Маънолар таржимаси Сура Зуҳо сураси - Ўзбекча таржима, таржимон: Муҳаммад Содиқ Муҳаммад Юсуф - Қуръони Карим қомуси

Зуҳо сураси

Оят: 1

وَٱلضُّحَىٰ

Чоштгоҳ билан қасам.

Оят: 2

وَٱلَّيۡلِ إِذَا سَجَىٰ

Сукунатга чўмган тун билан қасам.

Оят: 3

مَا وَدَّعَكَ رَبُّكَ وَمَا قَلَىٰ

Роббинг сени тарк қилгани йўқ, сенга ғазаб ҳам қилгани йўқ.

(Ушбу ояти карима мушриклар, Муҳаммаднинг Роббиси унга ғазаб қилди, уни тарк этди, деб гап тарқатганларида раддия сифатида тушгандир.)

Оят: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Ва албатта, охират сен учун бу дунёдан яхшидир.

Оят: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Ва тезда Роббинг сенга ато қилур ва сен рози бўлурсан.

Оят: 6

أَلَمۡ يَجِدۡكَ يَتِيمٗا فَـَٔاوَىٰ

У сени етим топиб, жойлаб қўймадими?

Оят: 7

وَوَجَدَكَ ضَآلّٗا فَهَدَىٰ

Ва У сени ҳайрон ҳолда топиб, ҳидоятга бошламадими?

Оят: 8

وَوَجَدَكَ عَآئِلٗا فَأَغۡنَىٰ

Ва У сени камбағал ҳолда топиб, бой қилмадими?

Оят: 9

فَأَمَّا ٱلۡيَتِيمَ فَلَا تَقۡهَرۡ

Аммо етимга қаҳр қилмагин.

Оят: 10

وَأَمَّا ٱلسَّآئِلَ فَلَا تَنۡهَرۡ

Ва аммо, «соил»га зажр қилма.

(«Соил» келганда — бирор нарсаси бўлса бериши, бўлмаса яхши муомала қилиши керак.)

Оят: 11

وَأَمَّا بِنِعۡمَةِ رَبِّكَ فَحَدِّثۡ

Ва аммо Роббингнинг берган неъмати ҳақида сўзла.