പരിഭാഷ അദ്ധ്യായം സൂറത്ത് അബസ - ചെവ്വ പരിഭാഷ - വിശുദ്ധ ഖുർആൻ വിജ്ഞാനകോശം

സൂറത്ത് അബസ

ആയത്ത്: 1

عَبَسَ وَتَوَلَّىٰٓ

Adachita tsinya (Mneneri) ndi kuyang’ana kumbali.^[384]

[384] Tsiku lina Mneneri (s.a.w) atakhala ndi akuluakulu a Aquraishi. Adali kuwalalikira za chipembedzo mwachidwi, ndipo adali kuyembekezera kuti akavomereza Chisilamu iwo, ndiye kuti anthu owatsatira naonso avomereza. Chifukwa anthu ambiri sadalowe Chisilamu poopa atsogoleri awo. Pa nthawi imeneyi adatulukira wakhungu wina yemwe ankatchedwa Ibn Ummu Maktum. Sadadziwe kuti Mneneri (s.a.w) ali wotanganidwa. Adamukuwira: “E Iwe Mneneri wa Allah! Ndiphunzitse inenso zimene wakuphunzitsa Allah.” Ndipo ankangomubwerezera-bwerezera mawu amenewa. Mneneri (s.a.w) pakuti adali ndi chidwi ndi kulalikira akuluakulu aja, adamchitira tsinya wakhungu uja chifukwa chomuonongera ntchito yake; sadamumvere. Basi pamenepa Allah akumdzudzula Mneneri Wake pa zomwe adachita posiya kumumvera amene adamubwerera kudzafuna chiongoko.

ആയത്ത്: 2

أَن جَآءَهُ ٱلۡأَعۡمَىٰ

Chifukwa chakuti adamdzera wakhungu (kudzamfunsa zokhudzana ndi chipembedzo chake pamene iye adali kuyankhula ndi atsogoleri Achiquraishi).

ആയത്ത്: 3

وَمَا يُدۡرِيكَ لَعَلَّهُۥ يَزَّكَّىٰٓ

Nanga chingakudziwitse nchiyani kuti mwina iye angadziyeretse (pomvera ulaliki wako watsopano)?

ആയത്ത്: 4

أَوۡ يَذَّكَّرُ فَتَنفَعَهُ ٱلذِّكۡرَىٰٓ

Kapena akumbukira, ndipo kukumbukirako kumthandiza?

ആയത്ത്: 5

أَمَّا مَنِ ٱسۡتَغۡنَىٰ

Koma amene wadzikwaniritsa (ndi chuma chake ndi mphamvu zake),

ആയത്ത്: 6

فَأَنتَ لَهُۥ تَصَدَّىٰ

Ameneyo ndi yemwe ukumchitira chidwi.

ആയത്ത്: 7

وَمَا عَلَيۡكَ أَلَّا يَزَّكَّىٰ

Palibe chilichonse pa iwe ngati sadziyeretsa.

ആയത്ത്: 8

وَأَمَّا مَن جَآءَكَ يَسۡعَىٰ

Koma amene wakudzera uku akuthamanga (kufuna maphunziro ndi chiongoko),

ആയത്ത്: 9

وَهُوَ يَخۡشَىٰ

Ndipo iye akuopa (Allah mu mtima mwake).

ആയത്ത്: 10

فَأَنتَ عَنۡهُ تَلَهَّىٰ

Za iye, iwe sukusamala, (ukuyikira chidwi kwa wina).

ആയത്ത്: 11

كَلَّآ إِنَّهَا تَذۡكِرَةٞ

Sichoncho! Ndithudi iyi (Qur’an) ndi chikumbutso (chenjezo).^[385]

[385] (Ndime 11-16) Apa Allah akumuletsa Mtumiki Wake kuti asachitenso zonga adachitazo ndi kumuuza kuti Qur’an ndi ulaliki chabe, amene afuna kulingalira za ulalikiwo, umuthandiza, ndipo amene safuna, kutaika ndi kwake. Ndiponso adamufotokozera kuti Qur’an idachokera m’mabuku olemekezeka; idachokera ku “Lauhil-Mahfudh” mabuku omwe ali m’manja mwa Angelo olemba, olemekezeka, ochita zabwino omwe ndi abwino kuposa Aquraishi.

ആയത്ത്: 12

فَمَن شَآءَ ذَكَرَهُۥ

Basi, amene wafuna alangizika (ndi Qur’an, ndipo amene sakufuna msiye).

ആയത്ത്: 13

فِي صُحُفٖ مُّكَرَّمَةٖ

(Malangizowa akuchokera) mmakalata olemekezeka (kwa Allah);

ആയത്ത്: 14

مَّرۡفُوعَةٖ مُّطَهَّرَةِۭ

Apamwamba ndiponso oyeretsedwa (kumbiri iliyonse yopunguka);

ആയത്ത്: 15

بِأَيۡدِي سَفَرَةٖ

Omwe ali m’manja mwa Alembi (Angelo).

ആയത്ത്: 16

كِرَامِۭ بَرَرَةٖ

Olemekezeka, omvera.

ആയത്ത്: 17

قُتِلَ ٱلۡإِنسَٰنُ مَآ أَكۡفَرَهُۥ

Waonongeka (watembeleredwa) munthu. Nkotani kusayamika kwake kotereku.

ആയത്ത്: 18

مِنۡ أَيِّ شَيۡءٍ خَلَقَهُۥ

Kuchokera mchinthu chanji chimene iye adamulenga.

ആയത്ത്: 19

مِن نُّطۡفَةٍ خَلَقَهُۥ فَقَدَّرَهُۥ

Kuchokera ku dontho lamadzi (onyozeka) adamulenga, namkonzeratu mkalengedwe kosiyanasiyana.

ആയത്ത്: 20

ثُمَّ ٱلسَّبِيلَ يَسَّرَهُۥ

Kenako adamfewetsera njira (yotulukira m’mimba mwa mai ake).

ആയത്ത്: 21

ثُمَّ أَمَاتَهُۥ فَأَقۡبَرَهُۥ

Ndipo amamchititsa kuti amwalire namukumbula m’manda,

ആയത്ത്: 22

ثُمَّ إِذَا شَآءَ أَنشَرَهُۥ

Kenako akadzafuna adzamuukitsa (pambuyo pa imfa).

ആയത്ത്: 23

كَلَّا لَمَّا يَقۡضِ مَآ أَمَرَهُۥ

Ayi ndithu (munthu) sanakwaniritsebe zimene adamulamula Mbuye wake (Allah chingakhale wakhala nthawi yaitali pa dziko lapansi).

ആയത്ത്: 24

فَلۡيَنظُرِ ٱلۡإِنسَٰنُ إِلَىٰ طَعَامِهِۦٓ

Alingalire munthu (mmene chilili) chakudya chake;^[386]

[386] Ngati munthu sakumbuka chilengedwe chake, ayang’ane chakudya chimene akudya momwe chimapezekera. Azindikira mphamvu za Allah.

ആയത്ത്: 25

أَنَّا صَبَبۡنَا ٱلۡمَآءَ صَبّٗا

Ndithu Ife timagwetsa mvula yambiri (kuchokera ku mitambo).

ആയത്ത്: 26

ثُمَّ شَقَقۡنَا ٱلۡأَرۡضَ شَقّٗا

Kenako timaing’amba nthaka kuti mmera utuluke;

ആയത്ത്: 27

فَأَنۢبَتۡنَا فِيهَا حَبّٗا

Ndipo timameretsa m’menemo njere (ya chakudya cha anthu ndi zina zimene amasunga mnkhokwe),

ആയത്ത്: 28

وَعِنَبٗا وَقَضۡبٗا

Ndi mphesa ndi msipu.

ആയത്ത്: 29

وَزَيۡتُونٗا وَنَخۡلٗا

Ndi mzitona (wabwino) ndi (zipatso za) kanjedza,

ആയത്ത്: 30

وَحَدَآئِقَ غُلۡبٗا

Ndi minda yothothana nthambi za mitengo,

ആയത്ത്: 31

وَفَٰكِهَةٗ وَأَبّٗا

Ndi zipatso (zodyedwa ndi anthu) ndi msipu (wodyedwa ndi nyama);

ആയത്ത്: 32

مَّتَٰعٗا لَّكُمۡ وَلِأَنۡعَٰمِكُمۡ

(Tazimeretsa zimenezo kuti) zikondweretse inu ndi ziweto zanu.

ആയത്ത്: 33

فَإِذَا جَآءَتِ ٱلصَّآخَّةُ

Choncho likadzafika lipenga logonthetsa mkhutu (ndi kuumitsa makosi).

ആയത്ത്: 34

يَوۡمَ يَفِرُّ ٱلۡمَرۡءُ مِنۡ أَخِيهِ

Patsikuli munthu adzathawa m’bale wake,

ആയത്ത്: 35

وَأُمِّهِۦ وَأَبِيهِ

Mayi wake ndi bambo wake,

ആയത്ത്: 36

وَصَٰحِبَتِهِۦ وَبَنِيهِ

Mkazi wake ndi ana ake.

ആയത്ത്: 37

لِكُلِّ ٱمۡرِيٕٖ مِّنۡهُمۡ يَوۡمَئِذٖ شَأۡنٞ يُغۡنِيهِ

Munthu aliyense mwa iwo, tsiku limenelo adzakhala ndi zakezake zotangwanika nazo. (Sadzalabadira za anzake).

ആയത്ത്: 38

وُجُوهٞ يَوۡمَئِذٖ مُّسۡفِرَةٞ

Tsiku limenelo nkhope zina zidzakhala zowala;^[387]

[387] (Ndime 38-39) Tsiku limenelo anthu adzakhala kakhalidwe ka mitundu iwiri: amene adakhulupilira ndi kuchita ntchito zabwino nkhope zawo zidzawala ndi chimwemwe, ndipo amene adakanira ndikumachita zoipa, nkhope zawo zidzakhala zafumbi ndi zakuda monga momwe anenera ma Ayah 40 ndi 42.

ആയത്ത്: 39

ضَاحِكَةٞ مُّسۡتَبۡشِرَةٞ

Zosekelera ndi zachimwemwe (chifukwa cha nkhani yabwino ya ku Munda wamtendere.)

ആയത്ത്: 40

وَوُجُوهٞ يَوۡمَئِذٍ عَلَيۡهَا غَبَرَةٞ

Ndipo nkhope zina tsiku limenelo zidzakhala zokutidwa ndi fumbi.

ആയത്ത്: 41

تَرۡهَقُهَا قَتَرَةٌ

Mdima udzazikuta.

ആയത്ത്: 42

أُوْلَٰٓئِكَ هُمُ ٱلۡكَفَرَةُ ٱلۡفَجَرَةُ

Iwo ndi anthu osakhulupirira oipa (olakwira Allah).