ការបកប្រែអត្ថន័យ ជំពូក​ អាល់ហ្ពាក៏រ៉ោះ - ការបកប្រែជាភាសាហ្វីលីពីន (ម៉ាហ្គិនដាណាវ) - មជ្ឍមណ្ឌលបកប្រែរ៉ូវ៉ាទ - លេខ​ទំព័រ 45 - សព្វវចនាធិប្បាយនៃគម្ពីគួរអាន

អាយ៉ាត់: 265

وَمَثَلُ ٱلَّذِينَ يُنفِقُونَ أَمۡوَٰلَهُمُ ٱبۡتِغَآءَ مَرۡضَاتِ ٱللَّهِ وَتَثۡبِيتٗا مِّنۡ أَنفُسِهِمۡ كَمَثَلِ جَنَّةِۭ بِرَبۡوَةٍ أَصَابَهَا وَابِلٞ فَـَٔاتَتۡ أُكُلَهَا ضِعۡفَيۡنِ فَإِن لَّمۡ يُصِبۡهَا وَابِلٞ فَطَلّٞۗ وَٱللَّهُ بِمَا تَعۡمَلُونَ بَصِيرٌ

Endu ya upaman nu silan a pembaranggyan nilan i manga tamuk nilan sa lilini sa kasuwat nu Allah, endu ipembagel sa kanu manga ginawa nilan, na mana su benday sa bukulud a nasugat sekanin na ulan, na natakep su unga nin, na u di gasugat na ulan na nasasangan den, endu su Allah kanu nganin a penggalbeken nu na pakailay.

អាយ៉ាត់: 266

أَيَوَدُّ أَحَدُكُمۡ أَن تَكُونَ لَهُۥ جَنَّةٞ مِّن نَّخِيلٖ وَأَعۡنَابٖ تَجۡرِي مِن تَحۡتِهَا ٱلۡأَنۡهَٰرُ لَهُۥ فِيهَا مِن كُلِّ ٱلثَّمَرَٰتِ وَأَصَابَهُ ٱلۡكِبَرُ وَلَهُۥ ذُرِّيَّةٞ ضُعَفَآءُ فَأَصَابَهَآ إِعۡصَارٞ فِيهِ نَارٞ فَٱحۡتَرَقَتۡۗ كَذَٰلِكَ يُبَيِّنُ ٱللَّهُ لَكُمُ ٱلۡأٓيَٰتِ لَعَلَّكُمۡ تَتَفَكَّرُونَ

Ngintu ya kiyug nu isa sa lekanu na maaden sa lekanin i pamumulan a kayu kulma endu manga anggul a belagilay sa kababanin i manga lawas a ig, aden sa lekanin sya kanu entuba i langun na manga unga, na nasugat sekanin na kinagkatwa, endu aden sa lekanin i manga mawli a taw a manga lubay, na nasugat sekanin (pamulan) na lipules a aden lun i apuy na nangatutung, manan ba i kapebpayag nu Allah sa lekanu sa kanu manga tanda nin ka endu malemu-lemu sa lekanu i kapamikir nu.

អាយ៉ាត់: 267

يَٰٓأَيُّهَا ٱلَّذِينَ ءَامَنُوٓاْ أَنفِقُواْ مِن طَيِّبَٰتِ مَا كَسَبۡتُمۡ وَمِمَّآ أَخۡرَجۡنَا لَكُم مِّنَ ٱلۡأَرۡضِۖ وَلَا تَيَمَّمُواْ ٱلۡخَبِيثَ مِنۡهُ تُنفِقُونَ وَلَسۡتُم بِـَٔاخِذِيهِ إِلَّآ أَن تُغۡمِضُواْ فِيهِۚ وَٱعۡلَمُوٓاْ أَنَّ ٱللَّهَ غَنِيٌّ حَمِيدٌ

Hay sekanu a bamalityala (bamangimbenal)! Embaranggya kanu ebpun kanu manga mapya a napantyali nu, endu ebpun kanu nganin a babagetun nami sa lekanu ebpun sa lupa,endu di nu egkahanda su mawag ebpun kanu entuba sa embaranggyan nu, endu di kena sekanu pakakwa lun, ya tabya na ebpipidengan nu su entuba, endu tuntayi nu i saben-sabenal na su Allah na labi a kawasa a kapedta-pedta.

អាយ៉ាត់: 268

ٱلشَّيۡطَٰنُ يَعِدُكُمُ ٱلۡفَقۡرَ وَيَأۡمُرُكُم بِٱلۡفَحۡشَآءِۖ وَٱللَّهُ يَعِدُكُم مَّغۡفِرَةٗ مِّنۡهُ وَفَضۡلٗاۗ وَٱللَّهُ وَٰسِعٌ عَلِيمٞ

Su Shaytan na banginggileken kanu nin sa kapegkanasisita (kasimpit na gatamanan) endu pedsugun kanu nin sa kasingit, endu su Allah na pebpasadan kanu nin sa ampun a ebpun sa lekanin endu kalbihan (kapyanan), endu su Allah na labi a mawlad (i limu) a mataw (kanu gatamanan nu manga ulipen nin).

អាយ៉ាត់: 269

يُؤۡتِي ٱلۡحِكۡمَةَ مَن يَشَآءُۚ وَمَن يُؤۡتَ ٱلۡحِكۡمَةَ فَقَدۡ أُوتِيَ خَيۡرٗا كَثِيرٗاۗ وَمَا يَذَّكَّرُ إِلَّآ أُوْلُواْ ٱلۡأَلۡبَٰبِ

Ibagenggay nin su ungangen kanu entayn i magkahanda nin, endu entayn i naenggan sa ungangen na saben-sabenal na naenggan sa mapya a madakel, endu dala makagkalendem nya tabya na su manga aden akal nin.