Traduzione dei significati Sura Al-Balad - Traduzione swahili - Abdullah Mohammed e Nasser Khamis - L'Enciclopedia del Nobile Corano

Surat Al-Balad

Versetto: 1

لَآ أُقۡسِمُ بِهَٰذَا ٱلۡبَلَدِ

Mwenyezi Mungu Anaapa kwa mji huu mtakatifu wa Makkah.

Versetto: 2

وَأَنتَ حِلُّۢ بِهَٰذَا ٱلۡبَلَدِ

Na wewe, ewe Nabii, ni mkazi wa mji huu mtakatifu.

Versetto: 3

وَوَالِدٖ وَمَا وَلَدَ

Na Anaapa kwa mzazi wa wanaadamu, ambaye ni Ādam, amani imshukie, na kilichozalikana na yeye.

Versetto: 4

لَقَدۡ خَلَقۡنَا ٱلۡإِنسَٰنَ فِي كَبَدٍ

Hakika Tumemuumba binadamu katika usumbufu na shida za kilimwengu.

Versetto: 5

أَيَحۡسَبُ أَن لَّن يَقۡدِرَ عَلَيۡهِ أَحَدٞ

Kwani anadhani kwa mali aliyoyakusanya kuwa Mwenyezi Mungu Hatakuwa na uwezo juu yake?

Versetto: 6

يَقُولُ أَهۡلَكۡتُ مَالٗا لُّبَدًا

Huwa akisema kwa kujigamba: «Nimetumia mali mengi.»

Versetto: 7

أَيَحۡسَبُ أَن لَّمۡ يَرَهُۥٓ أَحَدٌ

Kwani anadhani, kwa kitendo chake hiko, kuwa Mwenyezi Mungu, Aliyetukuka na kushinda, Hamuoni wala hatamhesabu juu ya kubwa na dogo?

Versetto: 8

أَلَمۡ نَجۡعَل لَّهُۥ عَيۡنَيۡنِ

Kwani hatukumpa macho mawili ya kuonea,

Versetto: 9

وَلِسَانٗا وَشَفَتَيۡنِ

ulimi na midomo miwili ya kusemea

Versetto: 10

وَهَدَيۡنَٰهُ ٱلنَّجۡدَيۡنِ

na kumfafanulia njia mbili: ya kheri na ya shari?

Versetto: 11

فَلَا ٱقۡتَحَمَ ٱلۡعَقَبَةَ

Basi ajiepushe na janga la Akhera kwa kutoa mali yake ili aokoke.

Versetto: 12

وَمَآ أَدۡرَىٰكَ مَا ٱلۡعَقَبَةُ

Ni kitu gani kilichojulisha ni lipi hilo janga la Akhera na ni mambo gani yenye kusaidia kujiepusha nalo?

Versetto: 13

فَكُّ رَقَبَةٍ

Ni kuacha huru shingo iliyoamini kuikomboa na utumwa.

Versetto: 14

أَوۡ إِطۡعَٰمٞ فِي يَوۡمٖ ذِي مَسۡغَبَةٖ

Au kulisha, wakati wa shida ya njaa,

Versetto: 15

يَتِيمٗا ذَا مَقۡرَبَةٍ

yatima mwenye ujamaa, ili ipatikane fadhila ya sadaka na ya kuunga kizazi,

Versetto: 16

أَوۡ مِسۡكِينٗا ذَا مَتۡرَبَةٖ

au masikini asiyekuwa na kitu.

Versetto: 17

ثُمَّ كَانَ مِنَ ٱلَّذِينَ ءَامَنُواْ وَتَوَاصَوۡاْ بِٱلصَّبۡرِ وَتَوَاصَوۡاْ بِٱلۡمَرۡحَمَةِ

Kisha akawa, baada ya kufanya amali njema zilizotajwa, ni miongoni mwa waliotakasa Imani yao kwa Mwenyezi Mungu, wakausiana kusubiri juu ya kumtii Mwenyezi Mungu kwa kufuata maamrisho Yake na kujiepusha na vitendo vya kumuasi na wakausiana kuwahurumia viumbe.

Versetto: 18

أُوْلَٰٓئِكَ أَصۡحَٰبُ ٱلۡمَيۡمَنَةِ

Wenye kufanya hayo ndiwo watu wa kulia ambao watapelekwa Siku ya Kiyama upande wa kulia kuelekea Peponi.

Versetto: 19

وَٱلَّذِينَ كَفَرُواْ بِـَٔايَٰتِنَا هُمۡ أَصۡحَٰبُ ٱلۡمَشۡـَٔمَةِ

Na wale waliokanusha Qur’ani ndio ambao watapelekwa, Siku ya Kiyama, upande wa kushoto kuelekea Motoni.

Versetto: 20

عَلَيۡهِمۡ نَارٞ مُّؤۡصَدَةُۢ

Malipo yao ni Moto wa Jahanamu wenye kuwafinika na kuwaziba.