Traduction des sens Sourate AT-TAKÂTHOUR - Traduction en chewa - Encyclopédie du Noble Coran

AT-TAKÂTHOUR

Verset: 1

أَلۡهَىٰكُمُ ٱلتَّكَاثُرُ

Kwakutangwanitsani kusonkhanitsa (chuma chambiri ndi ana).^[477]

[477] (Ndime 1-2) Ndi chizolowezi cha anthu kupikisana pa chuma ndi pa ana. Choncho, mma Ayah awa: 1-2 Allah akuwauza: Kupikisana kwawo kochuluka, kukonda za m’dziko kwambiri, kwaiwalitsa kutumikira Allah mpaka imfa kuwapeza.

Verset: 2

حَتَّىٰ زُرۡتُمُ ٱلۡمَقَابِرَ

Mpakana mwapita kumanda (mwamwalira ndikukalowa m’manda).

Verset: 3

كَلَّا سَوۡفَ تَعۡلَمُونَ

Sichoncho! Mudziwa posachedwapa.^[478]

[478] Tanthauzo lake ndilakuti, pamene idzakufikirani imfa mudzadziwa kuti mudali kutaya nthawi ndi zinthu zopanda pake.

Verset: 4

ثُمَّ كَلَّا سَوۡفَ تَعۡلَمُونَ

Ndiponso sichoncho! Mudziwa posachedwapa.

Verset: 5

كَلَّا لَوۡ تَعۡلَمُونَ عِلۡمَ ٱلۡيَقِينِ

Sichoncho! mukadakhala mukudziwa, kudziwa kwachitsimikizo (sibwenzi mukutangwanika ndi za mdziko).

Verset: 6

لَتَرَوُنَّ ٱلۡجَحِيمَ

Ndithudi mudzauona Moto.

Verset: 7

ثُمَّ لَتَرَوُنَّهَا عَيۡنَ ٱلۡيَقِينِ

Kenako mudzauona ndithu ndi diso lachitsimikizo.

Verset: 8

ثُمَّ لَتُسۡـَٔلُنَّ يَوۡمَئِذٍ عَنِ ٱلنَّعِيمِ

Tsono patsikulo ndithudi mudzafunsidwa za mtendere (omwe munapatsidwa).^[479]

[479] Munthu aliyense ndi chilichonse chimene ali nacho ndi mphatso yochokera kwa Allah. Choncho, pa tsiku lachimaliziro adzafunsidwa za momwe adagwiritsira ntchito mphatso zimenezi, kaya m’njira yoipa kapena yabwino.