மொழிபெயர்ப்பு சூரா அந்நாஸிஆத் - சுவாஹிலி மொழிபெயர்ப்பு - அப்துல்லா முஹம்மது மற்றும் நாசர் காமிஸ் - பக்க எண் 583 - அல்குர்ஆனிய கலைக்கலஞ்சியம்

An-Nazi'at

1 : 79

وَٱلنَّٰزِعَٰتِ غَرۡقٗا

Anaapa Allah Mtukufu kwa Malaika ambao huzing’oa roho za makafiri mng’oo mkali.

2 : 79

وَٱلنَّٰشِطَٰتِ نَشۡطٗا

Na kwa Malaika ambao huzichukua roho za Waumini kwa uchangamfu na upole.

3 : 79

وَٱلسَّٰبِحَٰتِ سَبۡحٗا

Na kwa Malaika wanaoshuka kutoka mbinguni na kupaa kwenda mbinguni.

4 : 79

فَٱلسَّٰبِقَٰتِ سَبۡقٗا

Na Malaika ambao wanakimbilia kutekeleza amri za Allah Mtukufu.

5 : 79

فَٱلۡمُدَبِّرَٰتِ أَمۡرٗا

Na kwa Malaika wanaopitisha amri za Mola wao katika mambo ya ulimwengu, waliowakilishwa kuyafanya na kuyasimamia, - Wala haifai kwa kiumbe kukiapia chochote kile, bali yapasa kiapo chake kiwe ni kwa jina la Mola wake Muumba au sifa Zake. Na lau ataapa kwa asiye Muumba wake, basi huyo amekuwa mshirikina - Watafufuliwa viumbe bila shaka na watahesabiwa.

6 : 79

يَوۡمَ تَرۡجُفُ ٱلرَّاجِفَةُ

Siku ambayo ardhi itatetemeka kwa Mpulizo wa kwanza.

7 : 79

تَتۡبَعُهَا ٱلرَّادِفَةُ

Mpulizo wa kufisha, ukifuatiwa na Mpulizo mwingine wa kuhuisha.

8 : 79

قُلُوبٞ يَوۡمَئِذٖ وَاجِفَةٌ

Nyoyo za makafiri, Siku hiyo, zitakuwa na papatiko kwa hofu kubwa.

9 : 79

أَبۡصَٰرُهَا خَٰشِعَةٞ

Macho ya makafiri hao yatakuwa madhalilifu kwa kitisho watakachokiona.

10 : 79

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Wanasema hawa wakanushao kufufuliwa: Je, tutarudishwa baada ya kufa kwetu kwenye yale tuliyokuwa nayo katika ardhi?

11 : 79

أَءِذَا كُنَّا عِظَٰمٗا نَّخِرَةٗ

Je, tutarudishwa na hali tutakua mifupa iliochakaa?

12 : 79

قَالُواْ تِلۡكَ إِذٗا كَرَّةٌ خَاسِرَةٞ

Wakasema: «Kurejea kwetu huko kutakuwa kutupu kusikokuwa kweli».

13 : 79

فَإِنَّمَا هِيَ زَجۡرَةٞ وَٰحِدَةٞ

Hakika tukio hilo litakuwa kwa mpulizo mmoja tu.

14 : 79

فَإِذَا هُم بِٱلسَّاهِرَةِ

Wakitahamaki wako hai juu ya ardhi baada ya kuwa walikuwa ndani yake.

15 : 79

هَلۡ أَتَىٰكَ حَدِيثُ مُوسَىٰٓ

Je imekujilia, (ewe Mtume), habari ya Mûsã?

16 : 79

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Pindi Mola wake Alipomwita katika bonde lililotakaswa na kubarikiwa, la Ṭuwā.