ترجمهٔ معانی سوره سوره ضحى - ترجمه ى پشتو - دایرة المعارف قرآن کریم

الضحى

آیه: 1

وَالضُّحٰی ۟ۙ

93-1 قسم دى په څاښت باندې

آیه: 2

وَالَّیْلِ اِذَا سَجٰی ۟ۙ

93-2 او په شپه باندې كله چې قراره شي

آیه: 3

مَا وَدَّعَكَ رَبُّكَ وَمَا قَلٰی ۟ؕ

93-3 چې ته خپل رب نه پریښى يې او نه يې (درسره) بغض ساتلى دى

آیه: 4

وَلَلْاٰخِرَةُ خَیْرٌ لَّكَ مِنَ الْاُوْلٰی ۟ؕ

93-4 او خامخا اخرت تا لپاره له دنیا نه ډېر غوره دى

آیه: 5

وَلَسَوْفَ یُعْطِیْكَ رَبُّكَ فَتَرْضٰی ۟ؕ

93-5 او خامخا ژر به تا ته ستا رب دركړي، نو ته به راضي (خوشحاله) شې

آیه: 6

اَلَمْ یَجِدْكَ یَتِیْمًا فَاٰوٰی ۪۟

93-6 ایا ته يې یتیم نه وې موندلى؟ پس پناه ځاى يې دركړ

آیه: 7

وَوَجَدَكَ ضَآلًّا فَهَدٰی ۪۟

93-7 او ته يې ناخبره (او ناپوه) وموندلې، نو لار ښوونه يې (درته) وكړه

آیه: 8

وَوَجَدَكَ عَآىِٕلًا فَاَغْنٰی ۟ؕ

93-8 او ته يې فقیر وموندلې، نو غني يې كړې

آیه: 9

فَاَمَّا الْیَتِیْمَ فَلَا تَقْهَرْ ۟ؕ

93-9 نو هر چې یتیم دى، نو ته (ده ته) قهر مه كوه

آیه: 10

وَاَمَّا السَّآىِٕلَ فَلَا تَنْهَرْ ۟ؕ

93-10 او هر چې سوالګرى دى، نو ته يې مه رټه

آیه: 11

وَاَمَّا بِنِعْمَةِ رَبِّكَ فَحَدِّثْ ۟۠

93-11 او پاتې شو (نعمت) نو ته د خپل رب نعمت بیانوه