Përkthimi i kuptimeve Surja Suretu El Adijat - Përkthimi uzbekisht - Alaudin Mensur - Enciklopedia e Kuranit Fisnik

вал-Одиёт сураси

Ajeti: 1

وَٱلۡعَٰدِيَٰتِ ضَبۡحٗا

1. (Аллоҳ йўлида) харсиллаб чопадиган (от)ларга қасам;

Ajeti: 2

فَٱلۡمُورِيَٰتِ قَدۡحٗا

2. (Чопган пайтида туёқларидан) чақмоқлар чақадиган (от)ларга қасам;

Ajeti: 3

فَٱلۡمُغِيرَٰتِ صُبۡحٗا

3. Тонг пайтида (ёв устига) бостириб борадиган (от)ларга қасам;

Ajeti: 4

فَأَثَرۡنَ بِهِۦ نَقۡعٗا

4. Бас, ўшанда чанг-тўзон кўтариб;

Ajeti: 5

فَوَسَطۡنَ بِهِۦ جَمۡعًا

5. Шу (чанг-тўзон) билан (душман) жамоасининг ўртасига кириб келадиган (от)ларга қасамки;

Ajeti: 6

إِنَّ ٱلۡإِنسَٰنَ لِرَبِّهِۦ لَكَنُودٞ

6. Шак-шубҳасиз, (кофир) инсон Парвардигори (унга ато этган неъматлар)га кўрнамаклик қилгувчидир.

Ajeti: 7

وَإِنَّهُۥ عَلَىٰ ذَٰلِكَ لَشَهِيدٞ

7. Ва шак-шубҳасиз, у бунга (ўзининг бу ношукурлигига) гувоҳдир.

Ajeti: 8

وَإِنَّهُۥ لِحُبِّ ٱلۡخَيۡرِ لَشَدِيدٌ

8. Ва шак-шубҳасиз, у мол-дунё муҳаббатига жуда қаттиқ (берилгувчи)дир.

Ajeti: 9

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

9. Ахир у билмасмики, (Қиёмат қойим бўлиб), қабрларнинг ичидаги нарсалар (жасадларга қайта жон ато этилиб, ташқарига) чиқарилганида;

Ajeti: 10

وَحُصِّلَ مَا فِي ٱلصُّدُورِ

10. Ва диллардаги сирлар ошкор қилинганида;

Ajeti: 11

إِنَّ رَبَّهُم بِهِمۡ يَوۡمَئِذٖ لَّخَبِيرُۢ

11. Ана ўша Кунда шак-шубҳасиз, Парвардигорлари улардан (яъни, барча халойиқнинг ҳаёти дунёда қилиб ўтган ишларидан) огоҳ-хабардор-ку!

И з о ҳ. Бу оятларда Қиёмат Кунида барча сирлар ошкор бўлишини эслатиш билан ҳар бир инсон ўз ҳаётини ўша Кунда шарманда бўлиб қолмайдиган тарзда ўтказиши лозим эканлиги уқтирилмоқда.