Reikšmių vertimas Sūra Sūra Az-Zalzalah - Uzbekų k. vertimas - Alaudin Mansūr - Kilniojo Korano enciklopedija

Залзала сураси

Aja (Korano eilutė): 1

إِذَا زُلۡزِلَتِ ٱلۡأَرۡضُ زِلۡزَالَهَا

1. Қачон Ер ўзининг (энг даҳшатли) зилзиласи билан ларзага тушганида;

Aja (Korano eilutė): 2

وَأَخۡرَجَتِ ٱلۡأَرۡضُ أَثۡقَالَهَا

2. Ва Ер (ўз бағридаги хазинаю-дафиналардан ва инсон жасадларидан иборат) «юк»ларини (юзага) чиқариб ташлаганида;

Aja (Korano eilutė): 3

وَقَالَ ٱلۡإِنسَٰنُ مَا لَهَا

3. Ва (ҳаётлик пайтида қайта тирилишни инкор қилгувчи бўлган) инсон (қайта тирилганидан даҳшатга тушиб: «Ерга) нима бўлди ўзи?», деб қолганида;

Aja (Korano eilutė): 4

يَوۡمَئِذٖ تُحَدِّثُ أَخۡبَارَهَا

4. Ана ўша Кунда Ер ўз хабарларини сўзлар!

Aja (Korano eilutė): 5

بِأَنَّ رَبَّكَ أَوۡحَىٰ لَهَا

5. Парвардигорингиз унга ваҳий қил(иб, сўзлашга буюр)гани сабабли (ўз хабарларини сўзлар!)

И з о ҳ. Саҳобалардан Абу Ҳурайра (Аллоҳ у кишидан рози бўлсин) ривоят қилишларича, Пайғамбар алайҳис-салоту вас-салом ернинг хабарлари нима эканлиги ҳақида сўзлаб: «Ернинг хабарлари — ҳар бир эркагу-аёл унинг устида қандай амал қилган бўлса, барчасини Аллоҳ таоло ҳузурида сўзлаб, гувоҳлик беришидир», деган эканлар.

Aja (Korano eilutė): 6

يَوۡمَئِذٖ يَصۡدُرُ ٱلنَّاسُ أَشۡتَاتٗا لِّيُرَوۡاْ أَعۡمَٰلَهُمۡ

6. Ўша Кунда одамлар, уларга (қилиб ўтган амаллари)нинг жазо ёки мукофотлари кўрсатилиши учун тўда-тўда бўлиб чиқиб келурлар!

Aja (Korano eilutė): 7

فَمَن يَعۡمَلۡ مِثۡقَالَ ذَرَّةٍ خَيۡرٗا يَرَهُۥ

7. Бас, ким (ҳаёти дунёдалик пайтида) зарра мисқоличалик яхшилик қилса, (Қиёмат Кунида) ўшани кўрур.

Aja (Korano eilutė): 8

وَمَن يَعۡمَلۡ مِثۡقَالَ ذَرَّةٖ شَرّٗا يَرَهُۥ

8. Ким зарра мисқоличалик ёмонлик қилса, уни ҳам кўрур!