ការបកប្រែអត្ថន័យ ជំពូក​ សូរ៉ោះអាហ្ពាសា - ការបកប្រែជាភាសាឆេវ៉ា - សព្វវចនាធិប្បាយនៃគម្ពីគួរអាន

សូរ៉ោះអាហ្ពាសា

អាយ៉ាត់: 1

عَبَسَ وَتَوَلَّىٰٓ

Adachita tsinya (Mneneri) ndi kuyang’ana kumbali.^[384]

[384] Tsiku lina Mneneri (s.a.w) atakhala ndi akuluakulu a Aquraishi. Adali kuwalalikira za chipembedzo mwachidwi, ndipo adali kuyembekezera kuti akavomereza Chisilamu iwo, ndiye kuti anthu owatsatira naonso avomereza. Chifukwa anthu ambiri sadalowe Chisilamu poopa atsogoleri awo. Pa nthawi imeneyi adatulukira wakhungu wina yemwe ankatchedwa Ibn Ummu Maktum. Sadadziwe kuti Mneneri (s.a.w) ali wotanganidwa. Adamukuwira: “E Iwe Mneneri wa Allah! Ndiphunzitse inenso zimene wakuphunzitsa Allah.” Ndipo ankangomubwerezera-bwerezera mawu amenewa. Mneneri (s.a.w) pakuti adali ndi chidwi ndi kulalikira akuluakulu aja, adamchitira tsinya wakhungu uja chifukwa chomuonongera ntchito yake; sadamumvere. Basi pamenepa Allah akumdzudzula Mneneri Wake pa zomwe adachita posiya kumumvera amene adamubwerera kudzafuna chiongoko.

អាយ៉ាត់: 2

أَن جَآءَهُ ٱلۡأَعۡمَىٰ

Chifukwa chakuti adamdzera wakhungu (kudzamfunsa zokhudzana ndi chipembedzo chake pamene iye adali kuyankhula ndi atsogoleri Achiquraishi).

អាយ៉ាត់: 3

وَمَا يُدۡرِيكَ لَعَلَّهُۥ يَزَّكَّىٰٓ

Nanga chingakudziwitse nchiyani kuti mwina iye angadziyeretse (pomvera ulaliki wako watsopano)?

អាយ៉ាត់: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Kapena akumbukira, ndipo kukumbukirako kumthandiza?

អាយ៉ាត់: 5

أَمَّا مَنِ ٱسۡتَغۡنَىٰ

Koma amene wadzikwaniritsa (ndi chuma chake ndi mphamvu zake),

អាយ៉ាត់: 6

فَأَنتَ لَهُۥ تَصَدَّىٰ

Ameneyo ndi yemwe ukumchitira chidwi.

អាយ៉ាត់: 7

وَمَا عَلَيۡكَ أَلَّا يَزَّكَّىٰ

Palibe chilichonse pa iwe ngati sadziyeretsa.

អាយ៉ាត់: 8

وَأَمَّا مَن جَآءَكَ يَسۡعَىٰ

Koma amene wakudzera uku akuthamanga (kufuna maphunziro ndi chiongoko),

អាយ៉ាត់: 9

وَهُوَ يَخۡشَىٰ

Ndipo iye akuopa (Allah mu mtima mwake).

អាយ៉ាត់: 10

فَأَنتَ عَنۡهُ تَلَهَّىٰ

Za iye, iwe sukusamala, (ukuyikira chidwi kwa wina).

អាយ៉ាត់: 11

كَلَّآ إِنَّهَا تَذۡكِرَةٞ

Sichoncho! Ndithudi iyi (Qur’an) ndi chikumbutso (chenjezo).^[385]

[385] (Ndime 11-16) Apa Allah akumuletsa Mtumiki Wake kuti asachitenso zonga adachitazo ndi kumuuza kuti Qur’an ndi ulaliki chabe, amene afuna kulingalira za ulalikiwo, umuthandiza, ndipo amene safuna, kutaika ndi kwake. Ndiponso adamufotokozera kuti Qur’an idachokera m’mabuku olemekezeka; idachokera ku “Lauhil-Mahfudh” mabuku omwe ali m’manja mwa Angelo olemba, olemekezeka, ochita zabwino omwe ndi abwino kuposa Aquraishi.

អាយ៉ាត់: 12

فَمَن شَآءَ ذَكَرَهُۥ

Basi, amene wafuna alangizika (ndi Qur’an, ndipo amene sakufuna msiye).

អាយ៉ាត់: 13

فِي صُحُفٖ مُّكَرَّمَةٖ

(Malangizowa akuchokera) mmakalata olemekezeka (kwa Allah);

អាយ៉ាត់: 14

مَّرۡفُوعَةٖ مُّطَهَّرَةِۭ

Apamwamba ndiponso oyeretsedwa (kumbiri iliyonse yopunguka);

អាយ៉ាត់: 15

بِأَيۡدِي سَفَرَةٖ

Omwe ali m’manja mwa Alembi (Angelo).

អាយ៉ាត់: 16

كِرَامِۭ بَرَرَةٖ

Olemekezeka, omvera.

អាយ៉ាត់: 17

قُتِلَ ٱلۡإِنسَٰنُ مَآ أَكۡفَرَهُۥ

Waonongeka (watembeleredwa) munthu. Nkotani kusayamika kwake kotereku.

អាយ៉ាត់: 18

مِنۡ أَيِّ شَيۡءٍ خَلَقَهُۥ

Kuchokera mchinthu chanji chimene iye adamulenga.

អាយ៉ាត់: 19

مِن نُّطۡفَةٍ خَلَقَهُۥ فَقَدَّرَهُۥ

Kuchokera ku dontho lamadzi (onyozeka) adamulenga, namkonzeratu mkalengedwe kosiyanasiyana.

អាយ៉ាត់: 20

ثُمَّ ٱلسَّبِيلَ يَسَّرَهُۥ

Kenako adamfewetsera njira (yotulukira m’mimba mwa mai ake).

អាយ៉ាត់: 21

ثُمَّ أَمَاتَهُۥ فَأَقۡبَرَهُۥ

Ndipo amamchititsa kuti amwalire namukumbula m’manda,

អាយ៉ាត់: 22

ثُمَّ إِذَا شَآءَ أَنشَرَهُۥ

Kenako akadzafuna adzamuukitsa (pambuyo pa imfa).

អាយ៉ាត់: 23

كَلَّا لَمَّا يَقۡضِ مَآ أَمَرَهُۥ

Ayi ndithu (munthu) sanakwaniritsebe zimene adamulamula Mbuye wake (Allah chingakhale wakhala nthawi yaitali pa dziko lapansi).

អាយ៉ាត់: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Alingalire munthu (mmene chilili) chakudya chake;^[386]

[386] Ngati munthu sakumbuka chilengedwe chake, ayang’ane chakudya chimene akudya momwe chimapezekera. Azindikira mphamvu za Allah.

អាយ៉ាត់: 25

أَنَّا صَبَبۡنَا ٱلۡمَآءَ صَبّٗا

Ndithu Ife timagwetsa mvula yambiri (kuchokera ku mitambo).

អាយ៉ាត់: 26

ثُمَّ شَقَقۡنَا ٱلۡأَرۡضَ شَقّٗا

Kenako timaing’amba nthaka kuti mmera utuluke;

អាយ៉ាត់: 27

فَأَنۢبَتۡنَا فِيهَا حَبّٗا

Ndipo timameretsa m’menemo njere (ya chakudya cha anthu ndi zina zimene amasunga mnkhokwe),

អាយ៉ាត់: 28

وَعِنَبٗا وَقَضۡبٗا

Ndi mphesa ndi msipu.

អាយ៉ាត់: 29

وَزَيۡتُونٗا وَنَخۡلٗا

Ndi mzitona (wabwino) ndi (zipatso za) kanjedza,

អាយ៉ាត់: 30

وَحَدَآئِقَ غُلۡبٗا

Ndi minda yothothana nthambi za mitengo,

អាយ៉ាត់: 31

وَفَٰكِهَةٗ وَأَبّٗا

Ndi zipatso (zodyedwa ndi anthu) ndi msipu (wodyedwa ndi nyama);

អាយ៉ាត់: 32

مَّتَٰعٗا لَّكُمۡ وَلِأَنۡعَٰمِكُمۡ

(Tazimeretsa zimenezo kuti) zikondweretse inu ndi ziweto zanu.

អាយ៉ាត់: 33

فَإِذَا جَآءَتِ ٱلصَّآخَّةُ

Choncho likadzafika lipenga logonthetsa mkhutu (ndi kuumitsa makosi).

អាយ៉ាត់: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Patsikuli munthu adzathawa m’bale wake,

អាយ៉ាត់: 35

وَأُمِّهِۦ وَأَبِيهِ

Mayi wake ndi bambo wake,

អាយ៉ាត់: 36

وَصَٰحِبَتِهِۦ وَبَنِيهِ

Mkazi wake ndi ana ake.

អាយ៉ាត់: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Munthu aliyense mwa iwo, tsiku limenelo adzakhala ndi zakezake zotangwanika nazo. (Sadzalabadira za anzake).

អាយ៉ាត់: 38

وُجُوهٞ يَوۡمَئِذٖ مُّسۡفِرَةٞ

Tsiku limenelo nkhope zina zidzakhala zowala;^[387]

[387] (Ndime 38-39) Tsiku limenelo anthu adzakhala kakhalidwe ka mitundu iwiri: amene adakhulupilira ndi kuchita ntchito zabwino nkhope zawo zidzawala ndi chimwemwe, ndipo amene adakanira ndikumachita zoipa, nkhope zawo zidzakhala zafumbi ndi zakuda monga momwe anenera ma Ayah 40 ndi 42.

អាយ៉ាត់: 39

ضَاحِكَةٞ مُّسۡتَبۡشِرَةٞ

Zosekelera ndi zachimwemwe (chifukwa cha nkhani yabwino ya ku Munda wamtendere.)

អាយ៉ាត់: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Ndipo nkhope zina tsiku limenelo zidzakhala zokutidwa ndi fumbi.

អាយ៉ាត់: 41

تَرۡهَقُهَا قَتَرَةٌ

Mdima udzazikuta.

អាយ៉ាត់: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Iwo ndi anthu osakhulupirira oipa (olakwira Allah).