِ ٱلۡأٓخِرَةُ وَٱلۡأُولَىٰ

Moyo wa tsiku lachimaliziro ndi wadziko lapansi ngwa Allah Yekha.

ಶ್ಲೋಕ: 26

۞ وَكَم مِّن مَّلَكٖ فِي ٱلسَّمَٰوَٰتِ لَا تُغۡنِي شَفَٰعَتُهُمۡ شَيۡـًٔا إِلَّا مِنۢ بَعۡدِ أَن يَأۡذَنَ ٱللَّهُ لِمَن يَشَآءُ وَيَرۡضَىٰٓ

Ndipo kuli angelo ambiri kumwamba omwe kuchondelera kwawo sikungathandize china chilichonse pokhapokha Allah ataloleza kwa amene wamfuna ndi kumuyanja.

ಶ್ಲೋಕ: 27

إِنَّ ٱلَّذِينَ لَا يُؤۡمِنُونَ بِٱلۡأٓخِرَةِ لَيُسَمُّونَ ٱلۡمَلَٰٓئِكَةَ تَسۡمِيَةَ ٱلۡأُنثَىٰ

Ndithu amene sakhulupirira za (Moyo wa) tsiku lachimaliziro, amawatcha angelo kuti ndiakazi.

ಶ್ಲೋಕ: 28

وَمَا لَهُم بِهِۦ مِنۡ عِلۡمٍۖ إِن يَتَّبِعُونَ إِلَّا ٱلظَّنَّۖ وَإِنَّ ٱلظَّنَّ لَا يُغۡنِي مِنَ ٱلۡحَقِّ شَيۡـٔٗا

Ndipo alibe kudziwa kulikonse pa zimenezo sakutsata china koma maganizo. Ndipo ndithu kuganizira sikuthandiza chilichonse pofuna kupeza choonadi.

ಶ್ಲೋಕ: 29

فَأَعۡرِضۡ عَن مَّن تَوَلَّىٰ عَن ذِكۡرِنَا وَلَمۡ يُرِدۡ إِلَّا ٱلۡحَيَوٰةَ ٱلدُّنۡيَا

Choncho apewe (osakhulupirirawa) amene anyozera chikumbutso Chathu (Qur’an); ndipo palibe chimene akufuna koma moyo wa padziko lapansi basi.

ಶ್ಲೋಕ: 30

ذَٰلِكَ مَبۡلَغُهُم مِّنَ ٱلۡعِلۡمِۚ إِنَّ رَبَّكَ هُوَ أَعۡلَمُ بِمَن ضَلَّ عَن سَبِيلِهِۦ وَهُوَ أَعۡلَمُ بِمَنِ ٱهۡتَدَىٰ

Zimenezo ndiwo mapeto a kudziwa kwawo. Ndithu Mbuye wako Ngodziwa kwambiri za amene akusokera njira Yake ndiponso akudziwa bwino za yemwe wawongoka.

ಶ್ಲೋಕ: 31

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِ لِيَجۡزِيَ ٱلَّذِينَ أَسَٰٓـُٔواْ بِمَا عَمِلُواْ وَيَجۡزِيَ ٱلَّذِينَ أَحۡسَنُواْ بِٱلۡحُسۡنَى

Ndipo zonse za kumwamba ndi zadziko lapansi nza Allah Yekha, (pozilenga ndi kuziyang’anira), kuti adzawalipire amene adaipitsa pa zimene adachita ndi kutinso adzawalipire zabwino amene adachita zabwino.

ಶ್ಲೋಕ: 32

ٱلَّذِينَ يَجۡتَنِبُونَ كَبَٰٓئِرَ ٱلۡإِثۡمِ وَٱلۡفَوَٰحِشَ إِلَّا ٱللَّمَمَۚ إِنَّ رَبَّكَ وَٰسِعُ ٱلۡمَغۡفِرَةِۚ هُوَ أَعۡلَمُ بِكُمۡ إِذۡ أَنشَأَكُم مِّنَ ٱلۡأَرۡضِ وَإِذۡ أَنتُمۡ أَجِنَّةٞ فِي بُطُونِ أُمَّهَٰتِكُمۡۖ فَلَا تُزَكُّوٓاْ أَنفُسَكُمۡۖ هُوَ أَعۡلَمُ بِمَنِ ٱتَّقَىٰٓ

Amene akuwapewa machimo akuluakulu ndi zadama, kupatula timachimo tating’onoting’ono (timene Allah amatikhululuka); ndithu Mbuye wako ndiwokhululuka kwakukulu. Iye akudziwa chikhalidwe chanu kuyambira pomwe adakulengani kuchokera m’nthaka ndi pamene inu mudali makanda m’mimba mwa amayi anu (mosinthasintha; mosiyanasiyana). Choncho musadzitame nokha kuyera mtima; Iye Ngodziwa kwambiri za yemwe akumuopa (Allah).

ಶ್ಲೋಕ: 33

أَفَرَءَيۡتَ ٱلَّذِي تَوَلَّىٰ

Kodi wamuona yemwe wadzipatula (pakusiya kutsatira choonadi)?

ಶ್ಲೋಕ: 34

وَأَعۡطَىٰ قَلِيلٗا وَأَكۡدَىٰٓ

Ndipo wapereka (chuma) chochepa nasiyanso kuperekako.

ಶ್ಲೋಕ: 35

أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ

Kodi akudziwa zamseri, kotero kuti akuziwona (zomwe wadza nazo (Mtumiki {s.a.w) kuti sizoona)?

ಶ್ಲೋಕ: 36

أَمۡ لَمۡ يُنَبَّأۡ بِمَا فِي صُحُفِ مُوسَىٰ

Kapena sadauzidwe zomwe zidali m’mabuku a Mûsa.

ಶ್ಲೋಕ: 37

وَإِبۡرَٰهِيمَ ٱلَّذِي وَفَّىٰٓ

Ndi Ibrahim amene adakwaniritsa (lonjezo la Allah)?

ಶ್ಲೋಕ: 38

أَلَّا تَزِرُ وَازِرَةٞ وِزۡرَ أُخۡرَىٰ

Kuti mzimu wamachimo sungasenze machimo a mzimu wina.

ಶ್ಲೋಕ: 39

وَأَن لَّيۡسَ لِلۡإِنسَٰنِ إِلَّا مَا سَعَىٰ

Ndi kutinso munthu sakalipidwa koma zimene adachita.

ಶ್ಲೋಕ: 40

وَأَنَّ سَعۡيَهُۥ سَوۡفَ يُرَىٰ

Ndipo ndithu ntchito zake zidzaonekera.

ಶ್ಲೋಕ: 41

ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ

Kenako (munthu) adzalipidwa malipiro okwanira (pa ntchito zake zimene amachita).

ಶ್ಲೋಕ: 42

وَأَنَّ إِلَىٰ رَبِّكَ ٱلۡمُنتَهَىٰ

Ndipo ndithu kwa Mbuye wako yekha ndiwo malekezero (a chilichonse).

ಶ್ಲೋಕ: 43

وَأَنَّهُۥ هُوَ أَضۡحَكَ وَأَبۡكَىٰ

Ndithu Iye ndiAmene amapereka chisangalalo ndi zoliritsa.

ಶ್ಲೋಕ: 44

وَأَنَّهُۥ هُوَ أَمَاتَ وَأَحۡيَا

Ndipo Iye yekha ndi Amene amapereka imfa ndi moyo.

ಶ್ಲೋಕ: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

Ndipo Iye ndiAmene adalenga mitundu iwiri: chachimuna ndi chachikazi, (anthu ndi zamoyo zina).

ಶ್ಲೋಕ: 46

مِن نُّطۡفَةٍ إِذَا تُمۡنَىٰ

Kuchokera m’mbewu ya moyo pamene imafwamphukira (m’chiberekero).

ಶ್ಲೋಕ: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

Ndipo ndithu ndi udindo Wake kuukitsa kwina (pambuyo pa imfa).

ಶ್ಲೋಕ: 48

وَأَنَّهُۥ هُوَ أَغۡنَىٰ وَأَقۡنَىٰ

Ndipo Iye ndiAmene amapatsa chokwanira ndipo ndi amene amapatsa chosunga.

ಶ್ಲೋಕ: 49

وَأَنَّهُۥ هُوَ رَبُّ ٱلشِّعۡرَىٰ

Ndipo ndithu Iye ndi Mbuye wa nyenyezi yotchedwa Shiira;

ಶ್ಲೋಕ: 50

وَأَنَّهُۥٓ أَهۡلَكَ عَادًا ٱلۡأُولَىٰ

Ndipo Iye ndi amene adaononga Âdi oyamba; (anthu a Mneneri Hûd).

ಶ್ಲೋಕ: 51

وَثَمُودَاْ فَمَآ أَبۡقَىٰ

Ndi Samudu; (anthu a Mneneri Swaleh;) choncho sadasiye (ndi mmodzi yemwe wa iwo).

ಶ್ಲೋಕ: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Ndipo (adawaononganso) anthu a Nuh, kale (asadaononge Âdi ndi Samudu). Ndithu iwo adali osalungama ndi olumpha malire kwambiri (kuposa Âdi ndi Samudu).

ಶ್ಲೋಕ: 53

وَٱلۡمُؤۡتَفِكَةَ أَهۡوَىٰ

Ndi midzi yotembenuzidwa kumwamba kukhala pansi, pansi kukhala kumwamba, (ya anthu a Luti) adaigwetsa.

ಶ್ಲೋಕ: 54

فَغَشَّىٰهَا مَا غَشَّىٰ

Tero chidaivindikira (midziyo) chomwe chidaivindikira (chilango).

ಶ್ಲೋಕ: 55

فَبِأَيِّ ءَالَآءِ رَبِّكَ تَتَمَارَىٰ

Kodi ndimtendere uti (mumtendere) wa Mbuye wako umene ukuukaikira?

ಶ್ಲೋಕ: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Uyu (Mtumiki) ndimchenjezi mwa achenjezi oyamba (amene adachenjezedwa nawo anthu a mibadwo yakale)

ಶ್ಲೋಕ: 57

أَزِفَتِ ٱلۡأٓزِفَةُ

Chayandikira choyandikira (Qiyâma).

ಶ್ಲೋಕ: 58

لَيۡسَ لَهَا مِن دُونِ ٱللَّهِ كَاشِفَةٌ

Palibe amene angachionetse koma Allah Yekha.

ಶ್ಲೋಕ: 59

أَفَمِنۡ هَٰذَا ٱلۡحَدِيثِ تَعۡجَبُونَ

Kodi mukuidabwa nkhaniyi (ya Qur’an moikana)?

ಶ್ಲೋಕ: 60

وَتَضۡحَكُونَ وَلَا تَبۡكُونَ

Mungoseka (mwachipongwe) ndipo simukulira (pamene mukuimva monga momwe akuchitira okhulupirira).

ಶ್ಲೋಕ: 61

وَأَنتُمۡ سَٰمِدُونَ

Ndipo mukunyozera?

ಶ್ಲೋಕ: 62

فَٱسۡجُدُواْۤ لِلَّهِۤ وَٱعۡبُدُواْ۩

Mlambireni ndi kumpembedza Allah (amene wavumbulutsa Qur’an kuti ikhale chiongoko cha anthu).