ការបកប្រែអត្ថន័យ ជំពូក​ ហ៊ូទ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 228 - សព្វវចនាធិប្បាយនៃគម្ពីគួរអាន

អាយ៉ាត់: 54

إِن نَّقُولُ إِلَّا ٱعۡتَرَىٰكَ بَعۡضُ ءَالِهَتِنَا بِسُوٓءٖۗ قَالَ إِنِّيٓ أُشۡهِدُ ٱللَّهَ وَٱشۡهَدُوٓاْ أَنِّي بَرِيٓءٞ مِّمَّا تُشۡرِكُونَ

Da madtalu nami ya tabya na pigkaydan ka (nabinasa ka) nu kaped a kadenan nami, tig nu Hud: pedsaksiyan ku sa Allah endu edsaksi kanu sa saki na lepas aku kanu sakutu nu.

អាយ៉ាត់: 55

مِن دُونِهِۦۖ فَكِيدُونِي جَمِيعٗا ثُمَّ لَا تُنظِرُونِ

Da salakaw sa Allah, na langunu endu su manga barahala nu na edtatabangay kanu den sa kagkaydan aku, mawli na di aku makakisu apiya paydu.

អាយ៉ាត់: 56

إِنِّي تَوَكَّلۡتُ عَلَى ٱللَّهِ رَبِّي وَرَبِّكُمۚ مَّا مِن دَآبَّةٍ إِلَّا هُوَ ءَاخِذُۢ بِنَاصِيَتِهَآۚ إِنَّ رَبِّي عَلَىٰ صِرَٰطٖ مُّسۡتَقِيمٖ

Saben-sabenal a saki na sinumalig aku sa Allah a Kadenan ku, endu Kadenan nu bun, dala nakabetad sya sa lupa a di kena sekanin a Allah i bagimatay lun sa endaw i nin lun, su kadenan ku na sya i hukuman nin sa lalan a matidtu.

អាយ៉ាត់: 57

فَإِن تَوَلَّوۡاْ فَقَدۡ أَبۡلَغۡتُكُم مَّآ أُرۡسِلۡتُ بِهِۦٓ إِلَيۡكُمۡۚ وَيَسۡتَخۡلِفُ رَبِّي قَوۡمًا غَيۡرَكُمۡ وَلَا تَضُرُّونَهُۥ شَيۡـًٔاۚ إِنَّ رَبِّي عَلَىٰ كُلِّ شَيۡءٍ حَفِيظٞ

Amayka di silan tumalima na inisampay ku bu su inisugu sa laki sa lekanu, endu sumambi su Kadenan ku sa manga taw a salakaw sa lekanu, endu apya paydu na di nu kagkaydan sekanin, ka su kadenan ku kanu langun nu enggaga-isa na pedtuldunin.

អាយ៉ាត់: 58

وَلَمَّا جَآءَ أَمۡرُنَا نَجَّيۡنَا هُودٗا وَٱلَّذِينَ ءَامَنُواْ مَعَهُۥ بِرَحۡمَةٖ مِّنَّا وَنَجَّيۡنَٰهُم مِّنۡ عَذَابٍ غَلِيظٖ

Guna makauma su tiyuba nami na linepas nami su Hud endu su manga mu'min a salta sa lekanin, sabap kanu limu nami, endu linepas nami silan sya sa dunya kanu siksa sa makapal.

អាយ៉ាត់: 59

وَتِلۡكَ عَادٞۖ جَحَدُواْ بِـَٔايَٰتِ رَبِّهِمۡ وَعَصَوۡاْ رُسُلَهُۥ وَٱتَّبَعُوٓاْ أَمۡرَ كُلِّ جَبَّارٍ عَنِيدٖ

Entu ba su Aad a sinangka kanilan su manga ayatan nu kadenan nilan, endu sinupak nilan su manga sinugu, endu ya nilan inunutan na suguwan nu bameges a pedtegas.

អាយ៉ាត់: 60

وَأُتۡبِعُواْ فِي هَٰذِهِ ٱلدُّنۡيَا لَعۡنَةٗ وَيَوۡمَ ٱلۡقِيَٰمَةِۗ أَلَآ إِنَّ عَادٗا كَفَرُواْ رَبَّهُمۡۗ أَلَا بُعۡدٗا لِّعَادٖ قَوۡمِ هُودٖ

Endu tinundugan silan sya sa dunya sa mulka (lipunget) endu lu sagay a mawli, ka saben-sabenal si Aad na mig-kafir sa kadenan nilan, endu mawatan sa limu si Aad a kawm nu (sakup nu) Hud.

អាយ៉ាត់: 61

۞ وَإِلَىٰ ثَمُودَ أَخَاهُمۡ صَٰلِحٗاۚ قَالَ يَٰقَوۡمِ ٱعۡبُدُواْ ٱللَّهَ مَا لَكُم مِّنۡ إِلَٰهٍ غَيۡرُهُۥۖ هُوَ أَنشَأَكُم مِّنَ ٱلۡأَرۡضِ وَٱسۡتَعۡمَرَكُمۡ فِيهَا فَٱسۡتَغۡفِرُوهُ ثُمَّ تُوبُوٓاْ إِلَيۡهِۚ إِنَّ رَبِّي قَرِيبٞ مُّجِيبٞ

Sinugu nami si Salih lu kanu Thamud, pidtalu nin kanilan: simba nu su Allah ka dala Kadenan nu a salakaw sa Allah, sekanin i napambuwat sa lekanu ebpun sa lupa, endu pinapaguyag kanu nin sya sa lupa, na pa-ampun kanu endu edtawbat kanu sa lekanin, ka su kadenan ku na masupeg a tumalima.

អាយ៉ាត់: 62

قَالُواْ يَٰصَٰلِحُ قَدۡ كُنتَ فِينَا مَرۡجُوّٗا قَبۡلَ هَٰذَآۖ أَتَنۡهَىٰنَآ أَن نَّعۡبُدَ مَا يَعۡبُدُ ءَابَآؤُنَا وَإِنَّنَا لَفِي شَكّٖ مِّمَّا تَدۡعُونَآ إِلَيۡهِ مُرِيبٖ

Pidtalu nilan: O Salih, kalilinyan nami a benal seka sa da nengka pan madtalu i pidtalu nengka, ngintu ka pedsapalan kami nengka sa kasimba nami kanu pedsimban nu kalukesan nami, endu penduwa-duwa kami sa enggatan nengka sa lekami.