Fassarar Ma'anoni Sura Suratu Al'zalzala - Fassara da yaren Sawahili - Abdullah Muhammad da Nasir Khamis - Kundin Alqurani Mai girma

Surat Az-Zalzalah

Aya: 1

إِذَا زُلۡزِلَتِ ٱلۡأَرۡضُ زِلۡزَالَهَا

Itakapotikiswa ardhi mtikiso wa nguvu.

Aya: 2

وَأَخۡرَجَتِ ٱلۡأَرۡضُ أَثۡقَالَهَا

Na ikatoa vilivyomo ndani yake: wafu na makandi.

Aya: 3

وَقَالَ ٱلۡإِنسَٰنُ مَا لَهَا

Na akauliza binadamu, kwa babaiko, «Imezukiwa na nini?»

Aya: 4

يَوۡمَئِذٖ تُحَدِّثُ أَخۡبَارَهَا

Siku ya Kiyama ardhi itatoa habari ya mambo iliyofanyiwa ya uzuri na ubaya.

Aya: 5

بِأَنَّ رَبَّكَ أَوۡحَىٰ لَهَا

kwa kuwa Mwenyezi Mungu, Aliyetakasika na kutukuka, Ameiamuru itoe habari ya mambo iliyofanyiwa.

Aya: 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

Siku hiyo wataondoka kutoka kwenye kisimamo cha Hesabu wakiwa makundi, ili Mwenyezi Mungu Awaoneshe waliyoyatenda, mazuri na mabaya, na Awalipe kwayo.

Aya: 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

Yoyote mwenye kufanya jema wezani wa chungu mdogo atayaona malipo yake Akhera.

Aya: 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

Na yoyote mwenye kufanya baya wezani wa chungu mdogo atayaona malipo yake Akhera.