Përkthimi i kuptimeve Surja Suretu El Alak - Përkthimi suahilisht - Abdullah Muhammed dhe Nasir Khamis - Enciklopedia e Kuranit Fisnik

Surat Al-Alaq

Ajeti: 1

ٱقۡرَأۡ بِٱسۡمِ رَبِّكَ ٱلَّذِي خَلَقَ

Soma, ewe Nabii, Qur’ani uliyoteremshiwa ukianza kwa Jina la Mola wako Aliyepwekeka kwa kuumba.

Ajeti: 2

خَلَقَ ٱلۡإِنسَٰنَ مِنۡ عَلَقٍ

Aliyemuumba kila binadamu kwa pande la damu nzito nyekundu.

Ajeti: 3

ٱقۡرَأۡ وَرَبُّكَ ٱلۡأَكۡرَمُ

Soma, ewe Nabii, kile ulichoteremshiwa, na Mola wako ni Mwingi wa wema, Mwingi wa ukarimu.

Ajeti: 4

ٱلَّذِي عَلَّمَ بِٱلۡقَلَمِ

Aliyewafundisha viumbe vyake kuandika kwa kalamu.

Ajeti: 5

عَلَّمَ ٱلۡإِنسَٰنَ مَا لَمۡ يَعۡلَمۡ

Alimfundisha binadamu vitu ambavyo hakuwa akivijua. Akamtoa kwenye giza la ujinga, Akampeleka kwenye nuru ya elimu.

Ajeti: 6

كَلَّآ إِنَّ ٱلۡإِنسَٰنَ لَيَطۡغَىٰٓ

Kweli, binadamu hukiuka mipaka ya Mwenyezi Mungu

Ajeti: 7

أَن رَّءَاهُ ٱسۡتَغۡنَىٰٓ

akijiona ametosheka kwa utajiri wake.

Ajeti: 8

إِنَّ إِلَىٰ رَبِّكَ ٱلرُّجۡعَىٰٓ

Basi, ajue kila mwenye kutupa mipaka kuwa mwisho atarudi kwa Mwenyezi Mungu Ambaye Atamlipa kila binadamu kwa alilolitenda.

Ajeti: 9

أَرَءَيۡتَ ٱلَّذِي يَنۡهَىٰ

Je, umeona ujeuri wa ajabu zaidi kuliko wa mtu huyu, Abu jahl,

Ajeti: 10

عَبۡدًا إِذَا صَلَّىٰٓ

Anayemkataza mja wetu, Muhammad, rehema ya Mwenyezi Mungu na amani zimshukie, anapomsalia Mola wake?

Ajeti: 11

أَرَءَيۡتَ إِن كَانَ عَلَى ٱلۡهُدَىٰٓ

Waonaje iwapo mwenye kukatazwa kusali yuko uongofuni, vipi anamkataza?

Ajeti: 12

أَوۡ أَمَرَ بِٱلتَّقۡوَىٰٓ

Au iwapo anaamrisha mwigine kumcha Mungu, vipi anamkataza hilo?

Ajeti: 13

أَرَءَيۡتَ إِن كَذَّبَ وَتَوَلَّىٰٓ

Waonaje iwapo huyu mwenye kukataza anakanusha lile alinganiwalo kwalo na kulipa mgongo,

Ajeti: 14

أَلَمۡ يَعۡلَم بِأَنَّ ٱللَّهَ يَرَىٰ

hajui kuwa Mwenyezi Mungu anaona kila analolifanya?

Ajeti: 15

كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

Basi mambo si kama anvyodai Abu Jahl. Na asipokomeka na ushindani alionao na udhia wake, Tutamshika upaa wake kwa nguvu na kumtia Motoni.

Ajeti: 16

نَاصِيَةٖ كَٰذِبَةٍ خَاطِئَةٖ

Upaa wake ni upaa wenye maneno ya urongo na vitendo vya makosa.

Ajeti: 17

فَلۡيَدۡعُ نَادِيَهُۥ

Basi na awalete, mtupaji mipaka huyu, watu wa baraza ili wamsaidiye.

Ajeti: 18

سَنَدۡعُ ٱلزَّبَانِيَةَ

Sisi Tutawaita Malaika wa adhabu.

Ajeti: 19

كَلَّا لَا تُطِعۡهُ وَٱسۡجُدۡۤ وَٱقۡتَرِب۩

Mambo si kama Abu Jahl anavyoyadhania. Yeye, ewe Mtume, hawezi kukufanya lolote la kukudhuru Usimfuate kwa lile alilokuitia la kuwa uache Swala, bali msujudie Mola wako na uwe karibu na Yeye kwa kujipendekeza Kwake kwa kumtii.