Translation of the Meanings of the Noble Qur'an - Filipino Translation (Maguindanaon) - Rowad Translation Center * - Translations’ Index
۞ تِلۡكَ ٱلرُّسُلُ فَضَّلۡنَا بَعۡضَهُمۡ عَلَىٰ بَعۡضٖۘ مِّنۡهُم مَّن كَلَّمَ ٱللَّهُۖ وَرَفَعَ بَعۡضَهُمۡ دَرَجَٰتٖۚ وَءَاتَيۡنَا عِيسَى ٱبۡنَ مَرۡيَمَ ٱلۡبَيِّنَٰتِ وَأَيَّدۡنَٰهُ بِرُوحِ ٱلۡقُدُسِۗ وَلَوۡ شَآءَ ٱللَّهُ مَا ٱقۡتَتَلَ ٱلَّذِينَ مِنۢ بَعۡدِهِم مِّنۢ بَعۡدِ مَا جَآءَتۡهُمُ ٱلۡبَيِّنَٰتُ وَلَٰكِنِ ٱخۡتَلَفُواْ فَمِنۡهُم مَّنۡ ءَامَنَ وَمِنۡهُم مَّن كَفَرَۚ وَلَوۡ شَآءَ ٱللَّهُ مَا ٱقۡتَتَلُواْ وَلَٰكِنَّ ٱللَّهَ يَفۡعَلُ مَا يُرِيدُ
Su silan a manga sinugu na inilabi nami su sabad kanilan kanu sabad, ebpun kanilan i inimbityalay nu Allah, endu inipulu nin su sabad kanilan sa manga ebpangkatan, endu inenggay nami kani Eisa a wata mama ni Maryam i manga tanda, endu pimbagelan nami sekanin (Eisa) sabap kani Jibril, umana bu ka migkahanda su Allah na da makambubunuwa su silan sa ulyan nilan, kanu ulyan nu nganin a kinawma kanilan nu manga tanda, ugayd na mimbida-bida silan, na ebpun kanilan su entayn i nalityala (nangimbenal) endu ebpun kanilan su entayn i migkafir, umana bu ka migkahanda su Allah na di silan makambubunuwa ugayd na su Allah na penggulan nin i nganin a kagkahanda nin.
Arabic explanations of the Qur’an:
يَٰٓأَيُّهَا ٱلَّذِينَ ءَامَنُوٓاْ أَنفِقُواْ مِمَّا رَزَقۡنَٰكُم مِّن قَبۡلِ أَن يَأۡتِيَ يَوۡمٞ لَّا بَيۡعٞ فِيهِ وَلَا خُلَّةٞ وَلَا شَفَٰعَةٞۗ وَٱلۡكَٰفِرُونَ هُمُ ٱلظَّٰلِمُونَ
Hay sekanu a namalityala (namangimbenal)! imbaranggya nu su nganin a inirizki nami sa lekanu sa unan a kapegkatingguma nu gay a da pendagang, endu da kabpakat, endu da kadtatabanga, endu su manga kafir na silan i manga salimbuten.
Arabic explanations of the Qur’an:
ٱللَّهُ لَآ إِلَٰهَ إِلَّا هُوَ ٱلۡحَيُّ ٱلۡقَيُّومُۚ لَا تَأۡخُذُهُۥ سِنَةٞ وَلَا نَوۡمٞۚ لَّهُۥ مَا فِي ٱلسَّمَٰوَٰتِ وَمَا فِي ٱلۡأَرۡضِۗ مَن ذَا ٱلَّذِي يَشۡفَعُ عِندَهُۥٓ إِلَّا بِإِذۡنِهِۦۚ يَعۡلَمُ مَا بَيۡنَ أَيۡدِيهِمۡ وَمَا خَلۡفَهُمۡۖ وَلَا يُحِيطُونَ بِشَيۡءٖ مِّنۡ عِلۡمِهِۦٓ إِلَّا بِمَا شَآءَۚ وَسِعَ كُرۡسِيُّهُ ٱلسَّمَٰوَٰتِ وَٱلۡأَرۡضَۖ وَلَا يَـُٔودُهُۥ حِفۡظُهُمَاۚ وَهُوَ ٱلۡعَلِيُّ ٱلۡعَظِيمُ
Su Allah, da wagib a pedsimban, ya tabiya na sekanin, a uyag- uyag a baninindeg sa ginawa nin, di sekanin egkakwa na tulatud endu katulug, lekanin su nganin a sya kanu manga langit endu su nganin a sya kanu kalupan, endu entayn i makadtabang lu sa lekanín (a Allah) ya tabya na su sugut nin, katawan nin su nganin a sya sa kasangulan nilan endu su nganin a sya kanu taligkudan nilan, endu da nilan katawi su enggagaisa (a ilmu nu Allah) ya tabya na su nganin a pigkahanda nin, endu malapat nu Kursi nin su manga langit endu lupa, endu di kalegenan su Allah sa kapedtuldu nin sa kanilan duwa, endu sekanin i labi a mapulu a masla.
Arabic explanations of the Qur’an:
لَآ إِكۡرَاهَ فِي ٱلدِّينِۖ قَد تَّبَيَّنَ ٱلرُّشۡدُ مِنَ ٱلۡغَيِّۚ فَمَن يَكۡفُرۡ بِٱلطَّٰغُوتِ وَيُؤۡمِنۢ بِٱللَّهِ فَقَدِ ٱسۡتَمۡسَكَ بِٱلۡعُرۡوَةِ ٱلۡوُثۡقَىٰ لَا ٱنفِصَامَ لَهَاۗ وَٱللَّهُ سَمِيعٌ عَلِيمٌ
Da ipedtegela sya kanu agama (Islam), saben-sabenal na napayag i tidtu kanu nakasibay, na entayn i egkafir kanu Tagut (pedsimban ataw ka banaligan sa ginawa a salakaw kanu Allah) endu malityala (mangimbenal) sa Allah na nakakapet sa malanut a di magetas, endu su Allah i labi a pakakineg a mataw.
Arabic explanations of the Qur’an:
Translation of the Meanings of the Noble Qur'an - Filipino Translation (Maguindanaon) - Rowad Translation Center - Translations’ Index
translated by Rowwad Translation Center, in cooperation with the Islamic Propagation Office in Rabwah and the Association for Serving Islamic Content in Languages.