ការបកប្រែអត្ថន័យ ជំពូក​ អាល់ហ្ពាក៏រ៉ោះ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 27 - សព្វវចនាធិប្បាយនៃគម្ពីគួរអាន

អាយ៉ាត់: 177

۞ لَّيۡسَ ٱلۡبِرَّ أَن تُوَلُّواْ وُجُوهَكُمۡ قِبَلَ ٱلۡمَشۡرِقِ وَٱلۡمَغۡرِبِ وَلَٰكِنَّ ٱلۡبِرَّ مَنۡ ءَامَنَ بِٱللَّهِ وَٱلۡيَوۡمِ ٱلۡأٓخِرِ وَٱلۡمَلَٰٓئِكَةِ وَٱلۡكِتَٰبِ وَٱلنَّبِيِّـۧنَ وَءَاتَى ٱلۡمَالَ عَلَىٰ حُبِّهِۦ ذَوِي ٱلۡقُرۡبَىٰ وَٱلۡيَتَٰمَىٰ وَٱلۡمَسَٰكِينَ وَٱبۡنَ ٱلسَّبِيلِ وَٱلسَّآئِلِينَ وَفِي ٱلرِّقَابِ وَأَقَامَ ٱلصَّلَوٰةَ وَءَاتَى ٱلزَّكَوٰةَ وَٱلۡمُوفُونَ بِعَهۡدِهِمۡ إِذَا عَٰهَدُواْۖ وَٱلصَّٰبِرِينَ فِي ٱلۡبَأۡسَآءِ وَٱلضَّرَّآءِ وَحِينَ ٱلۡبَأۡسِۗ أُوْلَٰٓئِكَ ٱلَّذِينَ صَدَقُواْۖ وَأُوْلَٰٓئِكَ هُمُ ٱلۡمُتَّقُونَ

Di kena mapiya i kasangul nu kanu manga beneng nu tampal sa sebangan endu sedepan, ugayd na nya mapiya na su entayn i nalityala (nangimbenal) sa Allah endu gay a mawli endu malaikat endu kitab endu su manga nabi, endu su inenggay nin i tamuk nin sa kyug nin sa kanu manga pagali nin endu su manga ilu endu su manga miskinan endu su wata na lalan (su natangen sa lalan sabap sa kadadalay) endu su manga bamangeni endu su manga ganga-aun, endu midsambayang endu minenggay sa zakat endu tinumuman sa pasad nilan amayka mibpasad silan endu su manga matigkel kanu kadadalay nilan endu kanu kutika nu kadalu, entuba silan i namembantangan, endu entuba silan a manga magilek sa Allah.

អាយ៉ាត់: 178

يَٰٓأَيُّهَا ٱلَّذِينَ ءَامَنُواْ كُتِبَ عَلَيۡكُمُ ٱلۡقِصَاصُ فِي ٱلۡقَتۡلَىۖ ٱلۡحُرُّ بِٱلۡحُرِّ وَٱلۡعَبۡدُ بِٱلۡعَبۡدِ وَٱلۡأُنثَىٰ بِٱلۡأُنثَىٰۚ فَمَنۡ عُفِيَ لَهُۥ مِنۡ أَخِيهِ شَيۡءٞ فَٱتِّبَاعُۢ بِٱلۡمَعۡرُوفِ وَأَدَآءٌ إِلَيۡهِ بِإِحۡسَٰنٖۗ ذَٰلِكَ تَخۡفِيفٞ مِّن رَّبِّكُمۡ وَرَحۡمَةٞۗ فَمَنِ ٱعۡتَدَىٰ بَعۡدَ ذَٰلِكَ فَلَهُۥ عَذَابٌ أَلِيمٞ

Sekanu a manga bamaginugut inibpalyugat sa lekanu i qisaas (kapakayd kanu minunu sa pinakaydan nin kanu binunu nin) sya kanu manga pinamunu, su daludaya na daludaya, endu su ulipen sa ulipen, su babay sa babay, na entayn i inampun sa lekanin nu suled nin na unutan i makagkapya (di mabunu) endu itapenay sa lekanin sa mapya (kasalan), entuba na kinapagkapegkag a ganat kanu pedtyakap sa lakanu (Allah) endu limu, na entayn i temalasak (edtibaba) kanu ulyan nu entuba na lekanin su siksa a masakit.

អាយ៉ាត់: 179

وَلَكُمۡ فِي ٱلۡقِصَاصِ حَيَوٰةٞ يَٰٓأُوْلِي ٱلۡأَلۡبَٰبِ لَعَلَّكُمۡ تَتَّقُونَ

Endu lekanu sya kanu qisaas i uyag-uyag, Hay sekanu a aden manga akal nin, ka malemu-lemu sa lekanu i kagilek nu (sa Allah).

អាយ៉ាត់: 180

كُتِبَ عَلَيۡكُمۡ إِذَا حَضَرَ أَحَدَكُمُ ٱلۡمَوۡتُ إِن تَرَكَ خَيۡرًا ٱلۡوَصِيَّةُ لِلۡوَٰلِدَيۡنِ وَٱلۡأَقۡرَبِينَ بِٱلۡمَعۡرُوفِۖ حَقًّا عَلَى ٱلۡمُتَّقِينَ

Iniwagib sa lekanu i amayka nakawma kanu isa sa lekanu su kapatay, i amayka aden natagak nin a mapya (tamuk) i kapanutuma sa duwa a mimbata endu su manga pagali sa mapya, bantang kanu manga magilek (sa Allah).

អាយ៉ាត់: 181

فَمَنۢ بَدَّلَهُۥ بَعۡدَ مَا سَمِعَهُۥ فَإِنَّمَآ إِثۡمُهُۥ عَلَى ٱلَّذِينَ يُبَدِّلُونَهُۥٓۚ إِنَّ ٱللَّهَ سَمِيعٌ عَلِيمٞ

Na entayn i sumambi sa lekanin (su tutuma) sa ulyan nu nganin a nakineg nin, na su dusa nin na kanu manga nanambi bu sa lekanin (kanu tutuma), saben-sabenal na su Allah i labi a pakakineg a mataw.