Reikšmių vertimas Sūra Sūra At-Taarik - Čevų k. vertimas - Kilniojo Korano enciklopedija

Sūra At-Taarik

Aja (Korano eilutė): 1

وَٱلسَّمَآءِ وَٱلطَّارِقِ

Ndikulumbilira ku mwamba ndi Nyenyezi imene imadza usiku,

Aja (Korano eilutė): 2

وَمَآ أَدۡرَىٰكَ مَا ٱلطَّارِقُ

Chitakudziwitse nchiyani za Nyenyezi yodza usikuyo?

Aja (Korano eilutė): 3

ٱلنَّجۡمُ ٱلثَّاقِبُ

Imeneyo ndi nyenyezi yowala kwambiri (mu mdima).

Aja (Korano eilutė): 4

إِن كُلُّ نَفۡسٖ لَّمَّا عَلَيۡهَا حَافِظٞ

Ndithudi palibe mzimu uliwonse koma uli ndi msungi wake (amene akuuyang’anira ndikulemba zonse zochita zake).

Aja (Korano eilutė): 5

فَلۡيَنظُرِ ٱلۡإِنسَٰنُ مِمَّ خُلِقَ

Aganizire munthu, kodi adalengedwa kuchokera kuchiyani?

Aja (Korano eilutė): 6

خُلِقَ مِن مَّآءٖ دَافِقٖ

Adalengedwa kuchokera ku madzi ofwamphuka.

Aja (Korano eilutė): 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

Amatuluka kuchokera pakati pa mafupa a msana (wa mwamuna) ndi chifuwa (cha mkazi).

Aja (Korano eilutė): 8

إِنَّهُۥ عَلَىٰ رَجۡعِهِۦ لَقَادِرٞ

Ndithu Iye ndiwakutha, kumbwezeranso (ku moyo pa mbuyo pa imfa).

Aja (Korano eilutė): 9

يَوۡمَ تُبۡلَى ٱلسَّرَآئِرُ

Tsiku limene zobisika zonse zidzaonekera poyera.

Aja (Korano eilutė): 10

فَمَا لَهُۥ مِن قُوَّةٖ وَلَا نَاصِرٖ

Munthu sadzakhala ndi mphamvu (tsiku limenelo zodzitetezera iye mwini) ndiponso sadzakhala ndi mtetezi.

Aja (Korano eilutė): 11

وَٱلسَّمَآءِ ذَاتِ ٱلرَّجۡعِ

Ndikulumbiliranso mitambo yobweretsabweretsa mvula.

Aja (Korano eilutė): 12

وَٱلۡأَرۡضِ ذَاتِ ٱلصَّدۡعِ

Ndi nthaka imene imang’ambika (potulutsa m’mera),

Aja (Korano eilutė): 13

إِنَّهُۥ لَقَوۡلٞ فَصۡلٞ

Ndithudi iyi (Qur’an) ndi mawu olekanitsa (Haqq ndi Bâtwil - choona ndi chonama).

Aja (Korano eilutė): 14

وَمَا هُوَ بِٱلۡهَزۡلِ

Imeneyi sinkhambakamwa.

Aja (Korano eilutė): 15

إِنَّهُمۡ يَكِيدُونَ كَيۡدٗا

Ndithudi iwo akukonza chiwembu.^[416]

[416] (Ndime15-16) Tanthauzo lake ndikuti akafiri (osakhulupilira) akuchita ndale kuti azimitse dangalira la Qur’an ndikuyesetsa kuti awabweze amene adakhulupilira ndiponso ndikufuna kumupha Mneneri (s.a.w). Naye Allah akuwachitira ndale powaonongera ziwembu zawo zomwe amazikonza.

Aja (Korano eilutė): 16

وَأَكِيدُ كَيۡدٗا

Nanenso ndikuwakonzera chiwembu (champhamvu kwambiri chimene sangathe kuchipewa).

Aja (Korano eilutė): 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Basi, apatse nthawi osakhulupirira apatse nthawi pang’ono, (aona posachedwa).