மொழிபெயர்ப்பு அத்தியாயம் ஸூரா அல்முத்தஸ்ஸிர் - யாஊ மொழிபெயர்ப்பு - அல்குர்ஆன் கலைக்களஞ்சியம்

Al-Muddaththir

வசனம்: 1

يَٰٓأَيُّهَا ٱلۡمُدَّثِّرُ

E, mmwe ŵan'diunichile nguwo!

வசனம்: 2

قُمۡ فَأَنذِرۡ

Jimani ni mwaatetele (ŵandu).

வசனம்: 3

وَرَبَّكَ فَكَبِّرۡ

Soni Ambuje ŵenu (Allah) mwakusyaani.

வசனம்: 4

وَثِيَابَكَ فَطَهِّرۡ

Soni nguwo syenu siswejesyani.

வசனம்: 5

وَٱلرُّجۡزَ فَٱهۡجُرۡ

Soni yakusakala (mpela isanamu) iŵambalani.

வசனம்: 6

وَلَا تَمۡنُن تَسۡتَكۡثِرُ

Soni ngasimumpa (jwinejwakwe chindu) ni ligongo lyakuti mpochele yejinji.

வசனம்: 7

وَلِرَبِّكَ فَٱصۡبِرۡ

Soni ligongo lya Ambuje ŵenu (Allah) pililani.

வசனம்: 8

فَإِذَا نُقِرَ فِي ٱلنَّاقُورِ

Basi ndema jalichigombedwa lipenga.

வசனம்: 9

فَذَٰلِكَ يَوۡمَئِذٖ يَوۡمٌ عَسِيرٌ

Lyele lisikulyotu lichiŵa lisiku lyakunonopa kusyene.

வசனம்: 10

عَلَى ٱلۡكَٰفِرِينَ غَيۡرُ يَسِيرٖ

Kwa achimakafili ngasiliŵa lyakwepepala.

வசனம்: 11

ذَرۡنِي وَمَنۡ خَلَقۡتُ وَحِيدٗا

Munekaani ni mundu jwanan'gumbile jikajikape.

வசனம்: 12

وَجَعَلۡتُ لَهُۥ مَالٗا مَّمۡدُودٗا

Ninampele ipanje yejinji.

வசனம்: 13

وَبَنِينَ شُهُودٗا

Ni ŵanache ŵakuŵanajo.

வசனம்: 14

وَمَهَّدتُّ لَهُۥ تَمۡهِيدٗا

Ni nankolochesye (ndamo jakwe) kunkolochesya kwambone nnope.

வசனம்: 15

ثُمَّ يَطۡمَعُ أَنۡ أَزِيدَ

Panyuma pakwe jukolaga tama janti ndili nan'jonjechesye.

வசனம்: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Kwapi! Chisimu jwalakwejo jwaliji nkugakanila maaya Getu.

வசனம்: 17

سَأُرۡهِقُهُۥ صَعُودًا

Chingankanganichisye ku ilagasyo yakusausya kuikwela.

வசனம்: 18

إِنَّهُۥ فَكَّرَ وَقَدَّرَ

Chisimu jwalakwe jwachetelele (yatajile paajigamba Qur’an) ni jwapimiile.

வசனம்: 19

فَقُتِلَ كَيۡفَ قَدَّرَ

Basi julwesedwe, ana jwapimiile chantiuli!

வசனம்: 20

ثُمَّ قُتِلَ كَيۡفَ قَدَّرَ

Soni julwesedwe, ana jwapimiile chantiuli!

வசனம்: 21

ثُمَّ نَظَرَ

Kaneka ni jwalolite (ŵandu).

வசனம்: 22

ثُمَّ عَبَسَ وَبَسَرَ

Kaneko ni jwautile sinya ni kusakasya kungope (kulosya ukali).

வசனம்: 23

ثُمَّ أَدۡبَرَ وَٱسۡتَكۡبَرَ

Kaneko soni jwachitundumalile (chikulupi) ni kulikwesya.

வசனம்: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Ni jwatite: “Nganijiŵatu jalakwe (Qur’aniji) ikaŵeje usaŵi waukupocheledwa (kuumila kwa asaŵi ŵakala).”

வசனம்: 25

إِنۡ هَٰذَآ إِلَّا قَوۡلُ ٱلۡبَشَرِ

“Nganijiŵatu jalakwe (Qur’aniji) ikaŵeje maloŵe ga mundu.”

வசனம்: 26

سَأُصۡلِيهِ سَقَرَ

Sampano tinan'jinjisye ku Saqara.

வசனம்: 27

وَمَآ أَدۡرَىٰكَ مَا سَقَرُ

Ana ni chichi champaka chimmanyisye ya Saqara?

வசனம்: 28

لَا تُبۡقِي وَلَا تَذَرُ

(Weletu ni Moto) wangasigasya (chilichose chachiponyedwemo) soni wangachileka (kuti chikopoche).

வசனம்: 29

لَوَّاحَةٞ لِّلۡبَشَرِ

Wakutinisya ni kuŵiilisya lipende.

வசனம்: 30

عَلَيۡهَا تِسۡعَةَ عَشَرَ

Pa walakweo pana (Achimalika ŵakuugosa) ŵakwana likumi kwisa nsano nancheche (19).

வசனம்: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ni nganitwaaŵiika akuuloleela Moto ikaŵeje Achimalaika, soni nganituchiŵiika chiŵalanjilo chaocho ikaŵeje kuŵa mayeso gakwalinjila achimakafili, kuti asimichisye ŵandu ŵaŵapedwile chitabu (ya chiŵalanjilochi), ni kuti soni ajonjechesye chikulupi chao ŵandu ŵaakulupilile, soni kuti akakaichila ŵandu ŵaŵapedwile chitabu ni ŵakulupilila, ni kuti soni aŵala ŵamuli m’mitima mwao mwana ulwele (wa unakunaku) ni achimakafili ajileje: “Ana Allah akusaka chichi pachilandanyo chalakwechi?” Iyyoyopeyo niyaakutiji Allah pa kunnechelela kusokonechela jwansachile ni kun'jongola jwansachile. Ni pangali ŵaakumanyilila mikutula ja asilikali ŵa Ambuje ŵenu ikaŵeje Jwelepejo. Ni nganiuŵa Walakwe (Motowo) ikaŵeje chikumbusyo kwa ŵandu (cha kwatetela nacho).

வசனம்: 32

كَلَّا وَٱلۡقَمَرِ

Ngwamba! Nguulumbila mwesi.

வசனம்: 33

وَٱلَّيۡلِ إِذۡ أَدۡبَرَ

Ni chilo ndema jachikutyoka (pakucha).

வசனம்: 34

وَٱلصُّبۡحِ إِذَآ أَسۡفَرَ

Ni kumasikusiku ndema jakukulanguka.

வசனம்: 35

إِنَّهَا لَإِحۡدَى ٱلۡكُبَرِ

Chisimu Walakwe (Motowo) uŵele limpepe (m’makungu) gekulungwa nnope.

வசனம்: 36

نَذِيرٗا لِّلۡبَشَرِ

Chitetelo kwa ŵandu.

வசனம்: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa jwalijose mwa jenumanja jwaasachile kuti alongolele (pakutenda yambone) kapena kusigalila (pakupanganya yakusakala).

வசனம்: 38

كُلُّ نَفۡسِۭ بِمَا كَسَبَتۡ رَهِينَةٌ

Mundu jwalijose tachiŵa uwombosi wakuliombolela ku (yakusakala) yaŵapanganyisye (pakutaŵidwa ku Moto).

வசனம்: 39

إِلَّآ أَصۡحَٰبَ ٱلۡيَمِينِ

Ikaŵeje aŵala ŵakunkono wan'dyo.

வசனம்: 40

فِي جَنَّٰتٖ يَتَسَآءَلُونَ

(Chachiŵa) m’Matimbe ga ku Mbepo achiwuusyanaga.

வசனம்: 41

عَنِ ٱلۡمُجۡرِمِينَ

Ya (ŵandu) ŵakuleŵa.

வசனம்: 42

مَا سَلَكَكُمۡ فِي سَقَرَ

“Ana ni chichi chachin'jinjisye ŵanganyammwe ku Saqara?”

வசனம்: 43

قَالُواْ لَمۡ نَكُ مِنَ ٱلۡمُصَلِّينَ

(Pakwanga) chachitiji: “Nganituŵa mwa akuswali.”

வசனம்: 44

وَلَمۡ نَكُ نُطۡعِمُ ٱلۡمِسۡكِينَ

“Soni nganituŵa nkwaaliisya masikini.”

வசனம்: 45

وَكُنَّا نَخُوضُ مَعَ ٱلۡخَآئِضِينَ

“Ni twaliji nkutiŵila (mu sambi) pamo ni akutiŵila.”

வசனம்: 46

وَكُنَّا نُكَذِّبُ بِيَوۡمِ ٱلدِّينِ

“Ni twaliji soni nkukanila ya Lisiku Lyamalipilo.”

வசனம்: 47

حَتَّىٰٓ أَتَىٰنَا ٱلۡيَقِينُ

“Mpaka chatuichilile chiwa.”

வசனம்: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Basi ngasichija kwakamuchisya ŵanganyao chondechonde cha akuchondelela.

வசனம்: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Ana chipali chichi kukwao chikwatendekasya kuchitundumalila chikumbusyo (Qur’an)?

வசனம்: 50

كَأَنَّهُمۡ حُمُرٞ مُّسۡتَنفِرَةٞ

(Kakwipuche kakwe kuti akajipikana Qur’an) gamba kuŵa ŵanganyao mpela mbunda (syamwitinji) syasikwipusyidwe.

வசனம்: 51

فَرَّتۡ مِن قَسۡوَرَةِۭ

Syasikutila lisimba.

வசனம்: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Yeti mundu jwalijose mwa ŵanganyao akusakaga ali apedwile ikalakala yeunukule-unukule (kuumila kwa Allah kutendela umboni yakuŵecheta Muhammadi ﷺ).

வசனம்: 53

كَلَّاۖ بَل لَّا يَخَافُونَ ٱلۡأٓخِرَةَ

Ngwamba! Nambo kuti ŵanganyao ngaakujijogopa Akhera.

வசனம்: 54

كَلَّآ إِنَّهُۥ تَذۡكِرَةٞ

Ngwamba! Chisimu jalakwe (Qur’aniji) jiŵele chikumbusyo.

வசனம்: 55

فَمَن شَآءَ ذَكَرَهُۥ

Basi jwaakusaka taalikumbusye najo.

வசனம்: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ni nganaŵa alikumbwisye ŵanganyao ikaŵeje naga Allah ali asachile. Jwalakwe ni jwaali Jwakuŵajilwa kogopedwa soni ni Nysene chikululuko.