د معناګانو ژباړه سورت الضحى - سواحلي ژباړه - علی محسن البرواني - د قرآن کریم دائرة المعارف

Surat Ad-Duha

آیت: 1

وَٱلضُّحَىٰ

Naapa kwa mchana!

Naapa kwa wakati wa kupanda juu jua, na ni wakati wa uchangamfu na kazi!

آیت: 2

وَٱلَّيۡلِ إِذَا سَجَىٰ

Na kwa usiku unapo tanda!

Na naapa kwa usiku unapo tulia na ukatanda kote kiza chake!

آیت: 3

مَا وَدَّعَكَ رَبُّكَ وَمَا قَلَىٰ

Mola wako Mlezi hakukuacha, wala hakukasirika nawe.

Ewe Muhammad! Mola wako Mlezi hakukuacha, wala hakukuchukia.

آیت: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Na bila ya shaka wakati ujao utakuwa bora kwako kuliko ulio tangulia.

Na matokeo ya mambo yako, mwisho wake, yatakuwa bora kuliko mwanzo wake.

آیت: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Na Mola wako Mlezi atakupa mpaka uridhike.

Na ninaapa kuwa bila ya shaka hapo Mola wako Mlezi atakupa kheri za duniani na Akhera hata utaridhia.

آیت: 6

أَلَمۡ يَجِدۡكَ يَتِيمٗا فَـَٔاوَىٰ

Kwani hakukukuta yatima akakupa makaazi?

Kwani hakukukuta wewe yatima unahitaji wa kukutunza naye akakupa makaazi ya kukuhifadhi kwa mwenye kukuangalia vyema kwa mambo yako?

آیت: 7

وَوَجَدَكَ ضَآلّٗا فَهَدَىٰ

Na akakukuta umepotea akakuongoa?

Na akakuona umebabaika hukukinaika na itikadi zilizo kuzunguka, naye akakuongoa kwenye Njia ya Haki?

آیت: 8

وَوَجَدَكَ عَآئِلٗا فَأَغۡنَىٰ

Akakukuta mhitaji akakutosheleza?

Akakukuta fakiri wa mali naye akakutajirisha kwa kukupa riziki?

آیت: 9

فَأَمَّا ٱلۡيَتِيمَ فَلَا تَقۡهَرۡ

Basi yatima usimwonee!

Ikiwa hii ndiyo hali yetu nawe, basi yatima usimdhili,

آیت: 10

وَأَمَّا ٱلسَّآئِلَ فَلَا تَنۡهَرۡ

Na anaye omba au kuuliza usimkaripie!

Na mwenye kuomba au kuuliza usimjibu kwa ukavu,

آیت: 11

وَأَمَّا بِنِعۡمَةِ رَبِّكَ فَحَدِّثۡ

Na neema za Mola wako Mlezi zisimlie.

Na ama neema za Mola wako Mlezi zitangaze kwa kumshukuru Mwenyezi Mungu kuwa ndio kudhihirisha neema.