含义的翻译 章 给亚迈 - 乌兹别克语翻译 - 穆罕默德·萨迪格。 - 《古兰经》合辑

Қиёмат сураси

段: 1

لَآ أُقۡسِمُ بِيَوۡمِ ٱلۡقِيَٰمَةِ

Қиёмат куни билан қасам.

段: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Ва маломатчи нафс билан қасам.

段: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

(Кофир) Инсон Бизни унинг суякларини жамлаб олмас, деб ўйларми?

段: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Албатта, Биз унинг бармоқ учларини ҳам асл ҳолига келтиришга қодирмиз.

段: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Балки, инсон келажакда фисқу фужур қилишни хоҳлайдир.

段: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Қиёмат куни қачон? — деб сўрайдир.

段: 7

فَإِذَا بَرِقَ ٱلۡبَصَرُ

Қачонки кўз лол қолиб қўрқинчга тўлса.

段: 8

وَخَسَفَ ٱلۡقَمَرُ

Ва ой тутилса.

段: 9

وَجُمِعَ ٱلشَّمۡسُ وَٱلۡقَمَرُ

Ва қуёш билан ой жамланса.

段: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Ўшал кунда инсон: «Қочар жой қаерда?» деб қоладир.

段: 11

كَلَّا لَا وَزَرَ

Йўқ! Қочар жой йўқдир!

段: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

У кунда жойлашув фақат Роббинг ҳузурида бўладир.

段: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

У кунда инсонга аввалу охир қилган ишларининг хабари бериладир.

段: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Ҳа, инсон ўз нафсига қарши ўзи шоҳиддир.

段: 15

وَلَوۡ أَلۡقَىٰ مَعَاذِيرَهُۥ

Ва агар узрларини тўкиб солса ҳам.

段: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Сен шошилиб у билан тилингни қимирлатма.

段: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Албатта, у(Қуръон)ни жамлаш ва ўқиб бериш Бизнинг зиммамизда.

段: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Бас, Биз уни ўқисак, қироатига зеҳн солиб тур.

段: 19

ثُمَّ إِنَّ عَلَيۡنَا بَيَانَهُۥ

Сўнгра у(Қуръон)ни баён қилиб бериш ҳам Бизнинг зиммамизда.

段: 20

كَلَّا بَلۡ تُحِبُّونَ ٱلۡعَاجِلَةَ

Йўқ! Балки сизлар шошар дунёни яхши кўрасизлар.

段: 21

وَتَذَرُونَ ٱلۡأٓخِرَةَ

Ва охиратни тарк этасизлар.

段: 22

وُجُوهٞ يَوۡمَئِذٖ نَّاضِرَةٌ

У кунда чиройли юзлар бор.

段: 23

إِلَىٰ رَبِّهَا نَاظِرَةٞ

Ўз Роббисига назар солувчилар.

段: 24

وَوُجُوهٞ يَوۡمَئِذِۭ بَاسِرَةٞ

Ва у кунда тиришиб-буришган юзлар ҳам бор.

段: 25

تَظُنُّ أَن يُفۡعَلَ بِهَا فَاقِرَةٞ

Ўзларига умуртқасини синдирадиган иш бўлишига ишонарлар.

段: 26

كَلَّآ إِذَا بَلَغَتِ ٱلتَّرَاقِيَ

Йўқ! Вақтики, (жон) ҳалқумга келса.

段: 27

وَقِيلَ مَنۡۜ رَاقٖ

Ва «Ким буни қутқарар?» дейилса.

段: 28

وَظَنَّ أَنَّهُ ٱلۡفِرَاقُ

Ва, албатта, бу фироқ эканлигига ишонса.

段: 29

وَٱلۡتَفَّتِ ٱلسَّاقُ بِٱلسَّاقِ

Ва болдирлар бир-бирига алмашса.

段: 30

إِلَىٰ رَبِّكَ يَوۡمَئِذٍ ٱلۡمَسَاقُ

У кунда ҳайдаб бориш жойи Роббинг ҳузуридадир.

(Яъни, жони ҳалқумига келиб қолганда, уни ҳаётда олиб қолиш учун барча чора кўрилади, Ким қутқараркин, деб илтижо қилинади. Лекин иложи бўлмай фироқ вақти келганига ишонч ҳосил бўлади. Жон чиққанда эса оёқлар жонсиз бўлиб бир-бирига чалмашади.)

段: 31

فَلَا صَدَّقَ وَلَا صَلَّىٰ

Бас, у тасдиқламади ва намоз ўқимади.

段: 32

وَلَٰكِن كَذَّبَ وَتَوَلَّىٰ

Ва лекин ёлғонга чиқарди ва юз ўгирди.

段: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Сўнг ўз аҳлига керилиб борди.

段: 34

أَوۡلَىٰ لَكَ فَأَوۡلَىٰ

Ҳолингга вой бўлсин сенинг, вой бўлсин!

段: 35

ثُمَّ أَوۡلَىٰ لَكَ فَأَوۡلَىٰٓ

Яна ҳолингга вой бўлсин сенинг, вой бўлсин!

段: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Инсон беҳуда тарк қилинишликнинг ҳисобини қилурми?

段: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

У манийдан оққан нутфа бўлмаганмиди?

段: 38

ثُمَّ كَانَ عَلَقَةٗ فَخَلَقَ فَسَوَّىٰ

Сўнг алақа бўлди. Бас, беками-кўст этиб яратди.

段: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Бас, ундан жуфтни — эркак ва аёлни яратди.

段: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Шундай Зот ўликларни тирилтиришга қодир эмасми?!