অর্থসমূহের অনুবাদ সূরা সূরা আল-মুদ্দাসসির - চেওয়া ভাষায় অনুবাদ - আল-কুরআনুল কারীম বিশ্বকোষ

সূরা আল-মুদ্দাসসির

আয়াত: 1

يَٰٓأَيُّهَا ٱلۡمُدَّثِّرُ

E iwe wadziphimba (nsalu)!

আয়াত: 2

قُمۡ فَأَنذِرۡ

Imilira ndipo uwachenjeze (anthu za chilango cha Allah).

আয়াত: 3

وَرَبَّكَ فَكَبِّرۡ

Ndipo Mbuye wako (Yekha) umkulitse (pomulemekeza).

আয়াত: 4

وَثِيَابَكَ فَطَهِّرۡ

Ndipo nsalu zako uziyeretse (ndi madzi ku uve).

আয়াত: 5

وَٱلرُّجۡزَ فَٱهۡجُرۡ

Ndiponso zoipa (monga mafano ndi zina zonse ) zipewe.

আয়াত: 6

وَلَا تَمۡنُن تَسۡتَكۡثِرُ

Usapatse (anthu) ncholinga choti ulandire zambiri.

আয়াত: 7

وَلِرَبِّكَ فَٱصۡبِرۡ

Chifukwa cha Mbuye wako, pirira (ku malamulo Ake poleka zomwe waletsa ndi kuchita zimene walamula).

আয়াত: 8

فَإِذَا نُقِرَ فِي ٱلنَّاقُورِ

Ndipo likadzaimbidwa lipenga,

আয়াত: 9

فَذَٰلِكَ يَوۡمَئِذٖ يَوۡمٌ عَسِيرٌ

Tsiku limenelo lidzakhala tsiku lovuta.

আয়াত: 10

عَلَى ٱلۡكَٰفِرِينَ غَيۡرُ يَسِيرٖ

Kwa osakhulupirira, silidzakhala lofewa.

আয়াত: 11

ذَرۡنِي وَمَنۡ خَلَقۡتُ وَحِيدٗا

Ndisiye ndiamene ndidamlenga Ndekha,

আয়াত: 12

وَجَعَلۡتُ لَهُۥ مَالٗا مَّمۡدُودٗا

Ndipo ndampatsa chuma chambiri.

আয়াত: 13

وَبَنِينَ شُهُودٗا

Ndi ana okhala nawo (paliponse).

আয়াত: 14

وَمَهَّدتُّ لَهُۥ تَمۡهِيدٗا

Ndipo ndamkonzera (ulemelero), kumkonzera (kwabwino).

আয়াত: 15

ثُمَّ يَطۡمَعُ أَنۡ أَزِيدَ

Kenako ali ndi dyera kuti ndimuonjezere (zina popanda kuthokoza).

আয়াত: 16

كَلَّآۖ إِنَّهُۥ كَانَ لِأٓيَٰتِنَا عَنِيدٗا

Koma sichoncho! Ndithu iye adali kutsutsa zizindikiro Zathu.

আয়াত: 17

سَأُرۡهِقُهُۥ صَعُودًا

Ndidzamkakamiza kuchilango chovuta; (kukwera phiri la ku Moto limene sakatha kulikwera).

আয়াত: 18

إِنَّهُۥ فَكَّرَ وَقَدَّرَ

Iye adalingalira (mu mtima mwake) ndi kukonza bwino (chonena chonyoza Qur’an).

আয়াত: 19

فَقُتِلَ كَيۡفَ قَدَّرَ

Choncho waonongeka! Adakonza bwanji (poinyoza Qur’an)!

আয়াত: 20

ثُمَّ قُتِلَ كَيۡفَ قَدَّرَ

Ndiponso waonongeka! Adakonza bwanji (poinyoza Qur’an)!

আয়াত: 21

ثُمَّ نَظَرَ

Kenako adayang’anayang’ana (nkhope za anthu).

আয়াত: 22

ثُمَّ عَبَسَ وَبَسَرَ

Kenakonso adachita tsinya ndikukwinya nkhope (kwambiri ndi mkwiyo).

আয়াত: 23

ثُمَّ أَدۡبَرَ وَٱسۡتَكۡبَرَ

Kenakonso adanyoza choonadi ndi kudzikweza (posachivomereza),

আয়াত: 24

فَقَالَ إِنۡ هَٰذَآ إِلَّا سِحۡرٞ يُؤۡثَرُ

Adati: “Sichina ichi (Qur’an) koma ndi matsenga amene adalandiridwa (kuchokera kwa amatsenga akale),

আয়াত: 25

إِنۡ هَٰذَآ إِلَّا قَوۡلُ ٱلۡبَشَرِ

Sichina ichi koma ndi mawu a anthu!”

আয়াত: 26

سَأُصۡلِيهِ سَقَرَ

Posachedwa ndimlowetsa ku ‘Saqara.’

আয়াত: 27

وَمَآ أَدۡرَىٰكَ مَا سَقَرُ

Nanga ndi chiyani chingakudziwitse za ‘Saqara?’

আয়াত: 28

لَا تُبۡقِي وَلَا تَذَرُ

(Ndi moto umene) siusiya (mnofu) ndiponso siusiya (fupa),

আয়াত: 29

لَوَّاحَةٞ لِّلۡبَشَرِ

Wopsereza ndi kudetsa khungu.

আয়াত: 30

عَلَيۡهَا تِسۡعَةَ عَشَرَ

Kumeneko kuli khumi ndi asanu ndi anayi (alonda oyang’anira Motowo.)

আয়াত: 31

وَمَا جَعَلۡنَآ أَصۡحَٰبَ ٱلنَّارِ إِلَّا مَلَٰٓئِكَةٗۖ وَمَا جَعَلۡنَا عِدَّتَهُمۡ إِلَّا فِتۡنَةٗ لِّلَّذِينَ كَفَرُواْ لِيَسۡتَيۡقِنَ ٱلَّذِينَ أُوتُواْ ٱلۡكِتَٰبَ وَيَزۡدَادَ ٱلَّذِينَ ءَامَنُوٓاْ إِيمَٰنٗا وَلَا يَرۡتَابَ ٱلَّذِينَ أُوتُواْ ٱلۡكِتَٰبَ وَٱلۡمُؤۡمِنُونَ وَلِيَقُولَ ٱلَّذِينَ فِي قُلُوبِهِم مَّرَضٞ وَٱلۡكَٰفِرُونَ مَاذَآ أَرَادَ ٱللَّهُ بِهَٰذَا مَثَلٗاۚ كَذَٰلِكَ يُضِلُّ ٱللَّهُ مَن يَشَآءُ وَيَهۡدِي مَن يَشَآءُۚ وَمَا يَعۡلَمُ جُنُودَ رَبِّكَ إِلَّا هُوَۚ وَمَا هِيَ إِلَّا ذِكۡرَىٰ لِلۡبَشَرِ

Ndipo sitidaike oyang’anira ku Moto (kukhala anthu) koma angelo; ndipo sitidaike chiwerengero chawo koma ndimayesero kwa amene sadakhulupirire, kuti atsimikize amene adapatsidwa mabuku (zimene Qur’an ikunena za chiwerengero cha angelo a ku Moto) ndiponso kuti chionjezeke chikhulupiliro kwa amene akhulupirira, ndikuti asapeneke amene adapatsidwa mabuku pamodzi ndi okhulupirira. Ndiponso kuti amene m’mitima mwawo muli matenda (matenda achinyengo) komanso osakhulupirira anene: “Kodi Allah akulinganji pa fanizo limeneli?” Momwemo Allah akumulekelera kusokera amene wamfuna, ndipo akumuongola amene wamfuna ndipo palibe amene angadziwe magulu a nkhondo a Mbuye wako kupatula Iye mwini. (Kutchula moto ndi zam’kati mwake) sichina koma ndichenjezo kwa anthu.

আয়াত: 32

كَلَّا وَٱلۡقَمَرِ

Sichoncho; ndikulumbilira mwezi,

আয়াত: 33

وَٱلَّيۡلِ إِذۡ أَدۡبَرَ

Ndi usiku pamene ukuchoka,

আয়াত: 34

وَٱلصُّبۡحِ إِذَآ أَسۡفَرَ

Ndi m’bandakucha pamene kukuyera.

আয়াত: 35

إِنَّهَا لَإِحۡدَى ٱلۡكُبَرِ

Ndithu uwo, (moto wa Jahannam) ndi chimodzi mwa malodza akulu,

আয়াত: 36

نَذِيرٗا لِّلۡبَشَرِ

Ndi chenjezo kwa anthu,

আয়াত: 37

لِمَن شَآءَ مِنكُمۡ أَن يَتَقَدَّمَ أَوۡ يَتَأَخَّرَ

Kwa yemwe wafuna mwa inu kutsogola (pochita zabwino zokamthandiza tsiku louka kwa akufa) kapena kutsalira (ndi za m’dziko).

আয়াত: 38

كُلُّ نَفۡسِۭ بِمَا كَسَبَتۡ رَهِينَةٌ

Mzimu uliwonse ukakhala chikole ndi zimene udachita.

আয়াত: 39

إِلَّآ أَصۡحَٰبَ ٱلۡيَمِينِ

Kupatula akudzanja lamanja (Asilamu amene adadzimasula okha potembenukira kwa Allah).

আয়াত: 40

فِي جَنَّٰتٖ يَتَسَآءَلُونَ

(Iwo) adzakhala m’minda (yosasimbika kukongola kwake) akufunsana wina ndi mnzake,

আয়াত: 41

عَنِ ٱلۡمُجۡرِمِينَ

Za anthu oipa,

আয়াত: 42

مَا سَلَكَكُمۡ فِي سَقَرَ

(Kuti): “Nchiyani chakulowetsani ku Moto?”

আয়াত: 43

قَالُواْ لَمۡ نَكُ مِنَ ٱلۡمُصَلِّينَ

Adzanena: “Sitidali m’gulu la omwe adali kupemphera (Swala).

আয়াত: 44

وَلَمۡ نَكُ نُطۡعِمُ ٱلۡمِسۡكِينَ

Ndiponso sitidali kuwadyetsa masikini.

আয়াত: 45

وَكُنَّا نَخُوضُ مَعَ ٱلۡخَآئِضِينَ

Koma tinkangomira (m’zachabe ndi zabodza) pamodzi ndi omira (m’menemo).

আয়াত: 46

وَكُنَّا نُكَذِّبُ بِيَوۡمِ ٱلدِّينِ

Ndiponso tidali kutsutsa za tsiku la malipiro.

আয়াত: 47

حَتَّىٰٓ أَتَىٰنَا ٱلۡيَقِينُ

Mpaka imfa idatifika.”

আয়াত: 48

فَمَا تَنفَعُهُمۡ شَفَٰعَةُ ٱلشَّٰفِعِينَ

Choncho siwudzawathandiza uwomboli wa awomboli.

আয়াত: 49

فَمَا لَهُمۡ عَنِ ٱلتَّذۡكِرَةِ مُعۡرِضِينَ

Kodi ali ndi chiyani iwo pakuti azinyozera chenjezoli (limene lili Qur’an?)

আয়াত: 50

كَأَنَّهُمۡ حُمُرٞ مُّسۡتَنفِرَةٞ

(Akuyenda mothamanga kuti asamve chenjezoli) ngati kuti iwo ndi mbidzi zothawa,

আয়াত: 51

فَرَّتۡ مِن قَسۡوَرَةِۭ

(Zimene) zikuthawa mkango.

আয়াত: 52

بَلۡ يُرِيدُ كُلُّ ٱمۡرِيٕٖ مِّنۡهُمۡ أَن يُؤۡتَىٰ صُحُفٗا مُّنَشَّرَةٗ

Ati akufuna aliyense mwa iwo apatsidwe kalata zotambasulidwa (zimene zitsimikize uthenga wa Mneneri Muhammad{s.a.w}).

আয়াত: 53

كَلَّاۖ بَل لَّا يَخَافُونَ ٱلۡأٓخِرَةَ

Sichoncho! Koma kuti iwo sakuopa tsiku lachimaliziro.

আয়াত: 54

كَلَّآ إِنَّهُۥ تَذۡكِرَةٞ

Sichoncho! Ndithu ichi (Qur’an) ndichikumbutso (chokwanira).

আয়াত: 55

فَمَن شَآءَ ذَكَرَهُۥ

Choncho amene wafuna achikumbukire (amene sakufuna ndizake)!

আয়াত: 56

وَمَا يَذۡكُرُونَ إِلَّآ أَن يَشَآءَ ٱللَّهُۚ هُوَ أَهۡلُ ٱلتَّقۡوَىٰ وَأَهۡلُ ٱلۡمَغۡفِرَةِ

Ndipo sangakumbukire pokhapokha Allah atafuna. Iye ndiye Amene ali woyenera kumuopa, ndiponso ndiye Mwini kukhululukira (amene akumuopa).